Беларуская хрысціянская дэмакратыя

Малюнкі Паўла Севярынца будуць прадстаўлены на выставе разам з фотапраектам «Minsk Anti Zoo. Red Mark» у падтрымку палітвязынак 26 студзеня у Варшаве

«Minsk Anti Zoo. Red Mark» – гэта крэатыўны фота-праект стылісткі Ганны Прышывалкі і творчай каманды. Ў праекце ўзялі ўдзел акторкі Беларускага свабоднага тэатра, якія ўвасобілі вобразы беларускіх жанчын, што знаходзяцца ў няволі.

Ў Беларусі за кратамі знаходзіцца вялікая колькасць ні ў чым не павінных людзей. Яны безабаронныя і бездапаможныя перад фізічнай сілай і ўладай, якая ізалюе іх і пазбаўляе права выбару. Выстава «Minsk Anti Zoo. Red Mark» цалкам прысвечана жанчынам у зняволенні.

Акрамя таго, на выставе будуць прадстаўлены турэмныя малюнкі Паўла Севярынца.

«Падчас падзей 2020 года, калі ўжо пачалася хваля гэтых жудасных арыштаў, я трапіла з дзіцёнкам у наш мінскі заапарк. І стоячы там, гледзячы на жывёл, якія знаходзяцца ў клетках, у гэтых маленькіх «камерах», на іх пакуты, сумныя і адчайныя позіркі, да мяне пачалі прыходзіць паралелі, якія і сталі асновай канцэпцыі праекта. Для мяне было важна выразіць увесь смутак і перажыванні, якія былі ў мяне ўнутры, і паказаць, наколькі бесчалавечна паступаюць улады, калі закрываюць людзей у клеткі толькі за тое, што яны хочуць жыць і гадаваць сваіх дзяцей у шчасці і атмасферы свабоды» – гаворыць суаўтарка паректа Ганна Прышывалка.

Наведаць выставу у Варшаве можна з 26 студзеня на Прасторы па адрасе Hoża, 41 lok 2. Час працы з 11.00 да 20.00.

Выстава праходзіць у межах кампаніі ТЭМА#1 ад Free Belarus Center, якая накіравана на падтрымку беларускіх палітвязняў.

Беларускія хрысціянскія дэмакраты падтрымалі беларускіх палітвязняў на акцыі ў Бруселі і сталі суарганізатарамі форуму 8+100 у Еўрапейскім парламенце

Беларускія хрысціянскія дэмакраты сталі саарганізатарамі пікета каля Еўрапейскага парламента ў Бруселі, каб выказаць падтрымку беларускім палітвязням. Падчас мерапрыемства былі зачытаны імёны сотняў людзей, якія па палітычных матывах знаходзяцца за кратамі ў Беларусі. Ў пікеце таксама прыняла ўдзел Мальгажата Гасевска, кіраўнік дэлегацыі Еўрапейскага парламента па Беларусі.

Акрамя таго, беларускія хрысціянскія дэмакраты сталі суарганізатарамі форуму «8+100», які адбудзецца сёння ў Еўрапейскім парламенце. Форум аб'ядноўвае 8 беларускіх дэмакратычных партый, і больш за 100 еўрапейскіх палітычных партый, якія падтрымліваюць дэмакратычныя змены ў Беларуси. На форуме будуць абмеркаваныя стратэгіі падтрымкі дэмакратычнай Беларусі, вырашэнне гуманітарнага крызіса палітвязняў і магчымасці для беларусаў у эміграцыі. Ў форуме возьмуць удзел Святлана Ціханоўская, дэпутаты Еўрапарламента, адзін з лідэраў хрысціянскіх дэмакратаў Віталь Рымашэўскі і іншыя прадстаўнікі беларускага дэмакратычнага руха.

«Наша мэта — прыцягнуць увагу да трагедыі палітвязняў і нагадаць міжнароднай супольнасці пра важнасць салідарнасці з беларускім народам», — адзначыў Віталь Рымашэўскі.