Дзейнасць Прадстаўніцтва па абароне і нацыянальнай бяспецы Кабінета ў 2024 годзе

☑️ Забяспечваецца лагістычная падтрымка беларускіх добраахвотнікаў.

☑️ Ствараецца інфраструктура для разгортвання новых сілавых структур.

☑️ Наладжваецца супрацоўніцтва з дэмакратычнымі дзяржавамі і міжнароднымі структурамі для падтрымкі Беларусі ў барацьбе за суверэнітэт.

☑️ Ажыццяўляецца сцэнарная распрацоўка дзеянняў адносна тактыкі і стратэгіі для дасягнення пастаўленых мэт.

Большасць ініцыятыў рэалізуецца ў рэжыме непублічнасці з улікам іх спецыфікі. У пачатку наступнага года Прадстаўніцтва анансуе адзін з ключавых праектаў у сілавой сферы.

Вадзім Кабанчук, прадстаўнік па абароне і нацыянальнай бяспецы: «Сітуацыя, якая склалася, патрабуе ад усіх беларускіх дэмакратычных сіл аб’яднання вакол ідэі вызвалення беларускіх тэрыторый ад расійскай акупацыі і аднаўлення канстытуцыйнага ладу. Здрадніцкая палітыка Лукашэнкі прывяла да фактычнага знішчэння Рэспублікі Беларусь як суверэннай дэмакратычнай дзяржавы, ператварыўшы яе ў акупаваную тэрыторыю. Мы нацэленыя на тое, каб Беларусь больш ніколі не была плацдармам агрэсіі, а стала краінай, дзе гарантаваныя бяспека, жыццё і дабрабыт народа».

#вынікі_працы_Кабінета_2024

@CabinetBelarus