Калядныя падарункі не абавязкова класці пад ялінку — расказваем пра тры дабрачынныя зборы

🌲Калядны збор для шматдзетных сем’яў беларускіх творцаў ад Беларускай Рады культуры. Усе данаты, якія паступяць у Раду культуры да 25 снежня, будуць перададзены тром сем’ям вядомых беларускіх творцаў, якія апынуліся на мяжы выжывання.

🌲«Падорым дзецям цуд!» — калядная акцыя ад службы «Хуткай гуманітарнай дапамогі». Грошы пойдуць на падарункі дзецям, чые сем'і трапілі ў цяжкія абставіны — напрыклад, іх бацькі знаходзяцца за кратамі ў Беларусі з-за палітычных матываў. Гэты збор — не толькі пра падарункі, але і пра магчымасць падарыць дзецям веру, паказаць, што пра іх саміх і іх сем’і не забыліся.

🌲Калі вы знаходзіцеся ў Беларусі, то можаце падтрымаць дабрачынную арганізацыю, якая дапамагае бяздомным — «Луч маяка». Дапамагчы можна ежай, адзеннем ці наўпрост — грашыма. Маленькі цуд часам вельмі патрэбны і дарослым людзям.