Пачаліся грамадскія абмеркаванні справаздачы АУНА па праекце гасцініцы на набярэжнай, пад замкамі (Заводская, 13)

Праект праходзіць як рэканстукцыя, у межах якой да існага адміністрацыйнага будынка на Заводскай, 13 дабудоўваецца новая частка (у праекце - раскрэпоўка).

Яна размесціцца з боку Нёмана на месцы страчанага гістарычнага жылога будынка.

▪️Прыбудова ўяўляе сабой 2-х павярховы прамавугольны ў плане будынак з рызалітам і мансардай у скатным даху.
▪️Вышыня ў каньку - 11,8 м.
▪️Рызаліт вянчае трохвугольны франтон. Сіметрычнасць падтрымлівае рытм вокнаў на фасадзе.
▪️Дэкор будынка - міжпавярховы пояс у выглядзе палічкі і карніз на сценах пад дахам і на франтоне рызаліта.
▪️Прыбудову з існым будынкам злучыць 2-х павярховы пераход.

❗️Паводле дакументаў, архітэктурнае аблічча прыбудовы і яе параметры адпавядаюць гісторыка-архіўным дадзеным, у тым ліку плану г. Гродна 1931-1933 гг., гістарычным фатаграфіям.

Дзеля будоўлі спілуюць 5 дрэваў (плануюць кампенсацыйныя пасадкі 30 дрэваў лісцяных хуткарослых парод) і перасадзяць 6 туй.

У гасцёўні плануюць 17 нумароў на 33 гасцей.
▫️На 1-м пав. размешчаны вестыбюльная група з рэсепшэнам, нумар для ФОЛ; канферэнц зала; кухонны блок і памяшканні гаспадарчага прызначэння.
▫️На 2-м і 3-м пав. размешчаны 16 нумароў.
▫️Паверхі злучае лесвіца і пад'ёмнік. ▫️▫️Ацяпленне - мінікацельня.

Будынак размяшчаецца ў зоне аховы гістарычнага цэнтра і ў водаахоўнай зоне Нёмана.

📄Замоўца будоўлі - ТАА "ВалДим" (дзейнасць - здача ў наём уласнай і арандаванай нерухомасці), праектуе - ТАА "Праектная кампанія "Новабудова".

✍️Грамадскае абмеркаванне АУНА пройдзе з 24 ліпеня па 24 жніўня. Заўвагі і прапановы прымаюць:
▫️Гродзенскі гарадскі выканаўчы камітэт (пл. Леніна, 2/1, 230023, г. Гродна. E-mail: gorisp@gorod.grodno.by), кантакт: начальнік упраўлення будаўніцтва, архітэктуры і горадабудаўніцтва гарвыканкама Конан Дзяніс Рамановіч, тэл. (80152) 62-69-93, факс. (80152) 62-69-95, e-mail: arhitektura@gorod.grodno.by;
▫️ТАА «Праектная кампанія Новабудава», кантакт: дырэктар Гарноўскі Уладзімір Генадзевіч, тэл. 8-(0152)-61-06-92, e-mail: novabudova2020@mail.ru.

👁Справаздача па АУНА размешчана на рускамоўнай версіі сайта гарвыканкама grodno.gov.by ("Городское хозяйство"/"Общественные обсуждения").

✍️Заявы пра неабходнасць грамадскіх слуханняў прымае гарвыканкам цягам 10 працоўных дзён з даты пачатку грамадскіх абмеркаванняў.
Заявы пра намер правядзення грамадскай экалагічнай экспертызы прымае ТАА «ВалДзім», кантакт: дырэктар Шаўчэнка Рыгор Юльевіч, тэл. 8-(0152)-715-004, e-mail: valdim-n@mail.ru