Беларускі фонд спартыўнай салідарнасці / BSSF

🇺🇦 Як Беларускі фонд спартыўнай салідарнасці дапамог Украіне з пачатку поўнамаштабнай вайны 🇺🇦

Акрамя актыўнай дапамогі беларускім атлетам, якія пацярпелі за сваю грамадзянскую пазіцыю, БФСС не застаўся у баку ад жахаў, з якімі сутыкнуўся ўкраінскі народ у 2022 годзе. За гэты час мы правялі вялікую працу па падтрымцы ўкраінскага грамадства.

🏆 Фонд два гады запар выступіў партнёрам вялікага дзіцячага спартыўнага свята ў Кіеве — Кубак Белай Пантэры, які збіраў больш за 300 юнакоў з 15 рэгіёнаў Украіны, каб яны змаглі сумленна паспаборнічаць і паказаць свае вынікі ў лёгкай атлетыцы.

🕊 БФСС цягам некалькіх месяцаў падтрымаў невялікімі стыпендыямі 32 украінскіх юных атлета , якія апынуліся ў цяжкіх абставінах з-за вайны, каб яны змаглі працягваць сваю спартыўную кар’еру. Праект на суму 25 000 долараў быў рэалізаваны сумесна з амерыканскай арганізацыяй Global Giving.

💸 Сумесна з парталам Tribuna.com Фонд арганізаваў буйную серыю дабрачынных аўкцыёнаў «World Sports For Ukraine», падчас якіх мы разам сабралі больш за 130 000 еўра, якія былі накіраваныя дабрачыннай арганізацыі «Ukraine Alive 2022».

👟БФСС разам з украінскімі партнёрамі правялі сустрэчу з Нацыянальным алімпійскім камітэтам Эстоніі. У межах гэтага партнёрства шматлікая колькасць маладых украінскіх атлетаў атрымалі новую экіпіроўку ад кампаніі Nike, якую Фонд перадаў з Эстоніі ва Украіну. Агульны кошт перададзенай экіпіроўкі складаў больш за 40 000 еўра.

♟️Фондам быў арганізаваны дабрачынны анлайн-турнір па шахматах Chess Solidarity Cup, у якім прынялі ўдзел 127 неабыякавых людзей. У выніку турніра БФСС накіраваў 2000 еўра дзіцячай бальніцы ва Украіне "Охматдит».

Апроч таго фонд рэгулярна аказваў гуманітарную дапамогу для валанцёраў і пацярпелых ад вайны.

Мы верым, што спорт можа быць магутнай сілай, якая аб’ядноўвае людзей і дапамагае пераадольваць цяжкасці. Беларускі фонд спартыўнай салідарнасці працягвае падтрымліваць украінскі народ і спартоўцаў, бо толькі разам мы зможам перамагчы!

❌ У Беларусі судзяць чэмпіёнку краіны па таэквандо Алену Церашкову.

Алена — хірург, маці чатырох дзяцей, сястра актывіста і палітвязня Максіма Вінярскага і двухразовая чэмпіёнка Беларусі па таэквандо.

Яе абвінавачваюць ва ўдзеле ў акцыі пратэсту ў 2020 годзе.

❗️Пра затрыманне Алены Церашковай стала вядома ў траўні 2024 года. Сілавікі апублікавалі відэа з ёй, дзе затрыманая казала, што «хадзіла па праезнай частцы і выкарыстоўвала незарэгістраваную сімволіку».

Справу разглядае суддзя Юльяна Шчэрба.

💥 Беларуска Марыя Жодзік будзе прадстаўляць Польшчу на Алімпіядзе ў Парыжы.

Гэта рашэнне было прынята World Athletics.

🏅 Марыя выканала алімпійскі нарматыў па скачках у вышыню і ўстанавіла асабісты рэкорд на планке ў 1.97 метраў, а 20 сакавіка прэзідэнт Польшчы Анджэй Дуда даў спартоўке польскае грамадзянства.

Нагадаем, што Марыя выступіла супраць гвалту і фальсіфікацыі выбараў у 2020 годзе, а таксама падтрымала Украіну ў 2022.

У 2021 годзе яна заваявала права выступаць на Алімпіядзе ў Токіа ад Беларусі, аднак функцыянеры Беларускай федэрацыі лёгкай атлетыкі не забяспечылі працэдуру праходжання ёй допінг-тэстаў у тэрміны, устаноўленыя міжнароднай федэрацыяй, і Марыя не трапіла на Алімпійскія гульні.

🎉 Вітаем Марыю і зычым ёй поспехаў на Алімпійскіх гульнях у Парыжы!

⚡️Працягваем распавядаць пра верыфікацію беларускіх атлетаў з боку БФСС!

Кваліфікацыю да Алімпіяды атрымалі 4 беларускіх спартоўца і спартоўкі ў веславанні на байдарках і каноэ.

🚣Алег Юрэня — удзельнік летніх Алімпійскіх гульняў у Лондане, двухразовы чэмпіён Еўропы, прызёр чэмпіянатаў свету, уладальнік Кубка свету, шматразовы пераможца нацыянальных першынстваў. 20 жніўня 2020 года зрабіў рэпост зварота супраць гвалту ў г. Масты падчас правядзення пратэстаў пасля прэзідэнцкіх выбараў.

🚣Юлія Трушкіна — майстар спорта Беларусі, шматразовая пераможца і прызёр AAACUP, пераможца SUPERSPRINT SUPERFINAL 2023.

❗️У траўні 2016 года ўдзельнічала ў ваенна-патрыятычнай гульні «Зарніца».

🛶Ангеліна Барданоўская — бронзавая прызёрка Чэмпіянату Еўропы па каноэ ў 2024 годзе. Парушэнняў патрабаванняў МАК у дачыненні да нейтральных атлетаў з боку Ангеліны не заўважана.

🛶Вольга Клімава — чэмпіёнка Еўропы, прызёрка чэмпіянатаў свету і Еўропы, пераможца нацыянальных і маладзёжных рэгат. Парушэнняў патрабаванняў МАК у дачыненні да нейтральных атлетаў з боку Вольгі не заўважана.

Такім чынам, па меркаванню Беларускага фонда спартыўнай салідарнасці, гэтыя атлеты адпавядаюць усім крытэрыям нейтральнасці і могуць быць дапушчаныя да Алімпіяды ў Парыжы.

Нагадаем, што МАК ужо дапусціў 11 атлетаў з беларускім пашпартам да Гульняў. Беларускія атлеты ў тхэквандо не патрапяць на Алімпіяду — на сайце пазначана, што ніхто не дапушчаны ў гэтым відзе спорта. У цяжкай атлетыцы таксама не задаволілі дзве заявы з чатырох.

Спіс атлетаў, дапушчаных МАК, будзе дапаўняцца.

⚽️ Міжнародны алімпійскі камітэт ужо дапусціў да Алімпійскіх гульняў 11 беларускіх атлетаў.

15 чэрвеня на афіцыйным сайце МАК з’явіўся спіс атлетаў з беларускімі пашпартамі, якія змогуць удзельнічаць у Алімпіядзе-2024.

У першы спіс трапілі:

Ганна Церах (веласпорт)
Іван Літвіновіч (батут)
Віялета Бардзілоўская (батут)
Сюзана Валадзько (цяжкая атлетыка)
Яўген Ціханцоў (цяжкая атлетыка)
Ягор Акуліч (барацьба)
Уладзіслаў Казлоў (барацьба)
Абубакар Хаслаханаў (барацьба)
Зміцер Зарубскі (барацьба)
Віялета Рэбікава (барацьба)
Крысціна Сазыкіна (барацьба)

Спартоўцаў з расейскімі пашпартамі там пакуль толькі 14.

На сайце пазначана, што спіс будзе дапаўняцца. Таксама там удакладняецца:

🗣У некаторых відах спорту колькасць спартоўцаў, якія маюць права браць удзел, можа быць меншай, чым колькасць заробленых месцаў па квоце. У такіх выпадках гэтыя квотныя месцы будуць пераразмеркаваны спартоўцам з іншых НАК у адпаведнасці з сістэмай кваліфікацыі.

Ужо зразумела, што беларускія атлеты ў тхэквандо не патрапяць на Алімпіяду — на сайце пазначана, што ніхто не дапушчаны ў гэтым відзе спорта. У цяжкай атлетыцы таксама не задаволілі дзве заявы з чатырох.

🏆 Сёння стартуе Чэмпіянат Еўропы па футболе-2024 у Нямеччыне!

На стадыёне «Баварыя» ў Мюнхене адкрыццё мерапрыемства пабачаць больш за 65 тысяч заўзятараў, а фінал, які адбудзецца 14 ліпеня, пройдзе ў Берліне на Алімпійскім стадыёне, які разлічаны на 70 тысяч чалавек.

🏟 Падчас Еўра-2024 матчы пройдуць у 10-ці гарадах: акрамя Мюнхена і Берліна, прымуць матчы Кёльн, Дортмунд, Дзюсёльдорф, Франкфурт, Гельзэнкірхэн, Гамбург, Лейпцыг і Штутгард.

Усяго ў ЧЕ прымуць удзел 24 каманды. Сярод удзельнікаў:

Група А:
🇩🇪Нямеччына
🏴󠁧󠁢󠁳󠁣󠁴󠁿Шатландыя
🇭🇺Венгрыя
🇨🇭Швейцарыя

Група B:
🇪🇸Іспанія
🇭🇷Харватыя
🇮🇹Італія
🇦🇱Албанія

Група C:
🇸🇮Славенія
🇩🇰Данія
🇷🇸Сербія
🏴󠁧󠁢󠁥󠁮󠁧󠁿Англія

Група D:
🇵🇱Польчша
🇳🇱Нідэрланды
🇦🇹Аўстрыя
🇫🇷Францыя

Група E:
🇧🇪Бельгія
🇸🇰Славакія
🇷🇴Румынія
🇺🇦Украіна

Група F:
🇹🇷Турцыя
🇬🇪Грузія
🇵🇹Партугалія
🇨🇿Чэхія

Першы матч адбудзецца сёння паміж Нямеччынай і Шатландыяй. За Украінай можна будзе сачыць 17 чэрвеня — каманда сустрэнецца з Румыніяй, а 21 і 26 чэрвеня — адпаведна са Славакіяй і Бельгіяй.

🥇 Галоўным фаварытам Еўра-2024 зараз з’яўляецца Англія: яе верагоднасць перамогі па меркаванню аналітыкаў і букмекераў ацэньваецца ў 19,9%.

Усе квіткі на 36 матчаў групавога этапа чэмпіянату Еўропы ўжо распрададзеныя, але ў заўзятараў яшчэ з'явіцца магчымасць набыць квіткі, калі іх зборная выйдзе ў плэй-оф.

📹 Глядзець матчы можна будзе па ўсім свеце! Напрыклад, з Беларусі афіцыйную трансляцыю можна будзе пабачыць на канале СТВ.

Пішыце ў каментарах, якую каманду збіраецеся падтрымліваць! 👇

І, канешне, яскравага Чэмпіянату для кожнага! 🏆

⚡Беларускі фонд спартыўнай салідарнасці працягвае верыфікацыю беларускіх спартоўцаў, якія атрымалі кваліфікацыю на Алімпіяду-2024.

Сумесна з Global Athlets (Канада), Athletes for Ukraine (Украіна) и Open Society Foundation (ЗША), БФСС правярае беларускіх атлетаў на адпаведнасць крытэрыям нейтральнасці.

У працэсе верыфікацыі мы ўдакладняем інфармацыю аб прыналежнасці спартоўцаў да сілавых структур, а таксама праводзім аналіз сацыяльных сетак і лічбавых слядоў на наяўнасць выказванняў у падтрымку ваенных дзеянняў ва Украіне і іншых узброеных канфліктаў.

На дадзены момант мы можам паведаміць, што абодва атлета, якія выступаюць у акадэмічным веславанні, верыфікаваныя і не парушылі патрабаванні МАК у дачыненні да нейтральных атлетаў.

Знаёмім вас з гэтымі атлетамі бліжэй!

🚣Яўген Залаты — бронзавы прызёр Кубка свету-2024, срэбны прызёр чемпіянату свету сярод юніёраў і чэмпіянату Еўропы сярод моладзі ў 2017 годзе.

🚣‍♂️Таццяна Клімовіч — удзельніца Алімпіяды-2020, пераможца Еўрапейскай кваліфікацыйнай рэгаты, пераможца чемпіянатаў свету U-23 у 2017 годзе, срэбная прызёрка чэмпіянатаў свету сярод юніёраў і U-23 у 2013 і 2016 гадах.

Сачыце за навінамі ў нашых сацсетках, каб хутка атрымліваць інфармацыю📲

⚽️ Беларускі футбаліст Ілля Шкурын прызнаны найлепшым форвардам клуба ў сезоне 23/24!

Ён стаў пераможцам у галасаванні сярод заўзятараў польскай «Сталі».

У мінулым сезоне Шкурын правёў за «Сталь» 35 матчаў ва ўсіх турнірах, забіў 18 мячоў і аддаў пяць галявых перадач.

Таксама партал Transfermarkt абнавіў кошт гульцоў чэмпіянату Польшчы. Кошт Іллі падняўся да 2,5 міліьёнаў еўра, раней партал аценьваў форварда ў 2 мільёны еўра.

🏃‍♀️Крысціна Ціманоўская ў складзе зборнай Польшчы трапіла ў фінал ЧЕ-2024.

Зараз у Рыме адбываецца Чэмпіянат Еўропы па лёгкай атлетыцы. Крысціна Ціманоўская, якая зараз выступае за Польшчу, ужо прабегла дыстанцыю 200 метраў і, нажаль, фінішыравала сёмай з васьмі.

🏅Але сёння таксама зборная Польшчы разам з беларускай брала удзел у эстафеце 4х100 метраў. Каманда пратрапіла ў фінал, які адбудзецца ўжо заўтра, 12 чэрвеня.

Віншуем спартоўку і зычым поспехаў у фінале!

А паглядзець анлайн-трансляцыю можна праз афіцыйнага партнёра Чэмпіянату Eurovision Sport заўтра ў 22:40 па польскім часе 👈

❌ У Беларусі збіраюцца завочна судзіць інструктара па ізраільскім адзінаборстве.

Пра пачатак спецвытворчасці ў дачыненні да 43-гадовага Генадзя Капітанава паведаміў СК. Яго заклікаюць вярнуцца ў Беларусь і прайсці да Следчага камітэту па Менску.

Генадзь — інструктар са стажам больш за 10 гадоў па краў-мага (ізраільская вайсковая сістэма рукапашнага бою), ён быў адным з двух беларускіх спартоўцаў, якія ўдзельнічалі ў першым афіцыйным чэмпіянаце свету па спартыўным кірунку адзінаборства ў 2017 ў Ізраілі, а таксама быў суддзёй першых спаборніцтваў па краў-мага ў Мінску ў 2019 годзе.

Генадзю інкрымінуюць артыкулы аб распальванні сацыяльнай варожасці альбо варажнечы, стварэнні экстрэмісцкага фармавання або ўдзел у ім, абразу лукашэнкі, і абразу прадстаўніка ўлады.

😢 Крысціна Ціманоўская не выйшла ў фінал Чэмпіянату Еўропы па лёгкай атлетыцы на дыстанцыі 200 метраў.

У паўфінале атлетка паказала вынік 23,34 секунды і фінішыравала сёмай. На жаль, яна не патрапіла ў фінал ЧЕ, які зараз адбываецца ў Рыме.

Вось як яна пракаментавала гэта:

🗣Мне нават няма чаго сказаць. Прыехала сюды з адной мэтай – медаль! Так, можа, нехта скажа, што гэта немагчыма, але я ў гэта верыла і так падрыхтавалася. Мінімальна дазволіла сабе патрапіць у фінал, і, магчыма, гэтае маё жаданне згуляла са мной злы жарт.

🗣Бег з самага пачатку быў не мой, ён быў вельмі напружаным, а заўсёды бегаю спакойна. Я праглядала яго некалькі разоў і не разумела, як гэта адбылося, чаму бег быў такім дзіўным, але час не павярнуць назад, нічога не змяніць: маем што маем. Сумна да глыбіні душы, паколькі гэтая Еўропа была маім шанцам, якім я не скарысталася.

🗣Я сказала сабе: альбо бярэш медаль на чэмпіянаце Еўропы ў Рыме, альбо заканчваеш кар'еру. І зараз я не ведаю, што далей. У нас наперадзе цэлы сезон і Гульні, але я паабяцала сабе, што рашэнне будзе прынятае пасля Гульняў.

Крысціна таксама возьме ўдзел у эстафеце 4×100 м у складзе зборнай Польшчы.

Паглядзець анлайн-трансляцыю можна праз афіцыйнага партнёра Чемпіянату Eurovision Sport 👈

Выканаўчы дырэктар БФСС Аляксандр Апейкін пагутарыў з радыё «Рацыя» наконт верыфікацыі нейтральных атлетаў, якія атрымалі ліцэнзіі на Алімпіяду-2024:

🗣Справа ў тым, што камісія пры міжнародным алімпійскім камітэце [якая праводзіць праверку беларускіх і расейскіх атлетаў] вельмі непразрыстая. Мы ведаем, якія людзі туды ўвайшлі, але мы не ведаем як яны будуць гэты працэс праводзіць. Таму мы стварылі такую ініцыятыву з некалькіх арганізацый.

🗣Гэта арганізацыя ў тым ліку «Ukrainian Athletes», гэта канадская арганізацыя «Global Athlete», і пры падтрымцы «Open Society Foundations» мы стварылі грамадскую камісію, грамадскі орган кантролю. З нашага боку будзе адбывацца незалежны аналіз нейтральнасці. То бок мы будзем гэта рабіць самастойна, мы будзем гэта рабіць з прыцягненнем незалежных экспертаў, грамадскіх экспертаў.

🗣Ну і фактычна гэта будзе класічны факт-чекінг, дзе беларускія атлеты маюць 28 ліцэнзій, расейскія, калі не памыляюся, 57 ці 58. Адпаведна кожнага атлета мы будзем правяраць на адпаведнасць гэтым крытэрыям нейтральнасці, і потым свае вынікі будзем дасылаць у міжнародны алімпійскі камітэт. То бок мы тут выступаем ужо як грамадская экспертная структура. Тую інфармацыю якая ў нас будзе, мы будзем таксама публікаваць.

Вы можаце паслухаць размову цалкам па спасылцы 👈

Засталіся пытанні? Пакіньце іх у каментарах 👇

⚽️ «Той узровень, які ёсць у беларускіх футбольных каманд, нікога не задавальняе»

Кіраўнік АБФФ Мікалай Шарснёў выказаўся наконт узроўня беларускага футболу і падрыхтоўкі спартоўцаў:

🗣Найперш нам трэба выбудоўваць агульную ідэалогію падрыхтоўкі футбалістаў. Мы бачым свае памылкі – для нас вельмі важна зрабіць з іх правільныя высновы.

🗣Далей: тое, што мы на сённяшні дзень захоўваем магчымасць удзельнічаць у еўракубках і міжнародных турнірах зборных, – гэта для нас, вядома, выдатна, але той узровень, які ёсць у нашых каманд, безумоўна, нікога не задавальняе. Ні балельшчыкаў, ні кіраўніцтва федэрацыі, ні кіраўнікоў клубаў.

🗣Выключаючы тыя праблемы, якія спарадзілі гэтыя пытанні, нам бы жадалася ў найкароткі час узровень каманд прыпадняць на досыць больш высокі. Каб яны гралі і, што немалаважна, зараблялі грошы. Чаму ж клубы імкнуцца ўдзельнічаць у еўракубках? Гэтае фінансаванне перш за ўсё. Дадатковае фінансаванне. Гэта заахвочванне футбалістаў, заработныя платы, спонсарскія кантракты. Але для гэтага трэба гуляць і перамагаць.

А што вы думаеце наконт узроўня белфутбола? Пішыце вашы думкі ў каментарах👇

⚽️ Футбольны матч паміж Польшчай і Украінай пачнецца з хвіліны маўчання.

Сёння, 7 чэрвеня, адбудзецца другі спарынг украінскай зборнай падчас падрыхтоўкі к Еўра-2024.

Каманды Украіны і Польшчы пачнуць яго з хвіліны маўчання ў памяць загінулага на мяжы польскага жаўнера Матэвуша Сітака. Учора ён памёр ў Вайскова-медычным інстытуце ў Варшаве пасля таго, як тыдзень таму на яго з нажом напаў мігрант, які намагаўся нелегальна перайсці мяжу з Беларусі ў Польшчу. Салдату быў ўсяго 21 год.

🏟 Таварыскі матч пачнецца сёння ў Варшаве ў 21:40 па месным часе на нацыянальным стадыёне.

▶️Афіцыйную трансляцыю можна будзе паглядзець праз сэрвіс MEGOGO.

«Нам патрэбен мір, каб стварыць нашу будучыню»

Украінская лёгкаатлетка, срэбная прызёрка чэмпіяната свету-2017 у скачках у вышыню Юлія Леўчанка распавяла The Guardian пра свой стан падчас вайны ва Украіне і спаборніцтваў:

🗣Немагчыма кожны раз казаць: "Вы павінны думаць толькі пра мяне і маю краіну". Я не заўсёды ведаю, як правільна казаць пра нашу сітуацыю і прасіць падтрымкі, а не ціснуць на іншых людзей, таму што ў іх ёсць свае жыццёвыя мэты і ім трэба рабіць сваю працу.

🗣Калі на вашу краіну нападаюць, а людзі з вашага асяроддзя пакутуюць, цяжка ацаніць звыклыя мадэлі паводзін. У адзін момант вы смеяцеся, а праз некалькі секунд з'яўляюцца жудасныя навіны, і вы пачынаеце плакаць.

🗣Потым вы займаеце нейтральную пазіцыю, бо не ведаеце, як правільна выказаць свае эмоцыі. Калі пазней у вас з'яўляецца час для разважанняў, вы пачынаеце думаць: "Ці добра, што мая рэакцыя была такой ці такой?". Гэта адымае шмат энергіі: вы ўвесь час думаеце пра нешта, дзе ў звычайным жыцці маглі б проста расслабіцца.

Прачытаць матэрыял можна па спасылцы 👈

🏅 Крысціна Ціманоўская прадстаўляе зборную Польшчы на Чэмпіянаце Еўропы па лёгкай атлетыцы!

Гэтым беларуская лёгкаатлетка падзялілася ў сваіх сацсетках:

🗣Першы раз у складзе польскай каманды на чэмпіянаце Еўропы. Трымайце за мяне кулачкі і дзьмуйце мне ў спіну!

Чэмпіянат Еўропы праходзіць з 7 па 12 чэрвеня ў Рыме. Крысціна прабяжыць 200 метраў, а таксама возьме ўдзел у эстафеце 4×100 м.

▶️ Старт забегу Крысціны на 200 метраў пройдзе 10 чэверня, у 10:35 па месным часе. Паглядзець анлайн-трансляцыю можна праз афіцыйнага партнёра Чемпіянату Eurovision Sport 👈

Падтрымайце атлетку цёплымі словамі ў каментарах пад публікацыяй і давайце разам пазычым ёй пуспехаў і перамог ❤️

🤔 Дзе сачыць за беларускім спортам? 🤔

Каб заставацца ў курсе ўсіх спартыўных падзей, ведаць аб перамогах і паразах любімых каманд і спартоўцаў сваёй краіны, неабходна мець пад рукой надзейныя крыніцы інфармацыі.

Мы вырашылі падзяліцца з вамі падборкай спартыўных рэсурсаў Беларусі, дзе вы можаце хутка атрымліваць якасную інфармацыю пра падзеі сусветнага і айчыннага спорту!

🏀 Па-першае, дагэтуль вядучы спартыўны рэсурс Беларусі — Прэсбол.

🏐 Тэлеграм-канал «Спорт Беларусі» з аператыўнымі навінамі па тэмах.

⚽️ Праект былых журналістаў «Прэсбола» — BY Sport.

🥎 Галоўные спартыўныя падзеі беларускага спорту на канале Sport5.

Сачыце за аднаўленнямі, падтрымлівайце любімых спартоўцаў і каманды і заўсёды заставайцеся ў тэме падзей беларускага спорту 🏅

А таксама праверце сваю падпіску на БФСС, каб не згубіць галоўныя навіны Фонду! 📲

🤾‍♂️ Развітальны матч легендарнага беларускага гандбаліста, майстра спорту па гандболе Максіма Нясвадзьбы пройдзе ў Гродна 10 чэрвеня 🤾‍♂️

Максім Нясвадзьба аб’явіў пра заканчэнне сваёй гандбольнай кар’еры ў 39 гадоў. Ён пачаў сваю кар’еру ў гродзенскім «Кронане», некаторы час гуляў у Польшчы, пасля вярнуўся ў гродзенскі клуб, дзе доўгі час быў лідарам і капітанам каманды. Шмат разоў Максім Нясвадзьба станавіўся найлепшым бамбардзірам чэмпіянату Беларусі па гандболе.

🏅 Гандбольны клуб «Кронан» ладзіць для Максіма развітальны таварыскі матч з камандай легіянераў, у якім будзе таксама прымаць удзел знакаміты беларускі гандбаліст Арцём Каралёк.

Праграма мерапрыемства наступная:

18:00-18:20 — аўтограф-сэсія з Максімам
18:30-19:00 — таварыскі матч
19:10 — цырымонія ўзнагароджання
19:20 — фотасэсія з удзельнікамі матчу

🎟 Уваход вольны!

🗓10 чэрвеня
📍Гродна, вул. Гагарына, 18/1
⏰18:00

Запрашаем усіх фанатаў гандболу далучыцца да матчу!

❗️Беларускі фонд спартыўнай салідарнасці пачаў праверку беларускіх атлетаў, якія атрымалі ліцэнзіі на Алімпіяду-2024, на адпаведнасць крытэрыям нейтральнасці.

Працэдура верыфікацыі працягнецца з 4 чэрвеня па 15 жніўня. У працэсе верыфікацыі будзе ўдакладняцца інфармацыя аб прыналежнасці атлетаў да сілавых структур, а таксама праводзіцца аналіз сацыяльных сетак і лічбавых слядоў на наяўнасць выказванняў у падтрымку ваенных дзеянняў ва Украіне і іншых узброеных канфліктаў.

Праект Фонда ажыццяўляецца сумесна з Global Athlets (Канада), Athletes for Ukraine (Украіна) и Open Society Foundation (ЗША).

📱Сачыце за навінамі ў нашых сацсетках!

*️⃣Калі вы валодаеце інфармацыяй пра спартоўцаў, якая можа дапамагчы нашай верыфікацыі, вы можаце даслаць яе праз наш тэлеграм-бот: @bssfbot

⚡Паважаныя сябры,

з красавіка па канец траўня гэтага году Беларускі фонд спартыўнай салідарнасці праводзіў аудытарскую праверку фінансавай дзейнасці за 2023 год. Праверку праводзіла эстонская кампанія Lahendused Pluss KV OÜ, аўдытар з 15-гадовым досведам.

Рады інфармаваць вас аб тым, што згодна з аудытарскім заключэннем бухгалтарская і фінансавая дзейнасць нашай арганізацыі поўнасцю адпавядае заканадаўству Эстоніі, усталяваным практыкам, Стандартам фінансавай справаздачнасці Эстоніі, а таксама Міжнародным стандартам фінансавай справаздачнасці (IFRS).

____

🇬🇧Dear friends,

From April to the end of May this year, the Belarusian Sport Solidarity Foundation conducted an audit of its financial activities for the year 2023. The audit was carried out by the Estonian company Lahendused Pluss KV OÜ, auditor with 15 years' experience.

We are pleased to inform you that, according to the audit report, the accounting and financial activities of our organization fully comply with Estonian law, prevailing practices, the Estonian Financial Reporting Standard, as well as the International Financial Reporting Standards (IFRS).