❓
Ты ўсё яшчэ думаеш, што глабальнага пацяплення не існуе?Тэмпература на Зямлі ўпершыню за гісторыю метэаназіранняў б’е рэкорды ўжо 9 месяцаў запар. 🥵
Мінулы люты стаў самым рэкордна цёплым дзявятым запар месяцам на планеце.
У Беларусі люты стаў другім самым цёплым месяцам, пачынаючы з 1945 года. Сярэдняя тэмпература склала +1,7 градусаў, што вышэй за кліматычную норму на 5,2 градусы.
🌡️ Пачынаючы з ліпеня 2023 года, глабальная тэмпература перавышае норму на 1,5 градуса. Гэта азначае, што тэмпература ўжо падыходзіць да рубяжа Парыжскага пагаднення.
Парыжскае пагадненне – абавязковая міжнародная дамова па зменах клімату, прынятая амаль 200 краінамі. Яго мэта – істотнае скарачэнне глабальных выкідаў парніковых газаў і абмежаванне павышэння глабальнай тэмпературы ў гэтым стагоддзі хаця б да 2°C, а ў ідэале да 1,5°C.
☝️ Чым больш змяняецца клімат, тым больш частымі будуць экстрэмальныя перапады надвор'я. А гэта кепска і для прыроды, і для людзей, і для эканомікі. Многія віды раслін і жывёлаў могуць знікнуць, а іншыя зменяць свой арэал.
Што ты можаш зрабіць для захавання клімату:
🔹Хаця б адзін дзень на тыдзень не есці мяса,
🔹выкарыстоўваць LED-лямпачкі,
🔹не выкідваць, рамантаваць сапсаваныя рэчы,
🔹зніжаць хуткасць, калі едзеш у аўто,
🔹спажываць мясцовыя прадукты,
🔹 закрываць кран з вадой, пакуль чысціш зубы,
🔹далучыцца да
“Дзікага клуба”: увесь прыбытак ад клуба ідзе на ахову дзікай прыроды Беларусі.
📷 На фота шызы голуб.
#зменыклімату