Паважаныя бацькі!

Хутка святкуем Дзяды. А перад Дзядамі заўсёды было прынята рабіць прыборку і наводзіць парадак у хаце.

То гэтыя выходныя мы вырашылі абвесціць Выходнымі Чысціні!

Мы запланавалі некалькі актыўнасцей:

1. Прыборка Школкі разам з нашай адміністратаркай, Марай.
Запрашаем школьнікаў (можаце клікаць сяброў!) і ўсіх, хто жадае!
Субота, 13:00.
Прыбіраем прастору.
Школьнікам гэта можам залічыць у колькасць сацыяльных гадзінаў😉👍

2. Нашыя настаўнікі рыхтуюць невялічкія адмысловыя заданні.

3. Таксама просім усіх бацькоў яшчэ раз прагаварыць з дзецьмі правілы падтрымання чысціні ў Школцы:
👉 Прыносім з сабой зменку
👉 Ахайна пакідаем рэчы ў гардэробе
👉 Мыем рукі перад перакусамі
👉 Мыем за сабой кубачкі
👉 Выключаем пасля сябе святло ў прыбіральні
👉 Выкідаем смецце ў сметніцу
👉 Да рэсурсаў ставімся ашчадна (вада з крана, мыла, папера і г.д.)
👉 Спіс можна дапоўніць😉

Давайце разам навядзем чысціню ў нашай Школцы і будзем падтрымліваць яе заўжды!😊 Абдымаем🤗 І заўжды чакаем вас з адкрытым сэрцам!