🔫Роўна 2 гады таму 26 чэрвеня 2022 году ў баі з расейскай бронегрупай пад Лісічанскам загінулі ваяры Палка Каліноўскага: камандзір батальёну «Волат» Іван Марчук з пазыўным «Брэст», Васіль «Атам» Грудовік, Васіль «Сябро» Парфянкоў Вадзім «Папік» Шатроў.

У той дзень ваяры Палка Каліноўскага распачалі няроўны бой з пераўзыходзячымі сіламі ворага. Пасля блізкага агнявога кантакту беларускія ваяры пачалі адыход.

Вораг кінуў на невялікі атрад беларусаў значныя сілы, у тым ліку – танкі і бронемашыны. Пад шквальным вагнём некалькім ваярам атрымалася выйсці жывымі.

У выніку гэтага бою яшчэ двое беларусаў: Ян «Тромблі» Дзюрбейка і Сяргей «Клешч» Дзёгцеў трапілі ў расейскі палон. Пытаннем іх абмена і вызвалення займаюцца адпаведныя ўкраінскія ўлады.

Вечная памяць героям!