рух

Толькі што ўпершыню дайшоў да новага дому са сваёй студыі ў тапачках, яшчэ і ў краму на суседняй вуліцы зайшоў.
Новы спосаб руху? 🤔

Горад - гэта прыгода. Месца, дзе ты жывеш, ужо зараз можа быць крыніцай вялікай цікаўнасці і любові, прыносіць пачуццё далучанасці і прыналежнасці, прынесці самае жывое ўзаемадзеянне - з самім горадам, з яго жыхарамі, з людзьмі навокал. У двух словах - будзьце як дзеці, лол. Паглядзіце, як яны ставяцца да любога месца, у якое трапляюць, нават без вялікага розуму і досведу жыцця. Дык злучы дзіцячы, прыгодніцкі падыход са сваімі разумнымі мазгамі.
Хутчэй за ўсё ты не выкарыстоўваеш і 10% патэнцыялу гораду, у якім жывеш, дык чаго тады скардзішся на тое, як у ім бывае сумна і нецікава?

Гэты патэнцыял найчасцей падобны ў розных гарадоў - ад Дэлі да Ванкуверу. Мая справа тут - данесці пэўны спосаб бачання прасторы навокал і ўзаемадзеяння з ёй.

Катэгарычна не згодны з тым, што:
Гарады перапоўнены і згубілі пачуццё супольнасці.
Жыць у горадзе болей стрэсова, чым па-за горадам.
Твой горад нецікавы, шэрыя, нежывы, у ім няма чаго рабіць. Лухта, дзе б ты ні быў і ў якіх умовах не жыў бы зараз. Калі ты дачытаў дасюль, значыць дакладна для цябе гэта будзе не так, калі паглядзець іншым спосабам.

Часам напішу сюды разумныя завумныя рэчы, а часам вельмі простыя і практычныя. І яшчэ ёсць некалькі ачмурэнных навінаў, якімі не церпіцца падзяліцца. Таму на сувязі і дзяліцеся гэтым каналам з усімі, каму ён можа быць карысным!

зараз раблю тое, да чаго не падступаўся з красавіка - і я вельмі захоплены

калі я правёў першую гульню ў рух вясной, то атрымаў шмат цікавага водгуку. занатаваў і сістэматызаваў яго, зрабіў першыя высновы, апісаў вельмі падрабязна (на 240 старонак!)

вы (асабліва ў інсце) шмат спытвалі, што было ў гарадской гульні, якія высновы былі ў мяне і ўдзельнікаў, а таксама што далей. адказваў усім як мог, але якаснага і простага адказу на самыя гарачыя пытанні так і не было. па факце, мала хто зараз (хто не ўдзельнічаў) разумее, што гэта за гульня такая была.

зараз ніхто з вас не будзе чытаць 240 старонак тэксту, ды і я сам іх перачытваць пакуль не буду 🦖

але! мяне запрасілі напісаць кароткі артыкул на гэтую тэму, і зараз я даю даволі ясны і зразумелы адказ на ўсё, раскажу пра цікавыя дэталькі гульні і агульны падыход, а таксама што кожны з вас можа з гэтага ўзяць для свайго жыцця ў горадзе прама цяпер.

прама зараз пішу, і мне трэба яшчэ палову дапісаць! ціскайце рэакцыі каб я натхніўся і зрабіў гэта хутчэй і лепей.

часта 2 такія кропкі аб'ядноўвае пэўны кірунак, пратораную аб'ёмную сцежку, якой вы ходзіце-ездзіце рэгулярна. але важней тут тое, што, набраўшыся сілаў у любой з кропак выхаду, можна вельмі проста, амаль па інэрцыі, адскочыць і паляцець даследаваць тую частку горада, якая знаходзіцца непасрэдна за ёй або непадалёк (але далёка, напрыклад, ад дому, каб так проста пайсці туды). калі ў вас ёсць такая кропка выхаду ў не вельмі знаёмай часцы горада, клёва яе
-абысці
-вызначыць, якія непадалёк ад яе ёсць невядомыя вам месцы
-знайсці, што можа быць схавана на кірунку ад адной з вашых кропак выхаду да іншай і чым гэты кірунак можна пашырыць
-прыдумаць і ад гэтай кропкі няблізкія месцы, якія, напрыклад, з вашага дому увогуле недасяжныя - і рвануць туды
усе гэтыя дзеянні створаць для вас у вашым горадзе новыя гісторыі і ўспаміны, насыцяць яго новымі месцамі і гэта ўвогуле можа быць цікава і нават карысна!

а што датычыцца наступнай гульні ў рух, то яна будзе, будзе яшчэ ярчэй і больш клёвай за першую. месцаў на першай хапіла не ўсім, але сіквел возьме найлепшыя часткі арыгінала😄 будуць і іншыя практычныя прапановы рабіць рух і новыя фарматы, а якія - залежыць ад таго, што будзе найбольш цікава мне і вам. таму будзем на сувязі, і калі ёсць ідэі, пішыце

мэта гульні - за 7 дзён змяніць тое, як адчуваецца прастора навокал і зрабіць яе больш вашай. сродкамі руху па горадзе, крыху змяняючы тое, як вы ходзіце на працу або на вучобу, дадому, на сустрэчы, проста шпацыруеце па горадзе. кожны ў выніку атрымае свой рух, які будзе адрознівацца ад выніку іншых гульцоў. калі гэта і спаборніцтва, то з горадам, успамінамі (сваімі і калектыўнымі) і пустэчай (фізічнай і метафізічнай) - хай нязначныя месцы робяцца значнымі, а значныя робяцца сапраўды сваімі.

гульня ў рух тэхнічна ідзе ў закрытым канале+чаце, у якім гульцы пару разоў на дзень атрымліваюць інфу. аднак гульня разлічана на людзей, у якіх можа быць няшмат часу, і таму не імкнецца запоўніць сабой увесь вольны час. яна імкнецца ўпісацца ў штодзённы рух па горадзе і ў звыклы рэжым гартання сацсетак-мэсэнджараў. гульня ў рух - пра пераадкрыццё горада для сябе, і калі вы ў Беларусі, і калі вы за мяжой.

гульня не бесплатна, але і не камерцыйная. для ўваходу патрэбны эклівалент 1 квітка грамадскага транспарту ў вашым горадзе. ёсць некалькі спосабаў набыцця 'ўваходнага квітка', зручных і ў Беларусі, і за яе межамі. зараз 3 з 6 месцаў ужо занятыя, і атрымаць сабе месца калі вы да гэтага не рэзервавалі можна толькі ў гэтую пятніцу.

а калі абраны для гульні мэсэнджар (тэлеграм) не будзе пасаваць камусьці з гульцоў, ёсць магчымасць удзельнічаць і з іншых мэсэнджараў. гульня застанецца з вамі і пасля, таму можна будзе перагуляць самастойна.

для гэтай гульні стаўлю праграму мінімум і праграму максімум. як мінімум, рэгулярная канцэнтрацыя на вашым горадзе, розных аспектах жыцця і руху ў ім можа зрабіць яго цікавей і разнастайней для вас. як максімум, гульня можа дапамагчы ў пераадоленні той самай пустаты, апатычнасці і чужасці ў горадзе.

гульня адбудзецца з 26.04 да 03.05.
калі зацікавіліся, пішыце ў паведамленні @sivyh і далучайцеся да гульні✨