Palunisa Vycinanka

Жыццё поўнае адкрыццяў!
Я бачыла і трымала ў руках папяровыя выразкі з кантынентаў: Еўропы, Азіі, Паўночнай Амерыкі. І вось мая чарговая знаходка паходжаннем з Афрыкі! Пахвалюся вам!
Гэта называецца мастацтвам бананавых лісццяў Banana leaf art #Bananaleafart
Найперш афрыканскі мастак высушвае бананавыя лісты. Пры высыханні яны мяняюць колер. Мастак скручвае ліст, калі ён высах да патрэбнага адцення. Такім чынам для працы ствараецца матэрыял рознай светлыні.
Я знайшла ў сеціве прыклады такіх карцін, якія адносяцца да розных рэгіёнаў Афрыкі: Эфіёпія, Паўднэвая Афрыка, канкрэтна вёска Зулу і іншыя. Можна знацсці нават імёны некатопых мастакоў: James Ndegwa (Кенія), Benson Fugah, Stephen Njoroge, George Mukolo.
Так. Гэта больш нагадвае інкрустацыю, альбо аплікацыю з бананавых лісццяў з дамаляванымі элементамі. Але ў працах ёсць чорная папера! Часам яна падкрэслівае альбо выдзяляе нейкія элементы кампазіцыі. А часам з’яўляецца самастойным аб’ектам з выражанай выцінанкавай стылістыкай. Пальмы, альбо вось тыя чорныя дамкі на першай карціне, канечне - чыстая аплікацыя, а вось паглядзіце на зебраў - самая што ні на ёсць выцінанка! На апошняй, трэцяй выяве чорная папера тонкімі стужкамі дадае выразнасці агульнаму відзіку.
Такім вось звычайным паходам у мясцовы сэканд я знайшла афрыканскую выцінанку, няхай пакуль яна толькі элемент карціны-інкрустацыі з бананавых лістоў.

Я ўключу сваю гэтую вынаходку ў новую кнігу, якую пішу. У свае “Выцінанкавыя мемуары”!

Вось ужо і лістапад. Зусім хутка Каляды. Самы час для выцінанкі. Так-так! Самы традыцыйны час для выразання з паперы!
І хоць зараз выцінанка для нас гэта не толькі сняжынка, павыцінаць шэрымі вечарамі белы снег - гэта як вярнуцца ў дзіцячы свет, калі ён быў больш яркім, каляровым і весялейшым!

І таму я запрашаю вас на анлай майстра-курс “Перадкалядныя забавы”!

Што мы будзем рабіць:
- падзялюся з вамі сваімм сакрэтамі выразання прыгожых сняжынак
- пагуляемся з папяровымі карункамі
- павучымся выразаць дробныя сіметрычныя і несіметрычныя элементы
- важны этап - кампаноўка на вакне! - так-так! Ваша вакно (ці вокны) у гэтым годзе будуць незвычайнымі! Гарантую!
- елачныя ўпрыгожанні з паперы - у казку разам са знакамітым казачнікам - гэта бонусны сакрэцік гэтага курса! Даўно марыла зрабіць такі дэкор. Нарэшце дайшоў да яго час!
- і дазнаемся шмат-шмат-шмат цікавых і нечаканых фактаў пра выцінанку!

Не ведаю, як вы, а я заўжды больш люблю набліжэнне да свята, чым само свята. Менавіта падрыхтоўка да яго стварае той самы святочны настрой! І я прапаную падзяліцца з вамі сваім захапленнем!

✂️ з 14 лістапада па 26 снежня - 7 спатканняў па кошце 5ці (далучыцца можна на кожным этапе) + запісы спатканняў!
✂️ два варыянты часу - выбірайце які для вас больш зручны
21.00 па Мінскаму часу, альбо
9.00рм па Нью Йорку
Працягласць сустрэчы 1.20-1.30.
✂️ спатканні на пляцоўцы Zoom
✂️ падрыхтуйце паперу белую і каляровую, нажніцы (вострыя, памер не важны), картон любы, клей-аловак, каляровыя алоўкі (крэйды, альбо фламастары)

Хто будзе праводзіць вам курс:

Volha Palunisa - народны майстар выцінанкі, прафесійная мастачка, экс-загадчыца секцыі выцінанкі Беларускага саюза майстроў народнай творчасці, аўтар практычнага дапаможніка “Мая выцінанка”, удзельнік шматлікіх міжнародных выстаў, семінараў, конкурсаў і фестываляў, сябра The Guild of American Papercutters.

Каб далучыцца, пішыце ў прыват тут, альбо ў тэлеграм @palunisa

Тыя, хто хоць калісці патраплялі на мае лекцыі, альбо майстра-класы, ведаюць, што выцінанка - наша агульнанацыянальная арт з’ява, напоўненая глыбокімі ўласнымі сэнсамі, пачуццямі і перажываннямі.

Я абяцаю вам, што вы адкрыеце новыя нечаканыя рэсурсы не толькі ў выцінанцы, але і ў сабе, тым больш у сваіх продках. Вы па-новаму адчуеце сусвет і сябе ў ім.
І я не выпадкова паставіла такое спатканне менавіта на гэтую кропку народнага календара.

Далучайцеся!

Запіс і кошт сустрэчы - у прават.
Для беларусаў у Беларусі - зніжка.

Пачалося!!!
Далучайцеся ў instagram i Facebook!