Onlíner па-беларуску

Замкі, якіх больш няма

Пост пра Ляхавіцкі замак натхніў нас на невялікі цыкл пра зніклыя замкі Беларусі.

Мы адправімся ў падарожжа па мясцінах, дзе калісьці ўзвышаліся велічныя крэпасці, чуўся звон рыцарскіх мячоў і пляліся палацавыя інтрыгі. Раскажам, што засталося ад гэтых замкаў сёння, якія таямніцы акружаюць іх руіны і чаму яны назаўжды застануцца часткай нашай гісторыі.

Сёння распавядаем пра Геранёнскі замак.

У Лошыцкай сядзібе пройдзе баль па матывах «Дзікага палявання караля Стаха»

21 снежня ў 16:00 у музеі «Лошыцкая сядзіба» пачнецца зімовы баль. Вечар абяцае падарыць наведвальнікам атмасферу музыкі, танцаў і ўспамінаў пра культавы твор беларускай літаратуры.

Праграма балю натхнёная сюжэтамі аповесці Уладзіміра Караткевіча «Дзікае паляванне караля Стаха», якая адзначае адразу дзве юбілейныя даты: 60 гадоў з дня яе першай публікацыі і 45 гадоў з дня выхаду аднайменнага фільма. Сувязь з Лошыцкай сядзібай падкрэслівае той факт, што адна са сцэн карціны была знятая на яе тэрыторыі.

Таксама жадаючыя змогуць прыняць удзел у квэсце па выставе, прысвечанай фільму. Падчас гульні наведвальнікі даведаюцца, як стваралася стужка Валерыя Рубінчыка.

*партнерскi пост

🫐❄️ Глядзіце, якая святочная раздача адбылася на Камароўцы.

Усе, хто завіталі на лакацыю 14 снежня, атрымалі «Аліварскі квас Чарніца-чабор».

Не паспелі? У наступныя суботы раздачы пройдуць:

• 21 снежня з 14:00 да 18:00 — стрытфуд-пляцоўка «Лепшая вуліца» (пр-т Незалежнасці, 95, к. 16);
• 28 снежня з 14:00 да 18:00 — ТЦ «Рыга» (паркоўка).

Падрабязнасці — па спасылцы.

🎊 Розыгрыш! Кнігі, скрэтч-карта Беларусі і нататнік.

Памятаеце, што ўлетку выйшла кніга «Як гавораць беларусы» філолага Вадзіма Шклярыка? Падрабязней можна прачытаць тут.

Снежань — самы час для прыемных сюрпрызаў. Таму мы вырашылі разыграць два асобнікі кнігі з подпісам аўтара, а таксама скрэтч-карту Беларусі для вашых падарожжаў і драўляны нататнік ад беларускай рамесніцы.

Што трэба зрабіць, каб паўдзельнічаць у розыгрышы?

• Падпісацца на канал @onlinerbel.
• Націснуць кнопку «Удзельнічаць» пад гэтым пастом.

Пераможцаў будзе два. Што атрымаюць?

• Першы: асобнік кнігі «Як гавораць беларусы» з подпісам аўтара + скрэтч-карта краіны.
• Другі: асобнік кнігі «Як гавораць беларусы» з подпісам аўтара + нататнік ад беларускай рамесніцы.

Вынікі наш бот-рандамайзер падвядзе 18 снежня ў 15:00 па мінскім часе. Звярніце ўвагу: атрымаць прызы пераможцы змогуць у офісе Onlíner (г. Мінск). Усім поспехаў!

Артхаус у беларускай вёсцы. Новы спектакль Карняга, на які ізноў было амаль немагчыма выхапіць квіткі

Беларускі рэжысёр Яўген Карняг працягвае радаваць гледачоў прэм’ерамі ў Тэатры лялек. Гэтым разам мы наведалі «Мроіва» — спектакль пра зніклую вёску, дзе калісьці віравала жыццё.

Квіткі на снежаньскія паказы ізноў былі разабраныя адразу, а поўнай афішы на студзень яшчэ няма. Варта выхопліваць квіток на наступны месяц? Чытайце тэкст і вырашайце.

people.onliner.by/go/1168791

Ужо глядзелі новы фільм «Злая» пра чараўніц краіны Оз? Самы час згадаць арыгінал.

У Каталозе з'явіліся кнігі выдавецтва «Тэхналогія» — і знакамітая гісторыя пра дарогу з жоўтай брукаванкі там таксама ёсць. Вядома ж, на беларускай мове.

Нагадаем сюжэт: воляй стыхіі і лёсу Даротка апынулася далёка ад роднага дому ў чароўнай Краіне Оз. Але дзяўчынка не губляецца — знаходзіць верных сяброў і выпраўляецца па жоўтай брукаванай дарозе ў дзіўны Горад Смарагдаў да вялікага чараўніка Оза. Менавіта ён павінен вярнуць Даротку дадому.

Фільм «Злая» ж распавядае гэтую гісторыю з боку чараўніц, якіх дзяўчынка сустракае ў сваім падарожжы. Чытайце кнігу, глядзіце кіно і паглыбляйцеся ў чароўны сусвет краіны Оз разам з намі.

💸 47,32 р.

https://catalog.onliner.by/books/tehnalogia/9789854583495?utm_source=tg

У Віцебскай вобласці прадаюць помнік архітэктуры XIX стагоддзя. Кошт пытання — 40 рублёў.

Сядзіба Грабніцкіх знаходзіцца ў вёсцы Арэхаўна Ушацкага раёна.

Калі верыць адкрытым крыніцам, Грабніцкія валодалі сядзібай з 1745 да 1917 года. Калі пачалася нацыяналізацыя, будынак у гаспадароў забралі, а ў 30-х ён адышоў работнікам калгаса «Чырвоны Кастрычнік».

Падчас Другой сусветнай вайны ў сядзібе размяшчаўся ваенны шпіталь. Затым будынак перарабілі ў школу, а пасля і яе зачынілі. З тых часоў помнік архітэктуры паціху прыходзіць у заняпад.

Уладальнік аб'екта — «Віцебскаблмаёмасць» — некалькі разоў выстаўляў сядзібу Грабніцкіх на таргі, але знайсці новага гаспадара дагэтуль не ўдалося.

Гэтым разам гістарычную спадчыну плошчай 510 «квадратаў» прапануюць купіць па стартавым кошце ў адну базавую — 40 рублёў. Падаць заяўку на ўдзел у аўкцыёне можна да 24 снежня. Электронныя таргі па лоце прызначаныя на 30 снежня.

Гэта герб Бярозы. Калісьці там знаходзіўся адзіны ў Вялікім Княстве Літоўскім кляштар картэзіянцаў. Манахаў гэтага ордэна сюды запрасіў Казімір Леў Сапега.

Будоўля вялася 40 гадоў і завяршылася ў 1689 годзе. Велізарны комплекс, апроч кляштара, уключаў у сябе жылыя карпусы, багатую бібліятэку, шпіталь, трапезную, аптэку, розныя гаспадарчыя пабудовы. Галоўным збудаваннем стаў касцёл, да фасада якога была далучана вежа-званіца.

Усё гэта было абнесена магутнымі сценамі, па перыметры стаялі вежы з гарматамі, а адзіным уваходам служыла манументальная брама з байніцамі. Па сутнасці, кляштар быў горадам-крэпасцю, здольным вытрымліваць працяглую аблогу.

У XIX стагоддзі касцёл і іншыя збудаванні пачалі разбіраць, выкарыстоўваючы цэглу для ўзвядзення казармаў. Сёння калісьці велічны кляштар ляжыць у руінах. Ад яго засталіся толькі ўязная брама (гэта яна на гербе горада), фрагменты званіцы, рэшткі палаца Сапегаў, дзе яшчэ можна знайсці ўзоры старажытнай ляпніны.