✨ Са святам!

Дарагія калегі! Віншую вас з прафесійным святам — Днём работнікаў культуры Беларусі. Час выбраў нас для высакароднай працы на карысць Айчыны. А вы абралі сваёй прафесіяй тую, што нясе людзям асвету, гармонію, радасць.

Наша нацыянальная культура і ёсць сапраўдны абярэг душы народа. Яна сілкуецца гаючай крыніцай памяці аб традыцыях продкаў. У кантэксце штодзённасці вы годна развіваеце яе патэнцыял і ў рэгіёнах, і ў сталіцы рэспублікі.

Ваш прафесійны вопыт запатрабаваны рознымі пакаленнямі суайчыннікаў. Пра гэта сведчыць у тым ліку кожная памятная дата або падзея, якія святкуюцца грамадствам.

Сёлета мы жывём пад знакам 80-годдзя з дня вызвалення Беларусі ад нямецка-фашысцкіх захопнікаў. Працаўнікі сферы з усёй шчырасцю і самаадданасцю звяртаюцца да людзей праз сваю творчасць, каб распавесці аб неўміручасці подзвігу народа.

Дзяржава забяспечыла нацыянальнай культуры вялікія перспектывы для далейшага стваральнага шляху. Няхай гэты шлях адзінства з краінай застаецца светлым ды плённым.

Моцнага вам здароўя, мірнага неба, ладу — кожнай сям’і. Са святам!

✍️ Анатолій МАРКЕВІЧ, Мiністр культуры Рэспублікі Беларусь