і — кажучы пра рознага роду прадмовы — самае галоўнае:

уроцлаўскія сябры ды сяброўкі! у межах фэсту pradmova у вашым слаўным горадзе, ужо зусім неўзабаве, адным бязьлітасным суботнім дзяньком мы з аўтарам правядзем прэзентацыю + дыскусію з нагоды перавыданьня «кароткай гісторыі прэміі г.»! а дакладней:

3 кастрычніка (субота)
11:00
ossolineum, ul. szewska 37
пляцоўка Б

паразмаўляем пра само выданьне, аздобленае, нагадаем, ШАСЬЦЮ прадмовамі; тое, чаму кніжка наогул можа выклікаць скандал; як успрымаць тэкст калі гэтаму замінае кантэкст (і ці варта яго так успрымаць); ды што такая скандальная кніжка прыўносіць новага ў літаратуру і якую цікавасьць уяўляе для крытыка.

выдавецтва чакае першыя асобнікі напрыканцы наступнага тыдню, то-бок акурат перад нашай прэзентацыяй — таму, хаця абяцаць мы нічога ня можам, але зробім усё магчымае, каб кніжка наўпрост з друкарні трапіла ў вашыя рукі.

карацей, калі ласка, прыходзьце, будзе хораша!