ДАЙ ПАСЛУХАЦЬ

Напаткалі мы на свежае канцэртнае відэа маладога гурта “Darja I Lepšyja Vorahi”, якія прылічаюць сябе да эма. А неяк мы ўжо распавядалі пра беларускія эма гурты.

На гэты раз пагаворым пра маладзечанскі гурт Usplёsk, які спяваў пра балючыя тэмы кахання, ды яшчэ і скрыміў у песнях. Вядома, эма з нацяжкай. Музыка гурта змяшчала стылі альтэрнатыўнага року, ню-метала і “мазафакі”. Гурт стварыў Шуст – беларускі мастак і музыка.

20 гадоў таму, якраз у студзені 2005 Usplёsk выпусцілі свой першы альбом KARAgod. Месцамі музыканты пераходзяць на рэп, месцамі скрымяць, што ў той час у беларускай музыцы было выключэннем (калі не браць метальчык). Ты такі слухаеш лагодны чысты голас, які змяняецца на крык “Я адзін, ты адна, ха-ха-ло-ло-дна-дна-я-я вайна”.

Пачніце слухаць альбом ад пачатку да канца, і вы адкрыеце для сябе беларускі Limp Bizkit або Jane Air. Зацаніце “Жоўты Вір”, і электронна-лірычны трэк “Мара”.

У 2007 годзе гурт выпусціў другі альбом пад назвай «Выварат Вілія». Дарэчы, гурт тады абганяў час і выдаў экалагічны дыск, які быў загорнуты ў мяшочак, а не ў пластык.

У 2021 годзе музыкі апублікавалі трэці альбом «Сонца высока», запісаны ў 2010 годзе ў Вільні.

Дарэчы, альбом KARAgod (2005) можна паслухаць і нават набыць па спасылцы: https://usplesk.bandcamp.com/album/karagod

Вы можаце паслухаць і іншыя альбомы гурт, але давайце пра іх пагаворым з вамі пазней.

Прынеслі вам новыя святочныя рэлізы. Сёння ўначы Алесь Лютыч з гурта :B:N: прэзентаваў акустычную песню “З новым годам”. Артыст абяцае ў 2025 годзе выпусціць гэты трэк поўным электрычным складам.
Глядзець і слухаць: https://www.youtube.com/watch?v=TffoYlFr0UM

Зміцер Вайцюшкевіч традыцыйна заспяваў новы калядна-навагодні трэк. Як заўжды казачна і прыгожа.
Глядзець і слухаць: https://www.youtube.com/watch?v=uBB_q-ePN5Q

А вось вам дэнсавы трэк ад Kriwi x T-Trider.
Глядзець і таньчыць: https://www.youtube.com/watch?v=5voRuy_Jjlw

ФРЭШБЛАДЫ БЕЛАРУСКАЙ МУЗЫКІ 2024

Сёлета мы падвядзем музычныя вынікі году праз прызму маладой беларускай сцэны. Адкрываем для вас музыку. Вядома ж, суб’ектыўненька.

Адкрыццём 2024 важна адзначыць артыста (або ўжо і гурт) Chabor, які з’явіўся на сцэне сёлета, выдаў тры сінглы і адыграў канцэрты ў розных куточках Беларусі, а ў снежні быў заўважаны як жывы інструментальны бэнд для спявачкі Nevika. Ну то, калаба году на лакальнай сцэне, не інакш.

Але аб’ектыўна трэ даць званне калабы году гурту ЗАО “Сомнительные инициативы”. Хлопцы выпускалі фіт за фітом. З імі паспябравалі Сны синей собаки, Ковельские Псы, Маразм Аркадия.
Passive voice, лайтовы, bayski – новыя для многіх імёны, якія радавалі жывымі выступамі і трэкамі.

Варта адзначыць і фальклёрную Ralla, якая з’явілася на беларускай сцэне і па лічбах на стрымінгах парвала многіх новых артыстаў. Больш за 1к за тры першых сінглы – добры пачатак.

Паэтка Даша Бялькевіч уварвалася ў музыку з сапраўдным паэтычным трэкам пад псеўданімам da kostka. Тое, чаго даўно не хапала беларускай музыкі. Удалы наступ на паэтычны дуэт “Бачу ўпершыню”.

А хто з маладых артыстаў запомніўся вам у 2024?

Пачынаем тыдзень з канцэртанага рэпартажу.

Паказваем вам, як прайшоў супольны канцэрт лайтовага і гурта Chabor 7 лістапада ў TNT

Як часта TNT чуў рэп? Ды яшчэ і беларускамоўны 🤔

Мы вось не можам узгадаць ніводнага разу, і, як паказала практыка, шкада, што гэтага не было раней! лайтовы не проста сабраў біток у залі, а яшчэ і разгайдаў як след, зайграўшы гадзінны сэт. Там было нават не спякотна, а вільготна. Вось што значыць старая школа 🔥

Затым выступаў малады пост-панк гурт Chabor 🌿

Нягледзячы на такія розныя жанры і музычны бэкграўнд, хлопцы, здаецца, добра ладзяць з лайтовым. Падзея, якую чакала палова залі дакладна -- выкананне сумеснага трэка, які Алесь і лайтовы напісалі для прома канцэрта.

У сваім самастойным сэце хлопцы выкладаліся на ўсе 100%, і які ж панк без слэму (няхай ён і пост)? Пад трэк "Ровар" залю проста разарвала.

Заўжды цікава назіраць за такімі спалучэннямі на жывых выступах, бо і публіка прыходзіць розная. Але ў гэты раз усё выглядала так, як мае быць. Таму чакаем ад хлопцаў новых дасягненняў, як супольных, так і па-асобку