Беларускі геймер

🆓 Цяпер у Steam можна бясплатна забраць: Metro 2033 Redux

Metro 2033 Redux — у 2013 годзе сьвет быў спустошаны апакаліпсісам, які зьнішчыў амаль усё чалавецтва й ператварыў паверхню Зямлі ў атручаную пустку. Жменька тых, хто выжыў, схавалася ў глыбінях маскоўскага мэтро, ​​і чалавечая цывілізацыя ўступіла ў новы Цёмны Век. На двары 2033 год.

Распрацоўнік — 4A Games (Украіна).

❗️Забраць гульню можна да 16 красавіка.

📱 Sony павялічвае кошт PS5 у Эўропе й іншых рэгіёнах

Sony Interactive абвясьціла аб павышэньні рэкамэндаваных коштаў на PlayStation 5 у абраных рэгіёнах Эўропы, Афрыкі, Аўстраліі, Новай Зэляндыі й Блізкага Ўсходу. Кошт PS5 Pro застаецца ранейшым.

Рашэньне было прынята з-за "складанай эканамічнай абстаноўкі, уключаючы высокую інфляцыю й ваганьне курсу валют".

🔹Эўропа — 499,99 € (ранейшы кошт — 449,99€);
🔹Вялікабрытанія — 429,99 £ (ранейшы кошт — 389,99£);
🔹Аўстралія — 749,95 A$ (ранейшы кошт — 679,959A$);
🔹Новая Зэляндыя — 859,95 NZ $ (ранейшы кошт — 769,95NZ$).

З добрых навін — дыскавод для PS5 стаў таньней (119,95€; паніжэньне на 40€).

📢 Кібэрпанкавы сімулятар жыцьця Nivalis ізноў перанесьлі

Студыя Ion Lands паведаміла, што ім спатрэбіцца больш часу для паліроўкі сімулятара жыцьця ў кібэрпанкавым сьвеце Nivalis!

Сьвет Nivalis — гэта складаны й вельмі ўнікальны погляд на жанр паўсядзённасьці. Ён быў амбіцыйны з самага пачатку. Абʼяднаньне кіраваньня рэстаранам, дэкарыраваньня кватэр, фэрмэрства, рыбалкі й дасьледаваньні водных прастораў з захапляльнай гісторыяй — складаная задача.

У цяперашні час распрацоўнікі занятыя фінальнымі ітэрацыямі карыстацкага інтэрфейсу, а таксама балянсаваньнем эканомікі. У дадатак у гульню дадаюць розныя сюжэтныя лініі, зьвязваючы іх разам, каб прыступіць да запісу агучкі.

Пакуль што Nivalis нямае даты рэлізу, бо распрацоўшчыкі хочуць, каб на іх не ціснуў жорсткі ґрафік. Усіх прыхільнікаў гульні просяць праявіць цярпеньне й запэўніваюць, што ўсё зробяць правільна.

Нагадаем, што раней рэліз плянаваўся ўвесну

📰 Сімулятар жыцьця inZOI разыйшоўся тыражом у 1 мільён копіяў

Паўднёвакарэйская карпарацыя Krafton, абвясьціла, што іх рэалістычны сімулятар жыцьця inZOI за тыдзень з моманту рэлізу прадаўся тыражом звыш 1 млн. копіяў!

Па стане на 4 красавіка inZOI працягвае знаходзіцца на высокіх пазыцыях у рэйтынгах продажаў Steam! У васноўным гаворка ідзе аб рэгіёнах Паўночнай Амэрыкі й Азіі.

Гульня сабрала вельмі станоўчыя водгукі й мае вялікую "дарожную мапу" на 2025-ы год!

📰 Новыя гандлёвыя пошліны ЗША нэґатыўна адабʼюцца на гульнявой індустрыі

Асацыяцыя вытворцаў ПЗ і гульняў — Entertainment Software Association (ESA), сурʼёзна занепакоена магчымымі складанасьцямі, якія могуць узьнікнуць у гульнявой індустрыі, з-за новых пошлін ЗША.

Размова ідзе пра пошліны на імпарт, якія ўвёў прэзыдэнт Дональд Трамп. Яны закранулі амаль усе краіны ў той ці іншай меры.
Для Кітая, Віетнама й Японіі, напрыклад, памеры пошлін склалі 54%, 46% і 24% адпаведна.

Старэйшы віцэ-прэзыдэнт ESA Обры Кўін мяркуе, што ўсё гэта нэґатыўна адабʼецца на становішчы ПЗ і кансоляў – бо большая частка дэталяў для плятформаў прывозяць зь іншых краін.

У тэорыі, зараз, той ці іншы прадукт будзе трапляць адразу пад некалькі пошлін, што нэґатыўна адабʼецца на коштах. Да таго ж сытуацыя можа пагоршыцца, бо іншыя краіны могуць увесьці ўласныя пошліны на тавары з ЗША.

Першыя "званочкі" праблем ужо прыкметныя. Да прыкладу, раней была анансавана Nintendo Switch 2, чый мінімальны кошт складае 450$ (што моцна абурыла гульцоў), аднак, такімі тэмпамі, неўзабаве, кошт можа вырасьці ізноў! Акрамя гэтага, паводле дадзеных выданьня The Verge, менавіта новыя пошліны сталі прычынай пераносу перадзаказаў кансоляў у ЗША на нявызначаны тэрмін!

📰 Прафзьвяз тэстараў ZeniMax і Bethesda рыхтуецца да забастоўкі

ZeniMax Workers United-CWA зноў пагражае Microsoft і ZeniMax забастоўкай (за якую прагаласавала амаль 95% апытаных удзельнікаў).

Працоўныя вядуць перамовы з кіраўніцтвам ужо амаль два гады, аднак істотных зьмен няма. Асноўныя праблемы, якія спрабуюць вырашыць супрацоўнікі карпарацыі — нездавальняючая аплата працы й супраціў вяртаньню ў офісы.

«Нашы падрадчыкі працуюць за мінімальную заработную плату безь якіх-небудзь ільгот, у тым ліку без аплатнага бальнічнага. Супрацоўнікі лічаць за лепшае не заводзіць семʼі з-за фінансавай нявызначанасьці. Мы выпусьцілі некалькі гульняў, працуючы цалкам на выдаленьні. Калі гэтага будзе дастаткова?»

«Ніхто з нас не хацеў, каб да гэтага дайшло, але калі Microsoft і ZeniMax працягнуць дэманстраваць за сталом перамоваў, што яны не жадаюць плаціць нам справядлівую заработную плату, то мы пакажам ім, наколькі каштоўная наша праца».

Сама Microsoft пракамэнтавала гэта наступным чынам:

«Наша QA-каманда зьяўляецца неадʼемнай часткай нашага бізнэсу й адыгрывае ключавую ролю ў выпуску гульняў для нашых гульцоў. Мы паважаем яе права выказваць пункт гледжаньня!
У ходзе перагавораў быў дасягнуты значны прагрэс, уключаючы папярэднія пагадненьні па большасьці тэм на парадку дня. Мы прадставілі пакетную прапанову, якая, на нашу думку, зьяўляецца справядлівай – калі яна будзе прынята, гэта прывядзе да неадкладнага павышэньня кампэнсацыяў, яшчэ больш істотным ільготам і адпаведнасьці гібрыднай мадэлі кампаніі "праца ў офісе 3 дні ў тыдзень". Мы зь нецярпеньнем чакаем далейшага разьвіцьця перамоваў».

📰 Праваўладальнікі франшызы Baldurʼs Gate выдалілі мод для Stardew Valley

У пачатку сакавіка, каманда таленавітых ґеймераў абʼяднала сваю любоў да Stardew Valley і Baldurʼs Gate III у фанацкай мадыфікацыі пад назовам Baldurʼs Village.
Дадзены мод уводзіць у гульню новую мапу, больш за 20 пэрсанажаў, сярод якіх ёсьць Карлах, Астарыён і іншыя знаёмыя, 6 новых лякацый, новыя крамы з унікальнымі прадметамі, дынамічныя падзеі й многае іншае.

Аднак нядаўна стала вядома, што мод быў выдалены з сайта Nexus Mods пасьля DMCA-скаргі ад кампаніі Wizards of the Coast, якая валодае правамі на Dungeons & Dragons і Baldurʼs Gate.

У адказ на гэта, супольнасьцю была паднята сапраўдная бура, якая асуджае падобныя забароны на некамэрцыйныя, фанацкія праекты. У абарону мадыфікацыі выказаўся ў тым ліку й ґенэральны дырэктар Larian Studios Свэн Вінке, які заявіў, што падобныя праекты толькі ўзмацняюць папулярнасьць франшызы!

Такая моцная ўвага не прайшла міма праваўладальнікаў, якія нзавали ўсё гэта памылкай і паабяцалі адклікаць скаргу. Нягледзячы на ​​гэтую заяву мод усё яшчэ не даступны.

📰 Ubisoft знайшла спосаб выхаду з крызісу — паглыбленае супрацоўніцтва з кітайскай Tencent

Ubisoft абвясьціла аб стварэньні новага даччынага прадпрыемства з капіталам каля 4,3 мільярда даляраў, у якім 25% будзе належаць кітайскай карпарацыі Tencent, якая інвэстуе за гэтую долю 1,16 мільярда эўра. Зьдзелка будзе завершана да канца 2025 году.

Новая кампанія будзе валодаць ліцэнзіямі на інтэлектуальную ўласнасьць папулярных гульнявых франшызы, такіх як Assassin Creed, Far Cry і Tom Clancy Rainbow Six. У актывы кампаніі ўвойдуць каманды, якія працуюць над гэтымі гульнямі.

Сёньня Ubisoft адкрывае новы разьдзел у сваёй гісторыі. Гэта асноўны крок у зьмене апэрацыйнай мадэлі Ubisoft, які дазволіць нам быць адначасова гнуткімі й амбіцыйнымі.
Інвэстыцыі ў памеры 1,16 мільярда эўра прынясуць карысьць ўсёй кампаніі Ubisoft.
Мы зможам вярнуць сабе кантроль над нашай будучыняй і аднавіць працу са спакоем, неабходным для стварэньня лепшых гульняў
— Ґенэральны дырэктар Ubisoft Іў Гійма

Няхай угода й выглядае цікава для Ubisoft, звычайныя супрацоўнікі (асабліва не занятыя ў вышэй названых буйных франшызах), сурʼёзна асьцерагаюцца за будучыню, бо кадравыя перастаноўкі й зьмены штата непазьбежныя.