STRYZHAK

ГАЛОЎНАЕ ПРА СВЕТ У ЯКІМ МЫ ПРАЧНУЛІСЯ

1. Сусвет змяняецца і прымае статус-кво, што склаўся за апошнія 15 год:
- сільныя маюць права знішчаць слабых;
- дзяржавы вырашаюць палітычныя пытанні сілай;
- свет дзеліцца на сферы інтарэсаў.

2. Сістэма бяспекі НАТА ў старым выглядзе хутчэй за ўсё не спрацуе. ЗША дэманструюць альтэрнатыўны погляд на карыстанне 5 Артыкулам Статута НАТО і наўрадці будуць аўтаматычна абараняць любую краіну НАТА ў выпадку нападу.

3. Еўраатлантычнае адзінства ЕС-ЗША кардынальна змяняецца. Канкурэнцыя, падпарадкаванне, супрацьстаянне? Пакуль не зразумелая канфігурацыя.

4. Трамп і ягоная каманда - ня баг сістэмы. Гэта трэнд, што мае сусветнае значэнне. Прыйшоў час спакушэння чалавецтва лёгкімі адказамі на складаныя пытанні. За гэтую спакусу прыйдзецца дорага заплаціць, як гэта ўжо было раней у гісторыі.

5. Лёс Усходняй Еўропы, у тым ліку і Беларусі, хочуць вырашаць за зачыненымі дзвярыма. Ці здолее Еўропа кансалідавацца каб быць часткай здзелкі - пытанне. Ці будуць слухаць Беларусь і Украіну падчас гэтай здзелкі? Вельмі сумнеўна.

6. Анансаваная здзелка паміж Вашынгтонам і лукашыстамі не прынясе грамадзянскага міра Беларусі. Вызваленне часткі палітвязняў у абмен на змякчэнне санкцый - не цягне за сабой змену сутнасці рэжыму. Лукашысты ня спыняць тэрор у адносінах да беларусаў.

Што рабіць? Рыхтавацца да вялікай вайны ў Еўропе. Абярыце стратэгію дзеянняў загадзя;
- я застаюся;
- я бягу.

У залежнасці ад таго, што вы абярэце, атрымлівайце профільныя навыкі і веды, рыхтуйце глебу і запасныя аэрадромы. Плануйце сваю будучыню каб захаваць сваю суб’ектнасць падчас гістарычнага пералома.

Фонд BYSOL акажа дапамогу ўсім вызваленым. Для нас вельмі важна каб людзі не адчувалі сябе неабароненымі ў выкліках новага жыцця, што пачынаецца для іх проста зараз. Працуем далей! Баронім сваіх.

Вельмі рады вызваленню трох палонных рэжыма! Вялікі дзякуй усім, хто паўдзельнічаў у гэтым вызваленні.
Чакаем на волі ўсіх!

Калі для выхада з катоўні трэба назваць сябе агентам Бондам, ці Эдэльвейсам, ці хоць Калабком - гэта не праблема, калі вы потым адкрыта і шчыра публічна прызналіся і ня сталі выконваць заданні сілавікоў. Павага і падтрымка тым, хто так уратаваў сваё жыццё.

Калі разумееш што і як будзе далей, але ня можаш развязаць праблемы вышэйшага ўзроўня, трэба спускацца ўніз да таго моманту, пакуль не пачнеш кантраляваць сітуацыю і ўплываць на яе і пакуль твае дзеянні не пачнуць даваць плён і мець сэнс.

У самым скрайнім выпадку, ты заўсёды маеш нямалы шанец уратаваць хаця б аднаго чалавека - сябе.

ПАЛІНА ШАРЭНДА-ПАНАСЮК ЭВАКУІРАВАНА

Беларуская актывістка знаходзіцца ў бяспецы. Аперацыя не была б магчымай без шчыльнай супрацы каманды эвакуацыі BYSOL з нашымі партнёрамі. Дзякуй усім за выдатную працу. Працуем далей!

ВЯЛІКАЯ ВАЙНА Ў ЕЎРОПЕ Ў 2025?

Заява Зяленскага пра наўпроставае ўцягванне Беларусі ў вайну, была ўспрынятая часткай публікі са скепсісам, а часткай з трывогай.

Важна разумець уводныя такога сцэнара, каб ставіцца да яго больш, ці меньш сур’ёзна.

1) ці стала беларускае войска больш матываваным/падрыхтаваным/забяспечаным для ўступу ў вайну?

- Калі мы кажам пра матывацыю на ўдзел у вайне, то яна па-ранейшаму вельмі нізкая. Антываенны кансэнсус у Беларусі толькі ўмацоўваецца, на што працуюць і дэмсілы і лукашысты. Няўдзел наўпрост у вайне - адзін з пунктаў па якім большасць беларускага грамадства згодная.

- Падрыхтоўка і забяспечанасць - вучэнні, перадыслакацыя, насычэнне войска аб’ёмамі новай і мадэрнізаванай тэхнікі гэта фактары падвышэння здольнасці да ўдзелу ў вайне, але ж не дастатковыя для поспеху. Ні колькасна, ні якасна сітуацыя не змянілася так, каб сказаць што лукашысты маюць дастатковыя сілы каб на роўных ваяваць з краінамі НАТА і Украінай.

2) ці можа расейскае войска разам/асобна ад беларускага можа нанесці ўдары па Украіне/краінах НАТА?

- у верасні 2025 года запланаваныя вучэнні “Захад-2025”, адбудзецца пераброска вялікай колькасці рас.войскаў у Беларусь. Мінулым разам сцэнар вучэнняў перарос у рэальныя баявыя дзеянні. Расейскія войскі з тэрыторыі Беларусі зрабілі прарыў да Кіева і Чарнігава. Тобок, сцэнар не фантастычны і ўжо аднойчы быў рэалізаваны. Але ж важна разумець што абставіны былі іншымі. Гэтым разам межы суседзяў больш умацаваныя, а войскі і палітыкум папярэджаныя пра магчымасць уварвання.

3) ці можа расейскае камандаванне і ў 2025 паўтарыць агрэсіўныя планы ў адносінах Украіны/краінаў НАТА?

- пуцінскі рэжым засяродзіўся на двух стратэгіях:
а) агрэсіўная вайна і тэрор супраць мірнага насельніцтва ў Украіне;
б) так званыя дзеянні “ніжэй парога вайны” супраць краінаў НАТА.

Што такое ваенная агрэсія зразумела ўсім, то засяроджуся на другім пункце. Дзеянні “ніжэй парога вайны” - гэта тэхналагічныя дыверсіі, сабатаж, інфармацыйныя і кібератакі, скупка палітычных лідараў, пакушэнні і выкраданні, арганізацыя пратэстаў і ўплыў на электаральныя працэсы, арганізацыя міграцыйных плыняў. Тое, што адбываецца ўжо сёння і што моцна б’е па непадрыхтаваных да такіх гібрыдных атак, адкрытых заходніх грамадствах.

На мой погляд, да наўпроставых ваенных дзеянняў з Беларусі ў бок Украіны/краін НАТА, сёння у расейскага войска няма дастатковай сілы. Не сфармаваныя арміі, для іх недастаткова рэкрутаў і ваеннай тэхнікі. Таму я лічу малаверагодным сцэнар вялікай вайны ў Еўропе ў 2025 годзе.

АЛЕ!
Важныя фактары, што кажуць пра вельмі высокую верагоднасць вайны паміж хаўрусам дыктатур і НАТА:

- канверсія расейскай вытворчасці на ваенныя рэйкі;
- перабудова расейскай грамадскай думкі на ваенны стан;
- атрыманне ваеннага досведа вялізарнай колькасцю расейскіх ваенных;
- запыт на аднаўленне кантроля на Усходняй Еўропай з боку Крамля;
- імперскія амбіцыі і гатоўнасць да вялікіх стратаў і рызыкаў з боку Крамля;
- негатоўнасць Захаду да вайны і слабая да яе падрыхтоўка;
- дэстабілізацыя архітэктуры бяспекі заходняга свету з боку адміністрацыі Трампа.

Спіс фактараў няпоўны.

Два асноўных сцэнара падзей на 2025-2030

1) Другая Халодная вайна - два блока пачынаюць гонку ўзбраенняў, вядуць рэгіянальныя войны праз проксі, ці наўпрост, апускаюць новую “жалезную заслону”, вядуць дзеянні “ніжэй парогу вайны” адно супраць аднаго. Беларусь застаецца па расейскі бок заслоны, Украіна атрымлівае хісткі мір на прыніжальных умовах.

2) Вялікая вайна ў Еўропе - пасля перамір’я ва Ўкраіне, Расея назапашвае сілы і наносіць удар па краінах Балтыі. Гібрыдны, ці наўпроставы. Усталёўвае кантроль над балтыйскім балконам і дэблакуе Калінінград.

Наступным крок: дзеянні супраць Польшчы і спробы ўсталяваць кантроль над Балтыкай. Беларуская тэрыторыя/войска, выкарыстоўваюцца падчас вайны.

Рэзюмэ: аднаго з двух гэтых сцэнароў не пазбегнуць, бо так выглядае логіка развіцця падзей апошняга часу. Рыхтавацца да іх - гэта захаваць жыццё і здольнасць да дзеянняў. Новая рэальнасць патрабуе ад нас новых навыкаў і новага мыслення. Не губляйце часу.

✅ Инструкция по обновлению ссылок в чатах Telegram

1. 🔍 Пройдитесь по всем чатам, которые вы создавали или где являетесь администратором.
⚙️ Проверьте настройки каждой группы.
🔗 Обновите ссылки-приглашения.

2.📌 Правила создания ссылок на будущее:
⏳ Делайте ссылки активными на ограниченное время.
👥 Ограничивайте количество пользователей, которые могут присоединиться по ссылке.
🔒 Это повысит безопасность и снизит риск нежелательных участников.

3.🗂️ Как проще найти нужные чаты:
💬 Зайдите в переписку с любым человеком.
🤝 Посмотрите раздел "Общие чаты" с ним.
🛠️ Выберите те, где вы администратор, и обновите ссылки.

4. 🗑️ Работа с ненужными чатами:
🧹 Очистите чаты от сообщений.
🚮 После этого удалите их, если они больше не нужны.

Калі сённяшні ўзлом чат-бота "Беларускага Гаюна" датычны вашай бяспекі, звяртайцеся па кансультацыю/эвакуацыю на гарачую лінію BYSOL @help_bysol (ТГ).