Школа відэаблогера

Кнопка-2024. Выбіраем найлепшы TikTok-канал года.Фінал 📱

🕚 Пачынаем праз 10 хвілін, а падводзім вынікі сёння ў 23:00 па Менску.

Вось хто прадстаўлены ў фінальнай стадыі:

🎨 CityDogby журнал о Минске — смешныя кароткія скетчы па актуальнай беларускай "павестачцы", у якіх вы пазнаеце сябе.

🎨 Iĺja Šynkarenka — блогер са 100-тысячнай аўдыторыяй, які дакладна раскажа, як перайсці на беларускую мову. Складана знайсці беларускага падлетка, непадпісанага на гэтага хлопца.

🎨 li_vetrava (Ліза Ветрава) — гарнітур моўнай блашчыцы пакладзены на паліцу і перад намі зорка беларускага TikTok, якая разумее свой уплыў на аўдыторыю.

🎨 Radio Svaboda — канал з арыгінальным кантэнтам пра беларускую мову, культуру, запраўлены прывабным гумарам.

🎨 Алена Браніславаўна — яе смакоткі з печы сталі трэндам у TikTok, а шчырасць і сакавітая беларуская мова дапамагаюць збіраць мільённыя прагляды.

🎨 Андрей У меня вопрос — бабруйскі блогер, які тонка адчувае пачуцці беларусаў. Здаецца, што песня «Штосьці добрае» «Петли Пристрастия» была напісана пасля прагляду відэа з серыі «Фабрика добрых дел».

🎨 куку орг — месца, дзе Глеб Сямёнаў адрываецца напоўніцы і дае хвілінку славы сёстрам Груздзевым.

🎨 Маргарита Левчук — пераможца леташняй прэміі ў гэтай намінацыі стала мамай, але працягвае бадзёра расплюшчваць вочы некаторым беларусам і падсмажываць адно месца Грышы Азаронку.

🎨 Мова ад Васіля — блогер, які даказвае, што беларускамоўны кантэнт даўно выйшаў з андэграўнда.

🎨 Ягор Яраш-Каранец — блогер, які праз вясёлыя скетчы ўзбагачае наш слоўнікавы запас беларускай мовы.

Выбар, які дакладна варта зрабіць ✔

@youtube_by

🙌 Вакансія SMM-рэдактара ў YouTube-каналы «жыццё-маліна» і «Загляне сонца»

У каманду YouTube-шоу «жыццё-маліна» і «Загляне сонца» патрабуецца SMM-рэдактар для вядзення супольнасці ў YouTube, а таксама сацыяльных сетак праекта ў TikTok, Facebook.

Задачы:
– напаўненне суполак праектаў «жыццё-маліна» і «Загляне сонца» ў сацыяльных сетках жывымі і яркімі пастамі (TikTok, Facebook, супольнасць у YouTube);
– пошук і вытворчасць забаўляльнага мэдыякантэнту;
– вытворчасць карцінак, мемаў, відэа і іншых відаў кантэнту;
- праца з кам'юніці іншых сяброўскіх YouTube-праектаў.

Ад вас:
– разуменне прынцыпаў працы сацыяльных сетак: Instagram, TikTok, YouTube.
– жаданне развівацца ў SMM;
– уменне працаваць з простай графікай і відэа;
– жаданне рабіць якасны прадукт для беларусаў;
– безумоўна, пісьменная беларуская і руская мовы;
– несумненна, добрае пачуццё гумару.

Для вас:
– магчымасць грунтоўна прапампаваць свае веды па SMM і тут жа прымяніць іх на практыцы на вялікую аўдыторыю;
– вялікае поле для эксперыментаў;
– крэатыўны калектыў, амбітныя задачы;
– аддаленая праца;
– сумеснае абмеркаванне выніковага памеру кампенсацыі.

❗️Рэзюмэ дасылайце на info@digitalmediahub.online з тэмай «SMM-рэдактар».