Свята ўсё бліжэй, таемныя Санты блукаюць па свеце ў пошуках падарункаў, таму сабрала для вас магчымыя прэзэнты для кінаманаў па матывах рэлізаў гэтага году (каб усе маглі скарыстацца спісам, абірала тое, што можна знайсці паўсюль/зрабіць самому ў любой краіне, а рэферэнсы брала з афіцыйных крам з мерчам, калі такія ёсць):

🎁 Свечка з пахам чарніц для імітацыі чарнічнага пірага, як у містэра Рыда ў "Ерэтыку" (стор А24)

🎁 Цішотка з надпісам I Told Ya, як у Зендаі ў "Чэленджэрах" (афіцыйны дроп Loewe)

🎁 Мерч серыяла Pink Opaque, па якому фанацелі падлеткі ў "Я бачыў ззяне тэлевізара" (зноў стор А24)

🎁 Чорна-зялёна-фіялетавыя цені для вачэй, каб прыгожа сядзець у чарзе ў Тагасвеце з "Бітлджус Бітлджус" (палета NYX)

🎁 Каралеўскі арнітоптэр Атрэйдасаў, каб лётаць як Пол, джаліць як Гурні ў "Дзюне" (калекцыя Lego Ideas)

🎁 Кружэлка з песнямі са старых амерыканскіх мюзіклаў (напрыклад, з "Тэатральнага вагона"), каб спяваць That's Entertainment, як Джокер і Харві ў "Джокеры: вар'яцтве на дваіх" (вініл з афіцыйным саўнтрэкам)

🎁 Бутэлька для вады з надпісам Activator, каб быць лепшай версіяй сябе, як Элізабэт у "Субстанцыі" (афіцыйны мерч скончыўся, але на Etsy заўсёды ўсё ёсць)

І яшчэ некалькі прыгожых агульнасінефільскіх штук:

🎁 Каляндар ад Cinephilia & Beyond з фільмам на кожны дзень

🎁 Калекцыя 40 выбітных фільмаў ад Criterion Collection, а таксама больш бюджэтныя Blu-Ray сэты ці асобныя 4K- і Blu-Ray дыскі.

🎁 Адмысловы нататнік Moleskin для вотчлістоў, трэкінгу фільмаў і серыялаў

Дадавайце свае варыянты падарункаў у каменты!

#падборка