Глядзім трэйлер фільма "Вучань" (The Apprentice), які распавядае пра пачатак кар'еры Дональда Трампа і мае моцныя вайбы "Спадкаемцаў", калі б Кен змог (можа, гэта ўсё за-за дарагіх аўто і класічнай музыкі).

У фільма цікавы лёс: ён шукаў пракатчыка з часоў сваёй прэм'еры ў Канах у траўні, страціўшы асноўнага спонсара, кампанію Kinematik, з-за пагрозы іску з боку Трампа, які назваў карціну "дэфамацыйнай". Ад "Вучня" адмовіліся ўсе мэйджары, але ў выніку фільм падхапіла кампанія Briarcliff Entertainment, якая раней прадзюсіравала такія палітычна нагружаныя стужкі, як "У цэнтры ўвагі" (Spotlight). Фільм выйдзе ў пракат 11-га кастрычніка —менш чым за месяц да прэзыдэнтскіх выбараў у ЗША. Тады і пабачым, ці ўся гэта гісторыя была проста хітрай часткай перадвыбарчай кампаніі Трампа, ці фільм сапраўды дае яму нейкую рэальную ацэнку. Так ці інакш, шанец паўплываць на сусветную палітыку ў стужкі ёсць — розніца паміж колькасцю прыхільнікаў Трампа і Камалы Харыс зараз складае ўсяго некалькі працэнтаў.

#трэйлер