ReZervatioN

Мы вельмі замарочыліся над такой (як некаму можа здацца, малазначнай) часткай гульні як уласныя назвы. Паколькі сваёй беларусізацыяй Герояў МТГ «RэЗэрвацыЯ» замахнулася закласці нейкі падмурак (а мо нават нават і нейкую традыцыю 🙂 ) беларускіх перакладаў свету Might & Magic, да адаптацыі ўласных назваў мы падышлі з тымі самымі сур’ёзнасцю і занудлівасцю, як раней да пытання найменняў істот. На наша шчасце, знайшлося інтэрвію з Грэгары Фултанам (Gregory Fulton), распрацоўшчыкам Герояў 3, якое праліла святло на шмат якія цьмянасці і дадало разумення што да чога. Праца над назвамі яшчэ незавершана, аднак большая частка работы ўжо зроблена.

Сваёй беларусізацыі кампаній мы яшчэ не зрабілі (і пакуль за яе нават не браліся 😀 ), а таму прапануем усім ахвочым ацаніць работу суполкі łokar, нашых калег па перакладчыцкім цэху, якія на падставе нашых напрацовак па назвах дарабілі свой пераклад сюжэтных кампаній «Адраджэнне Эрафіі» і «Клінок Армагедону». Усе заўвагі і прапановы, як заўсёды, на пошту або ў Telegram.

Што да самой беларусізацыі Герояў мяча і магіі 3 (Heroes of Might and Magic III), яна дапоўнена і абноўлена ‒ абеларушчыны ўсе элементы графічнага інтэрфейсу, заменены шрыфты, перакладзены жыццяпісы герояў і папраўлена нямала дробязей у самім перакладзе. Беларусізацыя HoTA таксама абноўлена ‒ цяпер яна ўніверсальная, без прывязкі да канкрэтнай версіі гульні.

У наступным месяцы мы плануем поўнасцю дарабіць беларусізацыю класічных Герояў 3, а łokar ‒ прадставіць свой пераклад сюжэтных кампаній дапаўнення «Подых Смерці».

У гэты раз нават гадоў чакаць не прыйшлося 😁

Праверка арфаграфіі v0.5.1:

*слоўнікі праверкі арфаграфіі згенерыраваны на падставе версіі лексіка-граматычнай базы беларускай мовы ад 25.09.2023
* папраўлена памылка з трапляннем у слоўнікі ненарматыўных словаформаў, а таксама форм паводле правапісу 1957 г.

Cпампаваць можна тут:
👉 https://spell.by-reservation.com 👈

Згубілі нас? А між тым у нас навіны.

Пакет праверкі беларускай арфаграфіі для Windows, які інтэгруецца ў MS Office, Telegram, Chrome і яшчэ шмат у якія іншыя праграмы, абнавіўся да версіі 0.5.0.

Асноўныя змяненні:
* граматычная база абноўлена да версіі 2023.09
* інтэграцыя з Windows перапісана з нуля
* дададзены новыя інтэграцыі:
* сістэма камп'ютарнай вёрсткі Adobe InDesign
* рэдактары субцітраў Aegisub і Subtitle Workshop Classic
* рэдактары кніг Calibre і Fiction Book Editor
* для Adobe InDesign і LibreOffice таксама дадалі слоўнік пераносаў - пакуль у тэставым рэжыме, заўвагі і прапановы (асабліва ў дачыненні Adobe InDesign) чакаюцца і прымаюцца

Спампаваць, як і раней, можна адсюль:

👉 https://spell.by-reservation.com 👈

Нашы планы на будучыню:
* змена рухавіка для Microsoft Office з майкрософтаўскага на свой
* падтрымка Microsoft Office for Mac
* падтрымка праверкі правапісу "У-Ў" у Microsoft Office

Таксама настойліва раім наведаць старонку БНКорпуса, без падтрымкі якога ў нас нічога б не атрымалася: https://bnkorpus.info/

Сябры! У 2020-м годзе мы арганізавалі авантуру, якая, як мы лічым, аказалася паспяховай. Доказ таму ўся тая колькасць людзей, што падтрымалі яе грашыма, за што ім вялікі дзякуй.

А цяпер "шок, анлайн, без SMS!"

Цалкам легальна і для ўсіх жадаючых! Тое, што мы даўно абяцалі, але ўсё ніяк не маглі зрабіць — 7 серый першага сезона серыяла «Вядзьмар» (Witcher) у беларускай агучцы!

👉 https://witcher.by-reservation.com/ 👈

А што 8-й серыі няма — ну гэта тое самае меншае зло, пра якое і гаварыў галоўны герой серыяла. 😃