10 кастрычніка ва Ўкраіне гераічна загінуў беларус, Купалавец, дабраахвотнік батальёну «Тэрор» Міхал Шавельскі.
Афіцыйнае паведамленьне батальёну гучыць наступным чынам:
«Міхась "Юнгер" Шавельскі загінуў 10 кастрычніка 2022 года, падчас шчыльнага кантактнага бою, з узводам варожай бронегрупы 104 дшп 76 дшд, у раёне вёсак Безыменнае і Шчаслівае. Юнгер выконваў абавязкі стралка-медыка ў выведвальна-штурмавой групе батальёна Тэрор, якая дзейнічала сумесна з выведнікамі 35 БМП ЗСУ. Пад кінжальным агнём праціўніка Міхась прасоўваўся да параненага ўкраінскага марскога пехацінца. Жыццё Міхася Шавельскага абарваў аскепак танкавага снарада. Ваяр загінуў на месцы. Беларускаму герою быў 21 год.
Скарыстаўшыся момантам эвакуацыі праціўнікам сваіх двухсотых, пабрацімы вынеслі цела Міхася з поля бою. Выведка Тэрора выявіла месцазнаходжанне танка, які працаваў у тым баі па нашай групе, і скарэктавала яго знішчэнне.
Міхася Шавельскага пахавалі ва ўкраінскай Вінніцы, на Алеі Славы Сабараўскіх могілак».
Многія з вас, напэўна, даведаліся пра ягоную гібель зь іншых крыніц яшчэ пару тыдняў таму. Журналісцкая этыка, пэўна, слабы бок беларускіх мэдыя. Галоўнае — гэта перахапіць інфаповад, бо адказнасьць за патэнцыйную шкоду ўсё роўна несьці ня вам, ня так лі?
Для Купалаўцаў Міша быў вядомы ня толькі як Юнгер. Ён адзіны зь першых запісаўся ў ініцыятыўную групу, каб размаўляць з адміністрацыяй і удзельнічаць у студэнцкіх пратэстах; прайшоў праз шэраг розных папярэджаньняў і размоваў, у тым ліку з Васяй Сянько, які зрабіў на яго ўраджаньне гістэрычнага ўблюдка, а не прарэктара.
Міша 9 содняў правёў у ІЧУ за тое, што восеньню 2020 ўзяў на сябе адказнасьць узначаліць наш мірны марш па галоўнаму корпусу са сьцягам у руках. Адміністрацыя ГрДУ, кіруючыся загадамі карацеляў, пакорна сыграла ім на руку, адлічыўшы Мішу адначасова з уручэньнем яму павесткі.
Служба ў нэасаўковай арміі ў яго пляны ня ўваходзіла, таму Міша зьехаў вучыцца ў Варшаву на тэёлага. Праз больш чым год, разгарнуўшаяся на поўную скалю расейская агрэсія паклікала яго да службы ва Ўкраіне. Міша ня мог спакойна жыць, разумеючы, што Беларусь у гэтай вайне выкарыстоўваюць як пляцдарм для нападу на Ўкраіну.
Міша — свабодны чалавек. Чаго ня скажаш аб тых, з кім яму давялося змагацца. Ён настойваў на тым, што кожны супрацоўнік рэжыму ў рэшце рэшт адкажа за свае ўчынкі.
Таму не сумнявайцеся: прыйдзе дзень, калі вы адкажаце і за Мішу.
Вайна, якую падтрымлівае адміністрацыя нашае alma mater, забрала ў нас сябра-героя. Пакуль большасьць баялася зьляцець са стыпендыі, Міша баяўся зрабіць недастаткова — і ахвяраваў жыцьцё за свабодную Беларусь і Украіну.
Міхась Шавельскі — герой гарадзенскага ўнівэрсытэту, Гародні й Беларусі. Мы паклапоцімся аб захаваньні памяці пра табе.
P.S. Хацім заклікаць вас заўсёды чакаць на афіцыйную інфармацыю перад тым, як штосьці распаўсюджваць. Скантактавацца з намі можна праз акаўнт
@agentgrsu.
Жыве Беларусь ⬜️🟥⬜️ Слава Украïні 🇺🇦