MotivatorUzb | Official

БАЪЗАН ОҒЗИНГНИ ЮМИШ ФОЙДАЛИ

1825 йилнинг январида Николай биринчи Россия тахтига ўтирган. У тахтга ўтириши муносабати билан табрикларни эшитиб бўлишга улгурмасдан мамлакатда саноат инқилоби бошланган.
Николай кўп қон тўкиб инқилобни бостирди. Инқилоб етакчиларидан кўпчиликни қўлга олди. Кондратий Рылеев уларнинг кўзга кўринганларидан эди. Уни дорга осиб ўлдиришга ҳукм қилишди.
Ҳукмни ижро қилиш кунида Рылеев курсига чиқарилди. Кўзи боғланди. Аскар курсини тепди. Аммо арқон узилиб кетиб дорга осиш амалиёти чиппакка чиқди.
Кондратий йиқилган жойидан туриб ишонч билан деди:
"Кўрдингизми, Россияда ҳеч бир ишни қойиллата олишмайди. Ҳатто арқон ҳам узилиб кетди".
Бутун дунёда, шу жумладан Россияда ҳам дор арқонининг узилиши яхшилик белгиси эмас эди. Улар бундан шумланишар эди. Улар эътиқодида бу ўлимга маҳкум қилинган кишининг айбсизлигига ишора бўлиб, кўпинча уни авф қилишар эди.
Ҳақиқатдан ҳам дорга осиш масаласи омадсиз тугагани Николай биринчига етиб боргач у безовта бўлди. Бақир-чақир қилиб хонасига кириб кетди. Кондратийнинг авф қилгани ҳақида қоғозга ёзиб имзо чекди. Аммо уни ёрдамчисига беришдан олдин сўради:
- Арқон узилганида Кондратий бирор нарса дедими?
Ёрдамчи:
- Ҳа. У: "Кўрдингизми, Россияда ҳеч бир ишни қойиллата олишмайди. Ҳатто арқон ҳам узилиб кетди", деб айтди, деди.
Николай қўлидаги авф қоғозини йиртиб ташлаб деди:
- Ундай бўлса биз унинг айтганини аксини исбот қилишимиз лозим.
Эртаси эрталаб Кондратийни дорга осишди. Арқон узилмади.

❗️ Бу воқеадан олинадиган фикр шуки, киши баъзан оғзини юмиб ўтириши яхши экан. Ҳар қандай ўрин хитоб ўрни эмас экан!

Har safar ingliz tiliga oid qandaydir yangi kitob chiqsa, ko'pchilik menga murojaat qilib fikrimni so'rashadi. Imkonim boricha o'sha kitobni o'rganib chiqib fikrimni aytishga, sotib olishni yoki olmaslikni maslahat berishga harakat qilaman. So'ngi vaqtlarda trendga chiqqan, sayt va televizorlarda reklamasi aylanayotgan Intensive English kitobi bo'yicha ham fikrimni so'rab murojaat qilayoganlar ko'pchilikni tashkil etmoqda. Shuning uchun fikrlarimni bitta postda berib o'tishga qaror qildim. Shunday qilib,

Intensive English qanday kitob?
Ushbu kitob booknomy.uz sayti egalari tomonidan ishlab chiqilgan, 6 oy ichida ingliz tilini faqat eshitish orqali o'rganishni taklif qilayotgan kitob (Bizga avtori ham ma'lum emas).
Ushbu kitob yangi metod asosida deyilayotgan bo'lsa ham birmuncha eski bo'lgan A.J Hoge va Dr. Paul Pimsleur metodlari ga o'xshash. Judayam yangi zamonaviy usulda deb aytolmayman. Kitobning narxi ancha qimmat. O'z narxi 1 200 000 so'm. Aksiya narxi 699 ming deyilgan. Lekin Aksiya o'lgur hech ham tugamaydi, kalendari yangilanib turaveradi. Arzonligida olib qolay deydiganlar ko'p shuning uchun qachon kitob sotib olmoqchi bo'lsangiz 5 kun qoldi 6 kun qoldi aksiya tugashiga deb turaveradi. Taqqoslash uchun Amazon.com saytida ham original, haqiqiy professorlar tomonidan yozilgan kitoblar ham uncha qimmat turmaydi.
Kitob bilan tanishib chiqmoqchi bo'lib o'zlaridan telefon orqali so'radim. Sotib olmoqchi bo'lsangiz qalbingizga quloq soling, namuna ko'rsatolmaymiz deyishdi. Baxtimga hech qancha o'tmay bir kishi elektron varianti bor sotaman deb taklif qilib qoldi. Namuna so'radim. 1nchi darsidan audio va kitob sahifasini yubordi. Audiosini eshitib ko'rdim. Ishga noprofessionallarcha yondashilgan. Audio diktofonda yozilganga o'xshaydi. Ovoz tempi bir xil ko'proq uyquni keltiradi. Kitobni o'zi ham oddiy faqat matn va so'zlardan iborat. O'ziga jalb qiladigan emas. Xullas 1ta darsi bilan tanishib chiqdimu keyin narxiga arzimaydi degan xulosaga keldim. Elektron variantini ham olmadim.
Ushbu kitob kimlar uchundir foydali bo'lishi mumkin. Kimdir qimmat narxga olgandan keyin albatta qunt bilan o'qib samarasini sezgan bo'lishi mumkin. Lekin oddiy grammatika kitoblarini ham qunt bilan o'qib. Har kuni qaysidir inglizcha audiolarni eshitib borsangiz shunda ham samarasini sezaverasiz. Muhimi kitobning arzon-qimmatligi emas. O'rganishga bo'lgan ishtiyoq!
Agar shunchalik effekti kam bo'lsa nega turli xil saytlarda va telekanallarda reklama qilishyapti deyishingiz mumkin. Lekin bir narsani biling, katta-katta saytlarda, televizorda reklama qilindi degani o'sha mahsulot haqiqatdan zo'r degani emas. TV va saytlarda reklama qilish uchun tadbirkorlik guvohnomasi bo'lsa, pulini to'lasangiz, reklama qonunchiligini buzmasa bo'ldi har qanday mahsulotni reklama qilish mumkin.
Yuqoridagi fikrlarimni shaxsiy izlanishlarimdan kelib chiqib yozdim, men sizga kitobni olmang umuman foydasiz demayman. Har qanday kitob ham foydali. Olmoqchi bo'lsangiz fikringizdan qaytarmayman. Lekin fikrlab ko'ring biroz ortga nazar tashlang. 870 mingdan sotilgan 5000 words in a month kitobi nima bo'ldi? Lov etib yondiyu elektroni tarqab puf etib o'chdi. Shunday qimmat kitob tekin bo'lib ketsa ham birov so'ramay qo'ydi. Shunchalik zo'r kitob bo'lganda hamma qidirib topib o'qib yurardi. Lekin shunday bo'lsa ham odamlarimiz haligacha 1985 yilda chiqqan 10-15 minglik R. Murphy kitoblarini afzal ko'rishyapti. Demak kitobni narxi uni qandayligini belgilamaydi!