Новы Час dan repost
Анархіста Змітра Паліенку зноў арыштавалі на 15 сутак
Дзіяна Серадзюк
Змітра Паліенку сёння арыштавалі на чарговыя 15 сутак, паведаміла «Новаму Часу» яго жонка Наста.
«У Дзімы па панядзелках адзнака ў РУУС. У яго віселі па выхаду яшчэ 15 сутак. Вось ён пайшоў на адзнаку, і яго там затрымалі. Ён патэлефанаваў бацьку, паведаміў, што на 15 сутак. Прасіў забраць рэчы яго. Ён пайшоў сабраны адразу, быў гатовы, што "закрыюць". Але, мабыць, рэчы не далі ўзяць», — распавяла Наста Паліенка.
Нагадаем, пазаўчора, 25 ліпеня, актывіст выйшаў на волю пасля 17 сутак, праведзеных у Ізалятары часовага ўтрымання на Акрэсціна. Там ён адбываў 15 сутак за заклік да ўдзелу ў флэшмобе салідарнасці і два дні — у межах яшчэ не заведзенай крымінальнай справы за абразу ганцавіцкага міліцыянта. Аднак у актывіста засталіся яшчэ 15 недаседжаных сутак за парушэнне хатняй «хіміі», а таксама пратакол за непадпарадкаванне міліцыянтам, па якім яшчэ не было суда.
Таксама сёння стала вядома, што на Паліенку не сталі заводзіць крымінальную справу за абразу ў сацсетках ганцавіцкага супрацоўніка міліцыі пасля брутальнага затрымання журналістаў «Ганцавіцкага часу» 20 чэрвеня. Замест гэтага матэрыялы былі накіраваныя ў Першамайскі РУУС Мінска для пачатку адміністрацыйнага працэсу ў адносінах да Змітра Паліенкі па арт. 9.3 КаАП (Абраза).
На думку Насты Паліенка, у арыштах актывіста зрабілі перапынак для таго, каб яго не маглі прызнаць вязнем сумлення.
Дзіяна Серадзюк
Змітра Паліенку сёння арыштавалі на чарговыя 15 сутак, паведаміла «Новаму Часу» яго жонка Наста.
«У Дзімы па панядзелках адзнака ў РУУС. У яго віселі па выхаду яшчэ 15 сутак. Вось ён пайшоў на адзнаку, і яго там затрымалі. Ён патэлефанаваў бацьку, паведаміў, што на 15 сутак. Прасіў забраць рэчы яго. Ён пайшоў сабраны адразу, быў гатовы, што "закрыюць". Але, мабыць, рэчы не далі ўзяць», — распавяла Наста Паліенка.
Нагадаем, пазаўчора, 25 ліпеня, актывіст выйшаў на волю пасля 17 сутак, праведзеных у Ізалятары часовага ўтрымання на Акрэсціна. Там ён адбываў 15 сутак за заклік да ўдзелу ў флэшмобе салідарнасці і два дні — у межах яшчэ не заведзенай крымінальнай справы за абразу ганцавіцкага міліцыянта. Аднак у актывіста засталіся яшчэ 15 недаседжаных сутак за парушэнне хатняй «хіміі», а таксама пратакол за непадпарадкаванне міліцыянтам, па якім яшчэ не было суда.
Таксама сёння стала вядома, што на Паліенку не сталі заводзіць крымінальную справу за абразу ў сацсетках ганцавіцкага супрацоўніка міліцыі пасля брутальнага затрымання журналістаў «Ганцавіцкага часу» 20 чэрвеня. Замест гэтага матэрыялы былі накіраваныя ў Першамайскі РУУС Мінска для пачатку адміністрацыйнага працэсу ў адносінах да Змітра Паліенкі па арт. 9.3 КаАП (Абраза).
На думку Насты Паліенка, у арыштах актывіста зрабілі перапынак для таго, каб яго не маглі прызнаць вязнем сумлення.