“Музычныя партытуры для Марыі Калеснікавай” 🎼Так называецца акцыя салідарнасці, што пачалася 19 сакавіка ў Польшчы. Яе арганізавалі
Настай Някрасава, беларуская музыказнаўца і
Катажына Наліваек, доктарка,выкладчыца Інстытута музыкалогіі Варшаўскага ўніверсітэта.
📩
“У адным з лістоў Марыя напісала, што сумуе па музыцы, і папрасіла даслаць ёй ноты, таму што тады яна зможа прадставіць [музыку] у галаве, — адзначаюць ініцыятары акцыі. — Мы ведаем, што Марыі не дазваляюць граць на [музычным] інструменце, ёй нельга перадаць пасылкі, або пералічыць грошы. Гэты жэст салідарнасці змяняе сітуацыю!”
🎹Ахвотныя падтрымаць палітзняволеную могуць выбраць любы нотны запіс (набыты, альбо з тых, што “ёсць у вас дома”), “сфатаграфаваць вокладку і канверт з адрасам” і апублікаваць у сацыяльных сетках, а таксама адправіць ноты па адрасе 246035, Гомель, вул. Антошкіна, 3, ВК № 4, Марыі Калеснікавай.
6 верасня 2021 года яе прыгаварылі да 11 гадоў калоніі па абвінавачванні ў змове з мэтай захопу ўлады.
Крыніца
тут