STRYZHAK

BYSOLidarity relay атрымаўся!

Зрабілі на выдатна. Дзякуй камандзе і ўсім, хто прыйшоў на наш музычны фэст у падтрымку беларускіх палітвязняў!

Працуем далей! Да новага года яшчэ шмат цікавага :)

IN SOLIDARITY WE TRUST

Мы з качачкай ужо ў LOFTAS і пачынаем наш дабрачынны фэст электроннай музыкі:

- Выдатны сэт з удзелам Aliaksandr Bahdanau і Anastasia Rydlevskaya;
- Аўкцыён з шыкоўнымі лотамі;
- Кола фартуны з прызамі;
- Ежа і пітво.

Гудзім да першай гадзіны начы!

Івэнт арганізаваны ў межах глабальнай эстафеты Voices Across Borders. Сабраныя сродкі пойдуць на дапамогу палітвязням.

ДАПАМАГЧЫ СЯМ’І ВАСІЛЯ ВЕРАМЕЙЧЫКА

Да нас звярнулася сям’я экс-каліноўца, прымусова вывезенага ў Беларусь. Для блізкіх і родных ваяра пачынаецца жыццё ў новым статусе - сям’я вязня дыктатуры.

Заклікаю вас канвертаваць пачуццё бяссіля і немагчымасці хоць нешта зрабіць, у дапамогу сям’і.

Дзякуй усім, хто далучаеццa.

АХВЯРА ЗАЎСЁДЫ АХВЯРА

І чалавек заўсёды адказны за сваё жыццё, учынкі і рашэнні.

1) У студзені 2024 Васіль звярнуўся ў BYSOL па дапамогу і атрымаў вычэрпныя інструкцыі як паводзіцца ва ўмовах прызнання яго пагрозай нацбяспекі Літве. Васілю было рэкамендавана пакінуць ЕЗ і накіравацца ў Грузію. Гэтую рэкамендацыю ён выканаў.

ВАЖНА! Сістэма прызнання пагрозай нацбяспекі пастаянна крытыкуецца з боку праваабаронцаў як недасканалая і мы падтрымліваем і адкрываем зборы на адвакатаў для людзей, што ў законным парадку абскарджваюць такія рашэнні ў літоўскіх судах.

2) У ліпені 2024 Васіль Верамейчык зноў звязаўся з BYSOL ужо з Грузіі, дзе быў праінструктаваны якім чынам ён можа вярнуцца ў ЕЗ і зрабіць спробу легалізацыі. Паўтару. Мы далі яму канкрэтныя механізмы і алгарытмы як ён можа легалізавацца ў ЕЗ. Нажаль, камунікацыя з Васілём перарвалася па ягонай ініцыятыве. Больш ён з намі не звязваўся.

3) Тое, што вядома з медыя. Васіль Верамейчык паспрабаваў уехаць у Польшчу і падацца на абарону. Я не быў на мяжы разам з ім у гэты момант, але ведаю як выглядае працэдура. Польскі бок павінны растлумачыць умовы падачы. Адна з умоваў - утрыманне заяўніка ў лагеры для бежанцаў (не ў турме), КАЛІ Ў ЯГО НЯМА ІНШАГА МЕСЦА ЖЫТЛА ў Польшчы.
Калі б Васіль заставаўся на сувязі з BYSOL, то мог бы прымаць кваліфікаваныя рашэнні ў гэтай сітуацыі. Нажаль, ім было прынятае іншае рашэннне. Цытату пра нежаданне "сядзець з пакістанцамі" я пакіну без каментароў.

4) Дзясяткі разоў і я асабіста і мае калегі па сектары і палітыкі прагаворвалі важнасць спраўджваць бяспечнасць той, ці іншай краіны для візіту/пераезду. Я ўдзячны кожнаму і кожнай хто піша да мяне асабіста і звяртаецца на гарачую лінію фонда @help_bysol (ТГ). З пытаннямі ці варта ехаць у тую, ці іншую краіну. Ёсць выдатны рэсурс pashpart. org, створаны Народнымі амбасадамі у супрацы з Офісам Ціханоўскай. Усе гэтыя інструменты публічныя і даступныя для таго каб прааналізаваць пагрозу бяспецы. Васіль абраў небяспечную краіну для жыцця па ўласнай ініцыятыве.

РЭЗЮМЭ: Кожны чалавек адказны за сваё жыццё. Мы ўсе трапляем у розныя складаныя сітуацыі, часам, такія што падаецца што выйсця няма, але заўсёды можна звярнуцца да тых, хто ведае што і як рабіць. Прымайце рашэнні ўзважана, з улікам досведу іншых людзей, з улікам меркаванняў і практыкі экспертаў.
Падабаюся я, ці BYSOL камусьці, ці не, гэта не прычына адкідваць напрацаваныя намі алгарытымы і механізмы. Мы выслухваем і пры магчымасці дапамагаем усім, хто да нас звяртаецца, не залежна ад таго, як чалавек ставіцца да BYSOL, ці мяне асабіста. Так было, ёсць і будзе заўсёды.

Не літоўская міграцыя, польскія чыноўнікі, віетнамскія паліцэйскія, Стрыжак, ці Ціханоўская, ці хтосьці яшчэ адказныя за вашае жыццё, а вы самі.

Беражыце сябе і будзьце разважлівымі.

Былога каліноўца, затрыманага ў Віетнаме, перадалі лукашыстам.

Запомніце гэты аргумент у спрэчках, ці бяспечна ехаць у розныя спецыфічныя краіны.