РазМова

Беларускі фонд @byprosvet працуе над стварэннем кнігі казак пра знакамітых жанчын у гісторыі Беларусі разам з цэлай камандай аўтараў і ілюстратараў. Кніга плануецца вельмі незвычайная, бо казкі пішуць розныя аўтары, а ілюстрацыі ствараюць розныя мастакі.

Кніга будзе выдадзеная, у тым ліку, за кошт данатаў.

Прачытаць падрабязнасці і зрабіць свой унёсак можна па спасылцы: https://buymeacoffee.com/byprosvet.

А перад вамі чарговая плённая і натхнёная калабарацыя @kasiavadanosava + @konofalskaya_alexandra для гэтай кнігі.
"Эмілія-ваярка" – казка для дзяцей на падставе біяграфіі Эміліі Плятэр з акварэльнымі ілюстрацыямі.

Гэта толькі чарнавік. Вёрстка і праўкі яшчэ наперадзе. Але, як адным з вынікаў года, вельмі хочацца падзяліцца ўжо цяпер.
Спадзяемся, што гэту прыгожую і важную кнігу можна будзе патрымаць у руках і прачытаць цалкам ужо ў наступным годзе.

Асобная падзяка душы гэтага праекта – @hatka_natatki

Крыніца: fb Alexandra Konofalskaya

Косаўскі замак

На працягу некалькіх стагоддзяў уладальнікамі Косава былі розныя знакамітыя сем’і — Храптовічы, Сангушкі, Флемінгі, Чартарыйскія, Сапегі. У 1821 годзе маёнтак набыў Войцех Пуслоўскі, які заснаваў у Косаве фабрыку дываноў, а ў яго ваколіцах пабудаваў або адрамантаваў каля 60 храмаў.

Менавіта Войцех у 1830 годзе распачаў будаўніцтва раскошнага палаца. Пасля маёнтак перайшоў да яго спадчынніка — сына Вандаліна Пуслоўскага, буйнога прамыслоўца і аматара мастацтваў, які працягнуў будаўніцтва палаца.
Палац быў пабудаваны ў 1838 годзе.

Пуслоўскія, узводзячы сваю рэзідэнцыю ў гэтым месцы, звязалі будаўніцтва палаца з суседняй гістарычнай сядзібай, дзе ў 1746 годзе нарадзіўся кіраўнік нацыянальна-вызваленчага паўстання 1794 года генерал Тадэвуш Касцюшка. Палац Пуслоўскіх і старажытная сядзіба Касцюшкаў разам з паркам стварылі ўнікальны палацава-паркавы ансамбль.

Трэці ўладальнік, Леанард Пуслоўскі, прадаў маёнтак за 700 тысяч рублёў, каб пагасіць картэжныя даўгі. Палац быў набыты рускім купцом Аляксандравым, які крыху пазней перапрадаў яго за падвоены кошт княжне Ганне Трубяцкой. Пасля ўладальніцай маёнтка стала княжна Абамалек, а затым — князь Альдэнбургскі.

Падчас Першай сусветнай вайны палац быў разрабаваны і часткова разбураны. У 1944 годзе адбыўся вялікі пажар, арганізаваны мясцовымі партызанамі.

#вандроўкі
#гістарычныя_цікавосткі