Каардынацыйная рада

На Форуме Касцюшкі ў Гданьску спікерка Каардынацыйнай Рады Анжаліка Мельнікава нагадала:

📍 У 1980 годзе польскі рух «Салідарнасць» распачаў барацьбу, што змяніла ход гісторыі. Сёння Беларусь сутыкаецца з такімі ж выклікамі.
📍 Тадэвуш Касцюшка змагаўся за свабоду Беларусі, Польшчы і Літвы – і наша гісторыя знітавана агульнай барацьбой за Незалежнасць.
📍 Сёння, ва ўмовах жорсткіх рэпрэсій, мы зноў вяртаемся да прынцыпу салідарнасці – як унутры беларускага грамадства, так і на міжнароднай арэне.

⚡ Гэты форум – не проста дыскусія, гэта знак падтрымкі. Палітыкі, эксперты і грамадскія дзеячы тут гавораць пра будучыню і пра тое, як мы можам падтрымліваць адно аднаго ў гэтай барацьбе.

Беларусі патрэбна салідарнасць, адзінства дэмакратычных сіл і міжнародная падтрымка. Мы тут, каб паказаць: барацьба працягваецца. І дзень нашай перамогі набліжаецца!

Жыве Беларусь! 🤍❤️🤍

Спікерка Каардынацыйнай Рады Анжаліка Мельнікава распавяла пра вялікае значэнне місіі беларускай дэлегацыі Каардынацыйнай Рады, якая ўпершыню ў гісторыі прадстаўляла нашу краіну ў ПАРЭ і сёння завяршыла сваю працу. Гэта важны крок для міжнароднага прызнання беларускай дэмакратычнай супольнасці і падтрымкі з боку эўрапейскіх партнёраў.

Такія сустрэчы адкрываюць новыя магчымасці для беларусаў. Парламентарыі 46 краін Эўропы аказваюць уплыў на палітыку дзяржаў – сябраў ПАРЭ, што спрыяе ўзмацненню санкцый супраць дыктатарскіх рэжымаў, умацаванню падтрымкі дэмакратычных інстытутаў і грамадзянскай супольнасці. Гэта сведчыць пра тое, што голас свабодных беларусаў гучыць на міжнародным узроўні, і Эўропа застаецца побач у барацьбе за дэмакратыю і правы чалавека ў Беларусі.

Жыве Беларусь! 🤍

Кіраўніца дэлегацыі дэмакратычнай Беларусі ў ПАРЭ Аляксандра Мамаева падзялілася вынікамі працы дэлегацыі ў сесіі Асамблеі, якая праходзіць 27-31 студзеня ў Стразбургу.

Запрашэнне ПАРЭ - выразны сігнал для ўсіх, хто змагаецца за свабоду.

Спікерка Каардынацыйнай Рады Анжаліка Мельнікава выступіла на пленарным пасяджэнні Парламенцкай асамблеі Рады Эўропы:

Спадар Прэзідэнт, Паважаныя Члены Парламенцкай Асамблеі,

Гэта сапраўды ганарова стаяць сёння перад вамі і выступаць ад імя Каардынацыйнай Рады — выбранага прадстаўнічага органа дэмакратычных сіл Беларусі. Дзякуй вам за рашэнне запрасіць нашу дэлегацыю на сесію ПАРЭ. Для нас гэта надзвычай важная матывацыя і выразны сігнал вашай падтрымкі ў нашай барацьбе за свабоду. Вітаю ўсіх вас, а таксама маіх беларускіх калег, у тым ліку кіраўніцу нашай дэлегацыі Аляксандру Мамаеву і лідара большасці Каардынацыйнай Рады, амбасадара Паўла Латушку.

Так званыя прэзідэнцкія “выбары” ў Беларусі не былі ні свабоднымі, ні справядлівымі. Яны парушылі ўсе без выключэння дэмакратычныя стандарты выбарчага працэсу. Сёння ў беларускіх турмах знаходзяцца больш за 1200 палітвязняў, прынамсі сем з іх былі замучаны да смерці. За апошнія гады:
• Усе 11 апазіцыйных партый былі забаронены.
• Больш за 1800 НДА і ўсе незалежныя СМІ былі ліквідаваны.
• Як мінімум 300 000 беларусаў былі вымушаныя з’ехаць у выгнанне.
• Нашых грамадзян, якія пражываюць за мяжой, пазбавілі права голасу на выбарах.

У краіне свядома створана атмасфера страху і тэрору.

У такой сітуацыі абвешчаныя вынікі гэтых так званых “выбараў” не могуць быць прызнаныя. Мы заклікаем вас не прызнаваць гэтае махлярства, адмовіцца ад прызнання легітымнасці Лукашэнкі і рашуча асудзіць гэты фарс. Наша дэлегацыя цалкам падтрымлівае рэзалюцыю Асамблеі, якая заклікае да “Неадкладнай неабходнасці свабодных і справядлівых выбараў у Беларусі.” Я зараз агучваю сумесную пазіцыю Каардынацыйнай Рады, Офіса Святланы Ціханоўскай, Аб’яднанага Пераходнага Кабінета, большасці грамадзянскіх арганізацый і беларусаў унутры краіны, якія працягваюць супраціў рэжыму.

Сёння мы змагаемся за захаванне незалежнасці нашай краіны, якая сутыкнулася з экзістэнцыйнай пагрозай з боку Крамля і ідэалогіі “рускага міру”. Расія актыўна рэалізуе стратэгію неваеннай акупацыі Беларусі. Але мы разумеем, што толькі свабодны народ можа эфектыўна супрацьстаяць пагрозам сваёй суверэннасці.

Немагчыма ўявіць свабодны народ пад кіраваннем злачынцы. Таму адзін з нашых ключавых прыярытэтаў - прыцягненне Лукашэнкі да міжнароднай адказнасці. Ён працягвае здзяйсняць злачынствы супраць чалавечнасці ў дачыненні да беларусаў, а таксама ваенныя злачынствы і акты агрэсіі супраць Украіны. Дэмакратыя пераможа толькі тады, калі адбудзецца справядлівы суд.

Беларускі народ - гэта еўрапейская нацыя. Наша гісторыя і культура - неад’емная частка еўрапейскай гістарычнай спадчыны. Але не менш важна для нас стаць поўнавартаснай часткай еўрапейскай будучыні.

Мы ўдзячныя за вашу салідарнасць і працягнем нашу барацьбу за свабоду, правы чалавека і дэмакратыю.

Дзякуй вам. Жыве Беларусь!

Толькі абранне можа даваць прызнанне

26 студзеня ў Варшаве ў Музеі Вольнай Беларусі адбыўся прэс-брыфінг з удзелам прадстаўнікоў Каардынацыйнай рады і Аб’яднанага пераходнага кабінета на чале з лідаркай дэмакратычных сіл Беларусі Святланай Ціханоўскай.

Спікер КР Анжаліка Мельнікава адзначыла, што дзякуючы штодзённай працы і практычным вынікам Сенат Польшчы прызнаў Каардынацыйную раду Парламентам у эміграцыі. Гэта адкрыла новую главу ў польска-беларускіх адносінах і ўвойдзе ў гісторыю дэмакратычнай Беларусі.

“Мы будзем працаваць далей, каб наблізіць час, калі ў Беларусі адбудуцца сапраўдныя дэмакратычныя выбары,” — падкрэсліла яна.

🔹 Каардынацыйная рада ў ПАРЭ
З Каардынацыйнай радай супрацоўнічаюць не толькі нацыянальныя парламенты, але і міжнародныя структуры. З 27 па 31 студзеня ўпершыню ў гісторыі дэлегацыя КР Беларусі працуе ў Парламенцкай асамблеі Рады Еўропы (ПАРЭ).

Дзесяцігоддзямі рэжым Лукашэнкі спрабаваў трапіць у гэтую структуру, але цяпер менавіта Каардынацыйная рада прадстаўляе голас дэмакратычнай Беларусі.

🔹 Асуджэнне бязвыбараў
Дэмакратычныя сілы рашуча асудзілі бязвыбары, якія адбываліся ў Беларусі, падкрэсліваючы, што рэжым Лукашэнкі не мае легітымнасці.

🔹 Удзельнікі брыфінгу
У прэс-брыфінгу таксама ўзяла ўдзел віцэ-спікерка КР Стася Гліннік, лідэр найбуйнейшай фракцыі Павел Латушка, дэлегаты Каардынацыйнай рады Маргарыта Ворыхава і Валерый Мацкевіч.

Голас дэмакратычнай Беларусі будзе пачуты!

📜 Гістарычны момант для дэмакратычнай Беларусі!

Спікерка Каардынацыйнай рады Анжаліка Мельнікава трымае ў руках дакумент выключнай важнасці, перададзены маршалам Сената Польшчы.

📄 У гэтым дакуменце Польшча афіцыйна заяўляе:
1️⃣ Не прызнае сфальсіфікаваныя выбары ў Беларусі, якія будуць праведзеныя рэжымам.
2️⃣ Прызнае Каардынацыйную раду парламентам у выгнанні і выказвае гатоўнасць супрацоўнічаць з ім.

Гэты крок — не проста палітычны акт, а важны сімвал падтрымкі беларускага народа ў ягоным імкненні да свабоды і дэмакратыі.

🌍 Міжнародная салідарнасць нагадвае: мы не адны ў сваёй барацьбе! Сённяшні дзень — яшчэ адзін крок на шляху да дэмакратычнай будучыні Беларусі.