🥳 Віншуем з міжнародным днём роднай мовы
Сённяшні дзень выбраны не выпадкова, а таму што 21 лютага 1952 г. загінулі пяць студэнтаў, якія змагаліся за наданне бенгальскай мове статусу дзяржаўнай у тагачасным Пакістане, усходняя частка якога пазней стала незалежнай дзяржавай Бангладэш.
У цяперашні час, калі суседняя імперыя ўсё бліжэй да паглынання нашай дзяржаўнасці, вельмі важна захоўваць сваю нацыянальную ідэнтычнасць у выглядзе мовы.
Нездарма адна з першых зменаў, якую зрабіў Лукашэнка на пасадзе прэзідэнта, - гэта наданне расейскай мове статуса дзяржаўнай. Пры гэтым па наш час праводзіцца сістэматычная палітыка русіфікацыі і знішчэння ўсяго нацыянальнага, у першую чаргу мовы.
Падобная сітуацыя адбываецца ў нашых паўднёвых братоў: расейскія захопнікі адразу пасля акупацыі пэўных тэрыторый знішчаюць кнігі мясцовых пісьменнікаў і адмяняюць урокі украінскай мовы.
Таму не забывайцеся на родную мову і ўжывайце яе, як мага больш. Бо мова - наша зброя, якой можа карыстацца кожны!
«
Хто забыў сваіх продкаў ‒ сябе губляе,
Хто забыў сваю мову ‒ усё згубіў».