МЕНСКРАЗАМ!

Каліноўскі і палітычнае нараджэньне Беларусі

⚰️ 22 лістапада 2019 г. у Вільні адбылося ўрачыстае перапахаваньне кіраўніка вызвольнага паўстаньня 1863-1864 гг. Кастуся Каліноўскага і яго паплечнікаў.

Паўстанцаў каралі сьмерцю на Лукіскім пляцы на рынкавай плошчы, іх целы рускія жаўнеры забіралі на Замкавую гару, там стаяў гарнізон імпэратарскіх войскаў. Забітых паўстанцаў хавалі наўпрост там, абліваючы целы вапнаю, Каліноўскі быў апошнім, каго пакаралі сьмерцю ў тыя часы за ўдзел у паўстаньні. Ягонае цела таксама залілі вапнаю і пахавалі там жа, дзе і ягоных хаўрусьнікаў. Хутка на тым месцы паўстала пляцоўка для крыкета.

Хавалі паўстанцаў на тэрыторыі гарнізона адмыслова, каб мясцовыя людзі ня мелі доступу да магілаў і не змаглі стварыць стыхійныя мэмарыялы паўстанцам на месцах пахаваньняў. У 2017 годзе на Замкавай гары ў Вільні распачынаюцца раскопкі масавага пахаваньня пакараных сьмерцю ўдзельнікаў Студзеньскага паўстаньня.

👀 Глядзіце цырымонію пахаваньня Кастуся Каліноўскага.

📕 Чытайце кнігу Каліноўскі і палітычнае нараджэньне Беларусі

@supermova #мова #паўстаньне #лукішкі

Беларусы Вільні на пікеце ля будынку Еўракамісіі ў Літве ў падтрымку і абарону Васіля Верамейчыка, ваяра Палка Каліноўскага, дэпартаванага з В'етнаму ў Беларусь у пастку да катаў лукашэнкі.

Сёння, 22 лістапада, пятая гадавіна дня перапахавання рэшткаў паўстанцаў у 2019, дня, у які беларусы па закліку душы вялізнай калонай з нацыянальнымі сцягамі прайшлі па Вільні падчас урачыстых мерапрыпрыемстваў, дэманструючы гонар і годнасць.

Сёння беларусы заклікаюць "У памяць Каліноўскага абаронім каліноўца, які ваяваў ва Украіне за нашу і вашу свабоду!"

Пасля пікету беларусы ўшанавалі памяць  паўстанцаў на віленскіх могілках Расу ўскладаннем кветак і запальваннем лампадаў.

Падтрымаць сям'ю Васіля "Пацука" Верамейчыка вы можаце праз асабістую карту ягонай жонкі:

LT047300010173692355
Yauheniya Verameichyk
Swedbank LT

https://youtube.com/shorts/u4rSsHM5eSg?feature=shared

​​Цяжка зараз зразумець, якая навучальная ўстанова ў Беларусі найгоршая для сумленных вучняў і студэнтаў. З недзяржаўнымі школамі і ВНУ пацукі ўвесь гэты час вялі паспяховую барацьбу, а ад дзяржаўных зразумела, чаго чакаць. Але вучыцца недзе трэба, і, у прынцыпе, зразумела, як абітурыенты пасля 2020 г абіралі, напрыклад, БДУІР: з аднаго боку, шылін, супрацоўніцтва з сілавікамі (якое прызналі адносна нядаўна) і перспектыва размеркавання на "Агат". А з іншага, цудоўныя студэнты. Усе ж памятаюць прыгожыя відэа з бел-чырвона-белымі аўдыторыямі?

Але хто, хто на цвярозую галаву абярэ для сябе ці для дзіцяці акадэмію МУС?! Увогуле, што за людзі вучацца там? Што за першакурснікі, паслухаўшы ў жніўні 2020 г стогны людзей з Акрэсціна, прыйшлі ў верасні на першую пару?

І вось, не так даўно стала вядома, што 21-гадовага Іллю Нарышкіна, студэнта акадэміі МУС, летам асудзілі на 15 гадоў. Падрабязнасцей няма, але артыкулы такія, па якім судзяць тых, хто хоча ваяваць за Украіну.

Можа, Ілля спадзяваўся давучыцца і працаваць ужо ў вольнай краіне. Можа, ВНУ абралі яго бацькі. Можа, можа... А можа, ён быў тады па-за палітыкай. А потым раптам перастаў.

У большасці людзей ёсць мяжа, якую яны не могуць пераступіць. На нейкія рэчы сумленне дазваляе заплюшчваць вочы, а на нейкія - не. Хтосьці з нас прачнуўся ў 1996 г, хтосьці - у 2020 г, хтосьці - напачатку 2022 г. Кагосьці абудзілі скрадзеныя выбары і здзекі над вязнямі, кагосьці - арыштаваны сын ці ўнук, кагосьці - першы дзень поўнамаштабнай вайны (і можа, кагосьці абудзіць тысячны дзень).

І няхай прапаганда распавядае нам, як беларусы радасна падпісаліся за луку, і народ ператварыўся ў таго хлопца са старога жарту, якому пятля спачатку ціснула, а потым ён прывык. Ніхто не прывык, ніхто не забыў і не дараваў. І людзей, якім абрыдла гэтая ўлада, з кожным днём становіцца не меней, а больш.

Свабоду Іллі Нарышкіну!
Жыве Беларусь!