На фота мы з Аляксандрай Герасіменяй .

Тры гады таму адбыўся “Кубак Мовы”, спартовы фэстываль у Менску. Менавіта той восеньню хваля вяртаньня да Беларушчыны набыла нацыянальны маштаб, моўныя курсы пайшлі ў рэгіёны, адбыліся дні вышыванкі, а камэрцыйныя брэнды пачалі масава выкарыстоўваць арнамэнт і беларускую мову. І з пэўнасьцю магу сказаць, што гэта не была ініцыятыва зьверху, зьлева ці справа. Украінскія падзеі былі магутным стымулам, але не адзінай прычынай той “моды” на беларускае. Ёй прарочылі скон, як і любой модзе, але вось тры гады, і пік яшчэ не дасягнуты.

Пад ціскам нават улады пачалі нешта рабіць, нягегла і ляніва, пакуль толькі фармальныя крокі. Трэба дабівацца заканадаўчых зьменаў, беларусізацыі школаў, справаводзтва і тэлеканалаў, легалізацыі бел-чырвона-белага сьцяга.