Адчуваеце гонар за краіну? За людзей краіны? Мы адчуваем ❤️
Падводзім вынікі трэцяга марафону агучвання🔥
Быў у нас Дзень роднай мовы, а цяпер – 2 месяцы роднай мовы, і за гэты час:
✅ Прынялі ўдзел: 3683 донараў беларускай мовы!
✅ Агучана: 425 гадзін, што складае 306'192 сказы (так, гэта не памылка, трыста шэсць тысяч сто дзевяноста два!).
✅ Паўдзельнічалі донары з 285 раёнаў!
🌟 Па выніку 3х марафонаў у нас ёсць
1596 гадзін агучаных сказаў!
Самы беларускі раён – гэта
Рагачоўскі раён! А ТОП-10 выглядае падобным чынам:
🥇 Беларусь / Рагачоў (19022 агучана / 59995 праверана сказаў)
🥈 Мінск / Усход (9956 агучана / 43826 праверана)
🥉 Мінск / Харкаўская (17230 агучана / 26208 праверана)
4. Мінск / Серабранка
5. Мінск / Малінаўка
6. Віцебск / Кастрычніцкі раён
7. Гродна / Дзевятоўка
8. Беларусь / Маладзечна
9. Мінск / Курасоўшчына
10. Беларусь / Ліда
☝️ У сувязі з каронавірусам значкі ў гэтым годзе будзем перадаваць поштай. Калі вы ў ТОП-150 у агучванні ці праслухоўванні, то спасылка для запаўнення формачкі для вас з'явіцца на галоўнай старонцы
donar.by. Прыватнасць – гэта наш клопат №1. Калі вы ў двух ТОПах – то, як і ў мінулыя марафоны, атрымаеце 2 значкі!
🤝 Акрамя таго, усе ўдзельнікі сёлетняга марафона, хто агучыў больш за 100 сказаў ці 200 сказаў праверыў, атрымліваюць віртуальны значок на аватарку, якая абновіцца цягам дня!
І... не разбягаемся. Марафон завершыўся, але вы яшчэ можаце:
👉 правяраць і агучваць сказы. Відавочна, нашым донарам больш падабаецца агучваць, і таму засталося 176 гадзін неправераных сказаў.
👉 Для дзядзькі Якуба яшчэ можна даагучыць 60 гадзін вершаў.
👉 Яшчэ не ўсе раёны акрэсленыя. Можаце дапамагчы і суседнім раёнам, калі ў іх няма мапы.
😍 Беларусы любяць сваю мову, шануюць яе і... размаўляюць на ёй! А дзякуючы галасам, што мы сабралі з розных раёнаў, нават іншапланецяне пасля тысячагоддзяў даведаюцца, як гучала і гродзенская Дзевятоўка, і мінская Курасоўшчына!
🎉 Каманда
@say_by віншуе ўсіх удзельнікаў з завяршэннем марафону агучвання №3! Спадзяёмся, вам спадабалася!
