Калі сустракаюцца дзве рукі,
Як з нотай у песні нота,
Будуецца мост над прорвай ракі,
Імя якой – адзінота.
Калі датыкаюцца губы да губ
На досвітку ў сінім завулку,
Бяздомнае шчасце закладвае зруб
Для заўтрашняга прытулку.
– Любіце?
– Любім!
– Любіш?
– Люблю!
Любоўю сусвет заселены.
Аддайце ж хутчэй закаханым зямлю,
Як падарунак вясельны!
Як з нотай у песні нота,
Будуецца мост над прорвай ракі,
Імя якой – адзінота.
Калі датыкаюцца губы да губ
На досвітку ў сінім завулку,
Бяздомнае шчасце закладвае зруб
Для заўтрашняга прытулку.
– Любіце?
– Любім!
– Любіш?
– Люблю!
Любоўю сусвет заселены.
Аддайце ж хутчэй закаханым зямлю,
Як падарунак вясельны!