Новы Час

Юлію Чарняўскую пакінулі пад хатнім арыштам

Следства не змяніла меру стрымання ўдаве Юрыя Зісера Юліі Чарняўскай, якая знаходзіцца пад хатнім арыштам па «справе TUT.BY». Пра гэта паведаміла Zerkalo.io яе адвакат.

Хадайніцтва аб змене меры стрымання абарона падала 6 ліпеня. Адвакат прапаноўвала адпусціць Юлію Чарняўскую з-пад хатняга арышту пад даручальніцтва і падпіску аб нявыездзе. Да гэтага часу пісьмовага адказу на адрас абароны не паступіла.
Чытаць далей: https://novychas.by/hramadstva/juliju-czarnjauskuju-pakinuli-pad-hatnim-arysztam

Што вядома пра «справу аб падрыве ў ВІлейцы»?

«Дзясяткі затрыманых, забіраюць усіх, хто хоць нечым падазроны». «Свабода» разбіраецца, што чуваць пра гучную справу.

2 ліпеня Лукашэнка заявіў, што ў Беларусі «спрабавалі падарваць расійскую вайсковую базу пад Вілейкай». Ён жа назваў некалькі прозвішчаў затрыманых: Гулевіч, Ашурак, Глотаў, Гаспадароў.
Чытаць далей: https://novychas.by/hramadstva/szto-vjadoma-pra-spravu-ab-padryve-u-vilejcy

Удава Аляксандра Тарайкоўскага: Я буду змагацца за імя майго мужа і дзеля справядлівасці

Выканаўца абавязкаў начальніка галоўнага ўпраўлення працэсуальнага кантролю Следчага камітэта Віталь Мірашнічэнка даў адказ на чарговую скаргу Алены Герман — удавы Аляксандра Тарайкоўскага, забітага 10 жніўня 2020 года ў Мінску падчас масавых акцый пратэсту.

Жонка забітага ў чарговы раз прасіла следства прадаставіць копію пастановы аб адмове ва ўзбуджэнні крымінальнай справы па факце гібелі Аляксандра Тарайкоўскага, правесці службовую праверку ў дачыненні да службовых асоб Следчага камітэта, а таксама вярнуць родным рэчы, у якіх Аляксандр Тарайкоўскі знаходзіўся ў момант сваёй гібелі.

Чытаць далей: https://novychas.by/hramadstva/udava-aljaksandra-tarajkouskaha-ja-budu-zmahacca

Ігар Ільяш: Ягор Марціновіч быў душой нашай камеры

Журналіст «Белсата» Ігар Ільяш выйшаў на волю 26 ліпеня пасля 10 сутак на Акрэсціна. Ён застаецца фігурантам крымінальнай справы па артыкуле 342 КК. У зняволенні Ігар сядзеў у адной камеры разам з галоўрэдам «Нашай Нівы» Ягорам Марціновічам.

«Мяне затрымалі раніцай 16 ліпеня: пачалі грукаць у дзверы, я адкрыў, заляцела шэсць чалавек. Гэта быў ГУБАЗ, паказалі пастанову на ператрус. Вынікі яго, думаю, многія бачылі на праўладных каналах: сілавікоў вельмі зацікавіла мая бібіліятэка, асабліва кнігі пра гісторыю Трэцяга Рэйха. Хаця гэта абсалютна навуковая літаратура, дзе выкрываюцца злачынствы Гітлера і нацыстаў, — расказвае Ільяш. — Мяне не білі, не было кайданкоў, паводзілі сябе ветліва. Неадэкватны супрацоўнік быў толькі адзін, які ўжо пасля мацюкаўся ў мой бок, абяцаў, што будзе біць.
Чытаць далей: https://novychas.by/hramadstva/ihar-iljasz-jahor-marcinovicz-byu-duszoj-naszaj-k

Заўтра працягнуць судзіць Сцяпана Латыпава

У аўторак, 27 ліпеня, у 10.30 у судзе Савецкага раёна Мінска адновіцца разгляд крымінальнай справы супраць палітвязня Сцяпана Латыпава, паведамляюць праваабаронцы.

Перапынак у судзе быў зроблены 10 чэрвеня на час правядзення стацыянарнай судова-псіхіятрычнай экспертызы. Яе прызначылі пасля таго, Як 1 чэрвеня Латыпаў прама ў клетцы ў зале суда праткнуў сабе горла ручкай. Перад гэтым ён заявіў, што супрацоўнікі ГУБАЗіК пагражалі завесці крымінальныя справы ў дачыненні да яго сваякоў і суседзяў, калі ён не прызнае віну.
Чытаць: https://novychas.by/hramadstva/zautra-pracjahnuc-sudzic-scjapana-latypava

СМІ: Дыспетчар, які садзіў самалёт з Пратасевічам, з’ехаў разам з сям’ёй

Як стала вядома «Нашай Ніве» ад некалькіх дыспетчараў «Белаэранавігацыі», разам з сям’ёй з Беларусі з’ехаў дыспетчар, які меркавана вёў перамовы з пілотам Rynair рэйса Афіны-Вільня, на борце якога знаходзіўся Раман Пратасевіч.

Дыспетчар Алег Галегаў жыў у Мінску разам з сям’ёй, цягам некалькіх дзён журналістам не ўдалося дазваніцца да яго па хатнім тэлефоне. У «Белаэранавігацыі» ён працаваў як мінімум з 2010 года. На пачатку ліпеня павінен быў пасля адпачынку выйсці на змену, яго прозвішча стаяла ў раскладзе дзяжурстваў, але калегі яго так і не ўбачылі.
Чытаць далей: https://novychas.by/hramadstva/dyspetczar-jaki-sadziu-samaljot-z-prataseviczam

Палітолага Валерыю Касцюгову вінавацяць па тых жа артыкулах, што Калеснікаву, Зяньковіча і Фядуту

Ёй пагражае да 12 гадоў.
30 чэрвеня сілавікі прыйшлі па экспертку Валерыю Касцюгову. Быў ператрус, пасля Касцюгову змясцілі на Акрэсціна, затым — Валадарка. І ўвесь гэты час не было інфармацыі, па якой справе праходзіць экспертка. Нарэшце, стала вядома: Касцюгову вінавацяць у закліках і змове па захопу ўлады.
Чытаць далей: https://novychas.by/hramadstva/palitolaha-valeryju-kascjuhovu-vinavacjac-pa-tyh-z

Генпракуратура працягвае захады, каб прызнаць бел-чырвона-белы сцяг экстрэмісцкім

Генеральны пракурор Беларусі Андрэй Швед паведаміў БелТА, што ягонае ведамства сабрала новыя пацверджанні таму, што бел-чырвона-белую сімволіку нібыта выкарыстоўвалі падчас Другой сусветнай вайны карныя батальёны як абавязковы элемент уніформы.

«Мы завяршаем рыхтаваць матэрыялы для звароту ў Вярхоўны суд з мэтай прызнання гэтага палатна экстрэмісцкай сімволікай», — праінфармаваў кіраўнік Генеральнай пракуратуры.
Чытаць: https://novychas.by/hramadstva/henprakuratura-pracjahvae-zahady-kab-pryznac-bel

Вызваленая журналістка Студзінская расказала пра галадоўку, сукамерніц і катаванне музыкай на Акрэсціна

Раніцай 26 ліпеня пасля 10 дзён арышту выйшла на волю Іна Студзінская. Яна расказала «Белсату», што адчувае сябе нармальна, а турма была «не такой страшнай, як яе малююць». Ёй не выставілі абвінавачвання, пакінулі ў статусе падазраванай. Допыту ў следчага не было. Далі падпісаць толькі абавязальніцтва аб яўцы ў Следчы камітэт. Падпіску аб неразгалошванні яна не падпісвала. Ёй пакуль не вярнулі тэхніку.

Умовы на Акрэсціна для «палітычных» жорсткія: матрацаў і бялізны не давалі, даводзілася спаць на голых шконках, яскравае святло і днём, і ноччу. Турэмную баланду «есці немагчыма».

«Катавалі музыкай: «Саня останется с нами», «Любимую не отдают», гімн, — пералічвае Студзінская. — Але там было проста бальзам на душу: дзве песні Данчыка! Музыка вельмі гучная».
https://novychas.by/hramadstva/vyzvalenaja-zurnalistka-studzinskaja-raskazala-pra

‼️Ад ПЭН-цэнтра да абʼяднання літоўцаў «Віціс». Каля 20 арганізацыяў ліквідуюць праз суды

Няўрадавыя арганізацыі, якія маюць статус установаў, пасля заяў Лукашэнкі ліквідуюць адміністрацыйным чынам, а грамадскія арганізацыі — у судах.

29 ліпеня будуць разглядаць пазовы ГУЮ Мінгарвыканкама аб ліквідацыі:

▪️інфармацыйна-асветніцкага фонду «Сетка развіцця бізнесу»;
▪️мясцовага фонду развіцця «Новая эканамічная стратэгія»;
▪️грамадзкіх абʼяднанняў — «Зялёная эканоміка»;
▪️«Дыярыуш»;
▪️«Абарона правоў спажыўцоў «Садружнасць».

30 ліпеня будуць разглядаць ліквідацыю:

▪️мясцовага экалагічнага фонду «Экалагічны транспарт»;
▪️абʼяднання літоўцаў «Віціс»;
▪️сацыяльнага фонду «Дабро»;
▪️мінскага гарадскога грамадскага абʼяднання «Сінтэз развіцця чалавека»;
▪️грамадскай арганізацыі «Моладзевы адукацыйны цэнтр „Фіальта“»;
▪️мінскага гарадскога культурна-асветніцкага грамадскага абʼяднання палякаў Беларусі «Паланічка».

30 ліпеня гарадскі суд разгледзіць пазоў аб прыпыненні дзейнасці моладзевага грамадскага абʼяднання «Моладзевая ініцыятыва».

У Вярхоўным судзе 27 ліпеня будзе разгляд пазову Міністэрства юстыцыі да праваабаронча-асветніцкага грамадскага абʼяднання «Рух „За Свабоду“».

На 30 ліпеня прызначана пасяджэнне аб пазове міністэрства да рэспубліканскага грамадскага абʼяднання «Прававая ініцыятыва».
https://novychas.by/hramadstva/ad-pen-centra-da-ab-jadnannja-litoucau-vicis-ka

У Беларусі завялі больш за 4200 крымінальных спраў, звязаных з экстрэмізмам і тэрарызмам

Пра гэта заявіў генпракурор Беларусі Андрэй Швед.
«На сённяшні дзень распачата больш за 4200 крымінальных спраў, звязаных з гэтымі антыграмадскімі праявамі. У суды ўжо накіравана 803 крымінальныя справы ў дачыненні да 1116 чалавек, разгледжана 704 крымінальных спраў у дачыненні да 955 асобаў», — цытуе Шведа БелТА.
Чытаць далей: https://novychas.by/hramadstva/u-belarusi-zavjali-bolsz-za-4200-kryminalnyh-sprau

Наталлю Хершэ трымаюць адну ў камеры. Угаворваюць напісаць прашэнне аб памілаванні

Наталля Хершэ, асуджаная за сарваную балаклаву, амаль два месяцы правяла ў штрафным ізалятары ў калоніі, дзе нават не выдаюць пасцельную бялізну. Так яе пакаралі за адмову шыць форму сілавікам і іншыя парушэнні. Цяпер яе перавялі ў камеру, дзе яна сядзіць адна. І ўгаворваюць пісаць прашэнне аб памілаванне на імя Лукашэнкі
Цяпер Наталля знаходзіцца ў памяшканні камернага тыпу. Гэта камера з больш строгім рэжымам утрымання.
Чытаць далей: https://novychas.by/hramadstva/natallju-hersze-trymajuc-adnu-u-kamery-uhavorvaju

10 гадоў калоніі за падпал танка, які Мінабароны назвала фэйкам

Сёння, 26 ліпеня, у судзе Фрунзенскага раёна Мінска агучылі прысуд па крымінальнай справе па ч. 1 арт. 289 Крымінальнага кодэкса (акт тэрарызму) супраць 26-гадовага мінчука Ягора Міхайлава. Яго абвінавацілі ў падпале танка Т-72 на чыгуначнай станцыі ў Сцяпянцы шляхам кідка ў яго «кактэйля Молатава» з надпісам «ОГСБ» уначы 31 студзеня.
Відэа палаючага танка з'явілася ў інтэрнэце ў пачатку лютага, але дзяржСМІ назвалі яго фэйкам, а Мінабароны прадэманстравала непашкоджаны і цэлы танк. Па версіі абвінавачвання, у выніку дзеянняў Міхайлава ўзнікла "аб'ектыўная небяспека гібелі людзей", хаця патрулюючыя вайскоўцы ў ноч падпалу нават не заўважылі ўзгарання.
Чытаць далей: https://novychas.by/hramadstva/10-hadou-kalonii-za-padpal-tanka-jaki-minabarony

«Мы абавязкова пераможам. Нікуды мы ад гэтага не падзенемся»

Святлана Ціханоўская сустрэлася з нью-ёркскай беларускай дыяспарай у парку на фоне Статуі Свабоды і выспы Эліс. Беларусы-эмігранты ўбачылі чалавека, за якога год таму аддалі большасць галасоў на прэзідэнцкіх выбарах, у выпадку прыходу да ўлады многія з іх, верагодна, вярнуліся б дадому. Аднак, у большай ступені гэта была сустрэча з марай і надзеяй, а не палітычнае мерапрыемства, піша «Голас Амерыкі».
Роўна год таму невялікая група беларускіх актывістаў-добраахвотнікаў самаарганізавалася для маніторынгу выбараў у нью-ёркскім консульстве Рэспублікі Беларусь. З неверагоднай цяжкасцю атрымалася прызначыць назіральнікаў і арганізаваць незалежны экзітпол. Усяго ў Нью-Ёрку прагаласавалі каля тысячы чалавек. З іх больш за 95 адсоткаў аддалі галасы за жонку палітвязня-блогера Святлану Ціханоўскую. Калі ноччу каля консульства аб'яўлялі вынікі, атмасфера была як на футбольным чэмпіянаце, калі перамагае любімая каманда.
Чытаць далей: https://novychas.by/zamezza/my-abavjazkova-peramozam-nikudy-my-ad-hetaha-ne

Журналіста Пачобута не выпусцілі з турмы пасля скаргі

Журналіст Анджэй Пачобут падаваў скаргу, каб яму змянілі меру стрымання і выпусцілі з-пад варты. Суд Партызанскага раёна Мінска не задаволіў ягоную скаргу. Паседжанне прайшло 23 ліпеня, паведамляе

«Спрабую зразумець: пад варту Анджэя ўзялі, каб ён не мог збегчы з краіны і схавацца ад правасуддзя. Адначасна яму прапаноўвалі выехаць з Беларусі ў адзін канец (то-бок схавацца назаўсёды), але ён адмаўляецца. Тым не меней, скаргу на ўзяцце пад варту не задаволілі, каб ён не схаваўся. Такое вось „лагічнае“ кола», — пракаментавала сітуацыю жонка Анджэя Аксана Пачобут.
Чытаць далей: https://novychas.by/hramadstva/zurnalista-paczobuta-ne-vypuscili-z-turmy-paslja-s

22 ліпеня ў Беларусі было ліквідавана як мінімум 56 арганізацый

Праваабарончы цэнтр «Вясна» на сваім сайце публікуе поўны спіс ліквідаваных НДА. Як адзначаюць праваабаронцы, спіс абнаўляецца.

У сваю чаргу, па звестках «Беларускай асацыяцыі журналістаў», 23 ліпеня 48 некамерцыйных грамадскіх арганізацый даведаліся, што былі без папярэджання ліквідаваныя ўладамі. Як аказалася, зрабіць гэта даволі проста — выканкамы могуць самастойна ліквідаваць любую зарэгістраваную ім юрыдычную асобу. А вось з грамадскімі аб'яднаннямі складаней — Мінюст павінен звярнуцца ў суд, каб закрыць іх.

Праваабарончы цэнтр «Вясна» на сваім сайце публікуе поўны спіс ліквідаваных НДА. Як адзначаюць праваабаронцы, спіс абнаўляецца.

У сваю чаргу, па звестках «Беларускай асацыяцыі журналістаў», 23 ліпеня 48 некамерцыйных грамадскіх арганізацый даведаліся, што былі без папярэджання ліквідаваныя ўладамі. Як аказалася, зрабіць гэта даволі проста — выканкамы могуць самастойна ліквідаваць любую зарэгістраваную ім юрыдычную асобу. А вось з грамадскімі аб'яднаннямі складаней — Мінюст павінен звярнуцца ў суд, каб закрыць іх.
https://novychas.by/hramadstva/22-lipenja-u-belarusi-bylo-likvidavana-jak-minimum

Валер Карбалевіч: Пасіянарны выбух 2020 года — форма нацыянальна-вызвольнага руху

Радыё Свабода звярнулася да 21 беларускага інтэлектуала з просьбай падзяліцца бачаннем і разуменнем падзеяў 2020 года, адказаць у шырокім сэнсе на пытанне «Што гэта было?». Сёння вашай увазе — адказы палітолага Валера Карбалевіча.
Чытаць далей: https://novychas.by/hramadstva/valer-karbalevicz-pasijanarny-vybuh-2020-hoda-f