-

👨👩 У Беларусі на кожныя два шлюбы прыходзіцца адзін развод. За гэтымі лічбамі нярэдка хаваюцца трагічныя гісторыі.

Многія чулі гісторыю Ігната Шымановіча — хлопчыка, які больш за год не мог вучыцца ў школе. Дайшло нават да таго, што яго забралі ў прытулак. Усё з-за працяглых разборак паміж бацькам і маці. Па рашэнню суда Ігнат павінен жыць з мамай. Але ён кажа, што не хоча, і нават адмаўляецца называць яе мамай. Як да гэтага дайшло? У студыі ток-шоу “Кожны з нас” бацькі — Таццяна і Дзмітрый Шымановіч — распавядаюць свае версіі гісторыі.

Іншая гераіня праграмы, жыхарка Жодзіна Вольга Крывальцэвіч, падала на развод, не вытрымаўшы гвалт з боку мужа. Цяпер яна жыве ў бацькоў разам з цяжкахворай дачкой, якая патрабуе штогадзіннага дагляду. Апеку над старэйшай дачкой суд перадаў былому мужу, які, па словах жанчыны, цяпер цісне на дзіця і не дазваляе ёй бачыцца з мамай.

Калі бацькі развязваюць вайну, некаторыя судовыя рашэнні выглядаюць суб’ектыўнымі і нават кашчуннымі. Ёсць меркаванне, што гэтая праблема — міжнародная, і дзіцячыя лёсы ламаюцца такім чынам паўсюль. У чым праблема і яе вырашыць? Поўны выпуск праграмы можна паглядзець тут: ⬇️
https://belsat.eu/programs/yana-zrobits-z-myane-invalida-yak-daroslyya-psuyuts-dzetsyam-zhytstsyo/

📢 Чаму многія апазіцыйныя палітыкі ўдзельнічалі ў выбарах-2019, хоць у адзін голас сцвярджаюць, што выбараў няма?
Віталь Рымашэўскі, Юрый Губарэвіч і Алена Анісім салідарныя ў меркаванні, што гэта спосаб павялічыць кола прыхільнікаў, легальна давесці народу сваю пазіцыю. У тым ліку, пры дапамозе тэледэбатаў і легальных пікетаў.

💬 У адказ палітолаг Андрэй Ягораў называе гэтыя аргументы дэмагогіяй. Кажа, што палітыкі такім чынам дапамагаюць легітымізаваць Палату прадстаўнікоў. А таксама намякае, што эфектыўна пашыраць свае погляды ў 2019 годзе можна пры дапамозе сучасных тэхналогій, напрыклад, сацсетак. Дыскусія пераўтвараецца ў пікіроўку.

🤳🏻 Незалежныя назіральнікі, якія пабылі на выбарах, апавядаюць гісторыі датычна магчымых фальсіфікацый. Тэхналогіі не такія ўжо і мудрагелістыя. Ніякіх скрыняў з двайным дном. Каб напісаць яўку ў 77%, патрэбны ўсяго толькі спрытны старшыня і “правільныя” чальцы ў выбарчай камісіі, лічаць госці студыі.

✔️ Дарэчы, пра яўку. Ток-шоу “Кожны з нас” правяло ў сацсетках ананімную апытанку, у якой прынялі ўдзел каля 9000 абсалютна выпадковых беларусаў узростам ад 30 да 65 год. Згодна з вынікамі, з іх на выбарах прагаласавалі нямногім больш за 24%. Не галасавалі каля 75%.
❓Што рабіць з усім гэтым

Поўны выпуск праграмы можна паглядзець тут ⬇️
https://belsat.eu/programs/geta-nechystaplotny-tsyrk-shto-lyudzi-dumayuts-pra-parlament/

На гэтым відэа — тыя самыя цынкавыя труны часоў вайны ў Афганістане. Гэта апошняя вайна, у якой беларусы масава бралі ўдзел. Прайшло 40 год ад пачатку Афгана і амаль 30 год ад вываду савецкіх войскаў.

У Афганістан адправілі блізу 29000 беларусаў. 771 чалавек загінуў, 12 прапалі без вестак. Тысячы атрымалі раненні і калецтвы. У студыі ток-шоу “Кожны з нас” — мамы, жонкі і дзеці загінулых, а таксама беларусы, якія ваявалі ў Афганістане, траплялі ў самае пекла трагічных падзеяў.

Новы выпуск прысвечаны гэтай вайне — страшнай і бессэнсоўнай для беларусаў. Поўную версію можна паглядзець тут ⬇️
https://belsat.eu/programs/parazrazali-zhyvaty-paadrazali-genitalii-strashnaya-prauda-pra-vajnu-u-afganistane/

❕❗️❕22 лістапада 2019 года адбылося ўрачыстае пахаванне Кастуся Каліноўскага і іншых слаўных удзельнікаў Паўстання 1863 года!

У студыі ток-шоу "Кожны з нас" — меркаваныя сваякі Кастуся Каліноўскага! Яны дзеляцца цікавінкамі свайго радавода і распавядаюць, як гэта — жыць пад прозвішчам нацыянальнага героя! Юлія Кузьміцкая — прапрапраўнучка Абрагама Каліноўскага, меркаванага дзядзькі Кастуся, тлумачыць вольны і непакорны характар чальцоў іх сям'і менавіта верагодным радством з легендарным паўстанцам!

Паўстанне 1863 года — гэта дзясяткі і сотні выбітных беларускіх асобаў! На праграме гісторыкі Васіль Герасімчык, Язэп Янушкевіч і Аляксей Кайрыс называюць славутыя імёны паўстанцаў, распавядаюць пра іх лёсы і подзвігі, а таксама ўзгадваюць гістарычныя мясціны, якія можа наведаць кожны беларус.

Поўны выпуск можна паглядзець тут ⬇️
https://belsat.eu/programs/u-belarusi-znajshlisya-merkavanyya-svayaki-kalinouskaga/

🏍 🚗 🚌 Беларус Васіль Цярэшка калекцыянуе рэтратранспарт, мае больш за 40 адзінак тэхнікі! Першы беларускі матацыкл “Нёман”, “Мэрсэдэс” і “Опель” 30-х гадоў, савецкія “Пабеда” і “Запарожац”, аўтобусы, джыпы і грузавікі...

Новы выпуск ток-шоу “Кожны з нас” прысвечаны незвычайным калекцыям беларусаў! Поўную версію можна паглядзець тут ⬇️
https://belsat.eu/programs/mersedes-1934-goda-charnila-balaunitsa-dy-5000-hakejnyh-shajbau-tsikavyya-i-nezvychajnyya-kalektsyi-belarusau/

✏️ p.s. калі сярод вас ёсць зацятыя калекцыянеры — пішыце нам у тг @koznyznas_kantakt ці на пошту koznyznas@gmail.com!