Forward from: Новы Час
«З цывільнай машыны выскачылі трое ў масках і загадалі сядаць». Як затрымлівалі абаронцаў Курапатаў.
Дзіяна Серадзюк
У аўторак, 10 лістапада, пасля 10-дзённага арышту з Цэнтра ізаляцыі правапарушальнікаў на Акрэсціна выйшаў удзельнік Курапацкай варты Рыгор Асаула.
Удзельнікаў варты абароны Курапатаў Рыгора Асаулу, Ганну Шапуцьку і Віктара Шапуцьку затрымалі ў суботу, 31 кастрычніка, каля рэстарана «Поедем поедим» ля Курапатаў. Актывісты штотыдзень стаяць там разам па суботах, і да гэтага іх ніхто не затрымліваў.
— Пад’ехала цывільная машына на нас на хуткасці, а потым з яе — раз! — трое ў масках. Усё, пайшлі ў машыну, нават пікнуць не паспелі. Пазваніць нікому не дазволілі, толькі Ганна паспела набраць дачцэ, — узгадвае Рыгор Асаула.
Абаронцаў Курапатаў прывезлі ў Савецкі РУУС Мінска. Паводле Рыгора Асаулы, стаўленне ў міліцыі да затрыманых не было жорсткім фізічна, але іх стараліся маральна прынізіць.
— Біць не білі, але ў РУУСе спрабавалі даказаць, якія мы скаты. У міліцыянтаў тэлевізар у галаве. Казалі, што мы іх пазабіваем, — гаворыць Рыгор.
Абаронцам Курапатаў сказалі, што ў міліцыю патэлефанавалі з рэстарана. На ўдзельнікаў Варты склалі па два пратаколы: за ўдзел у пікетаванні на 51-м кіламетры МКАД і за непадпарадкаванне супрацоўнікам міліцыі. Праўда, пазней другі пратакол знялі: суд удалося пераканаць у тым, што аказваць супраціў міліцыянтам было проста немагчыма. Ды й «сведкі» на працэсе былі зусім не тыя, якія затрымлівалі пікетоўцаў рэстарана.
Праз некаторы час вязняў прывезлі на Акрэсціна. Тут Рыгор сустрэў цікавых людзей, сярод якіх — нават доктара, які 6 гадоў назад лячыў яму нагу.
Па словах Рыгора, вязняў на Акрэсціна «ўтрамбавалі» перад нядзельным маршам: у камеру на 8 чалавек напхнулі 16.
Чытаць далей
Дзіяна Серадзюк
У аўторак, 10 лістапада, пасля 10-дзённага арышту з Цэнтра ізаляцыі правапарушальнікаў на Акрэсціна выйшаў удзельнік Курапацкай варты Рыгор Асаула.
Удзельнікаў варты абароны Курапатаў Рыгора Асаулу, Ганну Шапуцьку і Віктара Шапуцьку затрымалі ў суботу, 31 кастрычніка, каля рэстарана «Поедем поедим» ля Курапатаў. Актывісты штотыдзень стаяць там разам па суботах, і да гэтага іх ніхто не затрымліваў.
— Пад’ехала цывільная машына на нас на хуткасці, а потым з яе — раз! — трое ў масках. Усё, пайшлі ў машыну, нават пікнуць не паспелі. Пазваніць нікому не дазволілі, толькі Ганна паспела набраць дачцэ, — узгадвае Рыгор Асаула.
Абаронцаў Курапатаў прывезлі ў Савецкі РУУС Мінска. Паводле Рыгора Асаулы, стаўленне ў міліцыі да затрыманых не было жорсткім фізічна, але іх стараліся маральна прынізіць.
— Біць не білі, але ў РУУСе спрабавалі даказаць, якія мы скаты. У міліцыянтаў тэлевізар у галаве. Казалі, што мы іх пазабіваем, — гаворыць Рыгор.
Абаронцам Курапатаў сказалі, што ў міліцыю патэлефанавалі з рэстарана. На ўдзельнікаў Варты склалі па два пратаколы: за ўдзел у пікетаванні на 51-м кіламетры МКАД і за непадпарадкаванне супрацоўнікам міліцыі. Праўда, пазней другі пратакол знялі: суд удалося пераканаць у тым, што аказваць супраціў міліцыянтам было проста немагчыма. Ды й «сведкі» на працэсе былі зусім не тыя, якія затрымлівалі пікетоўцаў рэстарана.
Праз некаторы час вязняў прывезлі на Акрэсціна. Тут Рыгор сустрэў цікавых людзей, сярод якіх — нават доктара, які 6 гадоў назад лячыў яму нагу.
Па словах Рыгора, вязняў на Акрэсціна «ўтрамбавалі» перад нядзельным маршам: у камеру на 8 чалавек напхнулі 16.
Чытаць далей