⛸ Каток пачалі ўкладваць каля галоўнай навагодняй ёлкі Брэста

Каток будзе са штучным пакрыццём. У цэнтры красуецца галоўная навагодняя ёлка абласнога цэнтра. Спецыялісты Брэсцкага ДЭП прыступілі да мантажу канструкцый.

У цэлым Брэст упрыгожаць каля 30 вялікіх елак. Сваімі шарамі і агеньчыкамі яны будуць радаваць мінакоў у ажыўленых месцах і ў мікрараёнах. Анансавана, што агні на галоўнай ёлцы запаляцца 20 снежня.

Камунальныя службы займаюцца ўпрыгожваннем розных лакацый. Гараджан і гасцей абяцаюць здзівіць навінамі ў афармленні (падсветкай, інсталяцыямі), а таксама прапановамі для забавы і пачастункі.

zviazda.by