Беларуска трапіла на традыцыйны вясельны абрад у Кітаі, але не ў якасці гледача 💫

Кітаец Цянь Цзюнь з правінцыі Хунань працаваў мадэльным агентам і праз працу пазнаёміўся з будучай жонкай Намэй — так зараз клічуць беларуску, якая прыехала ў Паднябесную, каб зрабіць кар’еру мадэлькі.

Першапачаткова яны ажанілася яшчэ чатыры гады таму, але зараз вырашылі ўзяць удзел у традыцыйным кітайскім масавым вяселлі ў цэнтры горада Чанша. Апроч іх былі яшчэ 48 пар, але менавіта да Цяня з Намэй была найвялікшая цікавасць медыяў і жыхароў краіны ў сацсетках.

І гэта не дзіва, бо еўрапейская дзяўчына на кітайскім вяселлі ўжо само па сабе незвычайна, а яшчэ ўсіх уразіў рост дзяўчыны — яна значна вышэй за свайго мужа. У выніку пара хутка стала вядомай сярод грамадзян Кітая.