Type to search
Advanced channel search

Продаю канал / Анекдоты

13 782 пдп, доход 28 000 в месяц, срочная продажа
img
ad

Продаётся канал | Психология

22 056 пдп, доход 46 000 в месяц, цена 54 000 рублей
img
ad

TGStat Bot

Bot to get channel statistics without leaving Telegram
img
ad

Onlíner па-беларуску

@onlinerbel
Channel's geo and language: Belarus, Belarusian
Category: Edutainment

Моўныя віктарыны, тэсты для аматараў вандровак па Беларусі, цікавосткi са стужак навін, анонсы фестываляў і культурных падзей.
Пра рэкламу ў канале 👉https://b2bblog.onliner.by/2022/04/20/partnerskie-posty-v-telegram-onliner-usloviya-razmeshheniya

Related channels  |  Similar channels
Channel's geo and language
Belarus, Belarusian
Category
Edutainment
Statistics
Is this your channel? Confirm Channel history
Posts filter

Onlíner па-беларуску

4 Sep, 18:04

Open in Telegram Share Report
Перад намі — герб Смаргоні. Гістарычны факт: у XVII стагоддзі Радзівілы заснавалі тут незвычайную навучальную ўстанову — «мядзведжую акадэмію».

На заднія лапы жывёл надзявалі лапці і саджалі іх у спецыяльныя клеткі з металічным дном, пад якім разводзілася вогнішча. Ад моцнай спёкi мядзведзі станавіліся на заднія лапы, а затым, калі ўжо i лапцi не ратавалі, пачыналі пераступаць з лапы на лапу, як быццам танцуючы. Гэты працэс суправаджаўся ігрой дрэсіроўшчыка на бубне.

З цягам часу ў звяроў з'яўляўся рэфлекс — толькі пачуўшы гукі бубна, яны станавіліся на заднія лапы. А за сваю стараннасць атрымлівалі пачастунак.

Пасля заканчэння навучання «танцуючыя» мядзведзі са сваімі павадырамі гастралявалі па розных гарадах і мястэчках, дабіраліся нават да Германіі і Венгрыі. Вось так далёка праславілася смаргонская «акадэмія».

Герб Смаргоні быў прыняты ў 2004 годзе. На ім намаляваны чорны мядзведзь, які стаіць на чырвонай рашотцы і трымае ў лапах герб Радзівілаў.
2.3k 1 22 172
Onlíner па-беларуску

4 Sep, 10:57

Open in Telegram Share Report
Мядзведзь стаіць на чырвонай рашотцы. Гэта герб якога горада?
Poll
  •   Нясвiж
  •   Смаргонь
  •   Шчучын
  •   Калiнкавiчы
1575 votes
2.5k 2 22 100
Onlíner па-беларуску

4 Sep, 10:56

Open in Telegram Share Report
2.5k 2 29 95
Onlíner па-беларуску

4 Sep, 10:55

Open in Telegram Share Report
Мы запускаем новую рубрыку, прысвечаную гербам беларускіх гарадоў i мястэчак. Як яны з'явіліся, што абазначаюць, якія сэнсы нам нясуць? Фармат ужо знаёмы нашым падпісчыкам: спачатку даём віктарыну, крыху пазней публікуем правiльны адказ з тлумачэннем. Спадзяемся, будзе цікава i пазнавальна!
2.3k 0 8 152
Onlíner па-беларуску

3 Sep, 16:56

Open in Telegram Share Report
Каву з бульбай увяла ў меню сетка беларускіх кавярняў. Як вам ідэя?

Сетка кавярняў Varka, чые філіялы можна адшукаць ужо літаральна ў кожным мінскім закутку, прадставіла сваё новае восеньскае меню з «беларускім вайбам».

Акрамя цікавых, але цалкам зразумелых пазіцый накшталт маркоўнага бамбла і кавы з рагачоўскай згушчонкай, там прысутнічае нешта пад назвай «бульбяны раф».

Каштуе напой 8,5 рубля. Густ нам апісалі як «шчыльны, з мяккай тэкстурай пюрэ на вяршках, злёгку саланаваты і з лёгкай гарчынкай ад кавы».

— У працэсе распрацоўкі мы рыхтуем 10—15 варыянтаў напояў і толькі потым выбіраем 5 фінальных. Так што ў нас былі варыянты бульбянога рафа з грыбамі, грыбнога латэ, бурачнага латэ, але найлепшым па выніках дэгустацыі з партнёрамі, барыста і гасцямі вызначылі бульбяны раф, — распавядае шэф-барыста сеткі.

Ну што, будзеце каштаваць? (👍 — вядома, 👎 — не гэтым разам)
2.8k 1 78 188
Onlíner па-беларуску

3 Sep, 13:01

Open in Telegram Share Report
Video is unavailable for watching
Show in Telegram
У цэнтры Мінска кожны можа вывесіць свае любімыя фота. Але ёсць адна ўмова — яны павінны быць звязаныя з горадам.

Праект — ідэя арт-прасторы «Берлин-Двор» да Дня горада. У гэтым годзе свята выпадае на 14 верасня.

Каманда прапануе ўсім жадаючым выбраць свае фота, на якіх «спатканне з горадам атрымалася», і прымацаваць іх проста на сцяну па адрасе Зыбіцкая, 6. Сам фармат не новы, у яго нават ёсць уласная назва — «фотасушка». У гэтым выпадку на тэму «Мінск, любоў і фоткі».

Кругласутачная выстава пад адкрытым небам пачне працаваць напярэдадні Дня горада — 13 верасня — і працягнецца да канца цёплага сезона. Арганізатары абяцаюць дапоўніць падзею незвычайным «спіддэйтынгам» з горадам і іншымі актыўнасцямі.

Акрамя таго, усіх удзельнікаў чакаюць прызы. А аўтар найлепшага фота атрымае 25-літровую бутлю традыцыйнага беларускага напою.
2.6k 1 22 75
Onlíner па-беларуску

2 Sep, 14:26

Open in Telegram Share Report
Як па-беларуску адным словам можна сказаць «вялікая колькасць»? (Дадатковая інфармацыя з’явіцца пад лямпачкай пасля адказу.)
Poll
  •   вобмаль
  •   гайня
  •   зашмарга
  •   безліч
1815 votes
2.8k 0 16 103
Onlíner па-беларуску

29 Aug, 12:11

Open in Telegram Share Report
Video is unavailable for watching
Show in Telegram
Ізноў пра беларускія трэкі. Хлопец ператварыў тую самую застаўку з прагнозу надвор'я ў хард-тэхна.

Калі вы нарадзіліся ў Беларусі, то слова «надво'е» ў вас на сэнсарным узроўні суправаджаецца ў галаве той самай фартэпіяннай мелодыяй.

Аднак мы амаль упэўненыя, што яшчэ нікому не прыходзіла ў галаву зладзіць пад яе рэйв.

Музыканта завуць Данііл, але для мінскай электроннай сцэны ён больш вядомы пад імем NPD. Хлопцу 20 гадоў, і ён займаецца электроннай музыкай і арганізацыяй мерапрыемстваў крыху больш за год:

— Мяне даўно прасілі ўзяць у якасці сэмпла нейкую знаёмую для ўсіх мелодыю і ператварыць яе ў хард-тэхна. Спачатку я хацеў узяць «Калыханку», але атрымалася, што мелодыя з прагнозу надвор'я ператварылася ў трэк хутчэй і гэтак усім зайшла.

З «Калыханкі», дарэчы, трэк таксама ў выніку атрымаўся — я яго прэзентую якраз 31 жніўня. Наогул, гэта крута, што беларусы так рэагуюць на сваё. Мяне ўжо запрашаюць выступаць на вялікіх электронных варушняках у Маскве, але я адмаўляюся. Хачу пакуль напісаць яшчэ трохі беларускага і прыцягнуць увагу нашых людзей да электроннай музыкі.
4.8k 3 61 226
Onlíner па-беларуску

28 Aug, 12:42

Open in Telegram Share Report
Video is unavailable for watching
Show in Telegram
Штучны інтэлект напісаў і праспяваў калыханку па-беларуску. Што думаеце?

Нашыя журналісты з раздзелу «Тэхналогій» тэсціравалі Suno AI. Гэта генератыўная мадэль ШІ, якая дазваляе ў пару клікаў ствараць музычныя трэкі. Напісалі некалькі прапаноў з пажаданнямі — і гатова.

А як Suno працуе з беларускай? Можа, наогул бязглуздзіцу якую-небудзь выдае? Журналісты прапанавалі мадэлі скласці калыханку: «Беларускамоўная калыханка пра вечар, сонейка і немаўля».

Нууу... не, калі не ўслухоўвацца, то штосьці накшталт калыханкі сапраўды атрымалася. Да пачатку практычна няма пытанняў.

Потым з'яўляецца ўсё больш момантаў накшталт «У сновах песня гучыць вечна» ці «Лістота ціханка шэпча». Карацей, «Доўгі дзень, цёплы дзень» не пераплюнуў.

А вы як ставіцеся да калыханкі ад ШІ? (👍 — ёсць патэнцыял, 👎— чалавечыя заўжды будуць лепшыя).
4k 1 37 215
Onlíner па-беларуску

26 Aug, 14:16

Open in Telegram Share Report
Што абазначае слова «ніякавéць»? (Дадатковая інфармацыя з’явіцца пад лямпачкай пасля адказу.)
Poll
  •   страчваць прытомнасць
  •   моцна схуднець
  •   ігнараваць каго-небудзь
  •   адчуваць сябе няёмка, не па сабе
1683 votes
3.6k 1 21 121
Onlíner па-беларуску

22 Aug, 14:41

Open in Telegram Share Report
На аўкцыён зноў трапіў помнік архітэктуры. Стартавы кошт — 40 рублёў.

У Віцебскай вобласці прадаюць кузню з гісторыяй. Будынак уваходзіць у склад комплексу былой сядзібы «Нізгалова» і знаходзіцца ў аднайменным аграгарадку Бешанковіцкага раёна, за дзве гадзіны язды ад сталіцы. Рэдкі лот плануюць рэалізаваць праз пляцоўку «БУТБ-маёмасць». Пачатковы кошт кузні — усяго адна базавая, або 40 рублёў.

Сама сядзіба Нядзвецкіх, на тэрыторыі якой размешчана кузня, датуецца другой паловай XIX стагоддзя. Яна знаходзіцца ў цэнтральнай частцы аграгарадка Двор Нізгалова, на маляўнічым і высокім правым беразе ручая, які ўпадае ў раку Улу. Тут захаваўся сядзібны дом — цагляны аднапавярховы будынак у стылі класіцызму. Паблізу яго можна ўбачыць фрагменты старадаўняга парку і некаторыя гаспадарчыя пабудовы.

Кузня, якая засталася без гаспадара, пабудавана з чырвонай цэглы ў 1916 годзе. Падаць заяўку на ўдзел у таргах можна да 18 верасня. Аўкцыён пройдзе 23 верасня ў анлайн-фармаце.
5.9k 3 19 88
Onlíner па-беларуску

19 Aug, 11:02

Open in Telegram Share Report
Сёння прапануем вам словы, якія выкарыстоўваюцца пры пажаданні хвораму чалавеку хутчэй выздаравець («Зычу табе хутчэй…»). Знайдзіце сярод іх ЛІШНЯЕ. (Дадатковую інфармацыю глядзіце пад лямпачкай пасля адказу.)
Poll
  •   адужаць
  •   акрыяць
  •   ацалець
  •   ачуняць
1690 votes
6.2k 0 21 129
Onlíner па-беларуску

16 Aug, 14:07

Open in Telegram Share Report
Дзённікі вучня незвычайнай акадэміі. Кніга для тых, хто стаміўся ад Гары Потэра, але сумуе па «Шкодных парадах» Остэра.

Акадэмія доктара Клякса — гэта школа для хлопчыкаў, але толькі для тых, чые імёны пачынаюцца на літару «А».

Замест звычайных прадметаў там вывучаюць літарапрадзенне, лячэнне хворых рэчаў і шмат чаго яшчэ, бо кожны дзень доктар Клякс выдумляе новыя тэмы. Выкладаць знакамітаму чараўніку дапамагае шпак Мацей (а можа, гэта зусім і не шпак?). А вучняў чакае шмат прыгод і дзіўных здарэнняў.

💸 39,06 р.

https://catalog.onliner.by/books/popurri/9789851554276?utm_source=tg
9.2k 1 11 112
Onlíner па-беларуску

14 Aug, 16:03

Open in Telegram Share Report
*партнерскі пост

🥩🍯Фермерскія мясныя далікатэсы,малочныя вырабы і мёд — гонар рынка «Валер'янава»

На самым знакамітым рынку Беларусі вы знойдзеце разнастайныя мясныя вырабы: бараніну, аленіну, індычку, свініну, труса з хатняга падворка і многае іншае. Мясныя хатнія далікатэсы фермеры робяць сваімі рукамі.

А сёння Мядовы Спас — рынак поўны свежага мёду ўраджаю 2024 года: грэчка, ліпа, разнатраўе і інш.

Рынак працуе без выхадных да 20:00. Гандлёвы комплекс «Валер'янава», в. Лагойская, 5А. 1,5 км ад МКАД у бок Бараўлянаў, каля Новай Баравой.
5.3k 0 10 89
Onlíner па-беларуску

12 Aug, 14:42

Open in Telegram Share Report
Спады́спаду — гэта як? Выберыце правільнае значэнне слова.
Poll
  •   знізу, з ніжняга боку
  •   з вялікай вышыні
  •   вельмі хутка
  •   непрыкметна
1784 votes
5k 1 23 111
Onlíner па-беларуску

5 Aug, 15:07

Open in Telegram Share Report
Выберыце слова, якое абазначае прыём ежы паміж абедам і вячэрай. (Значэнні слоў глядзіце пад лямпачкай пасля адказу.)
Poll
  •   наéдак
  •   спажыва
  •   нішчымніца
  •   падвячорак
2003 votes
6.6k 2 26 136
Onlíner па-беларуску

2 Aug, 16:21

Open in Telegram Share Report
Знакамітая панэлька на Макаёнка пазбавілася вялізнага вінаградніка на фасадзе. Усё праз ураган.

Расліна не патрабавала догляду і самастойна распаўзалася па сценах панэлькі. Жыхарам заставалася хіба што падразаць лазу, якая назойліва лезла ў вокны.

На жаль, цяпер эфектны «сімбіёз» шэрага бетону з жывой прыродай можна ўбачыць хіба што на фота: вінаграднік зрэзалі. Пра гэта нам распавёў адзін з чытачоў.

Мы звязаліся з ЖЭУ №3 Першамайскага раёна, якое абслугоўвае шматпавярховік на вул. Макаёнка, 13а, каб даведацца, куды дзеўся вінаграднік.

— Так, сапраўды, расліну давялося зрэзаць. 13 ліпеня ў Мінску бушаваў ураган, які вырваў частку расліны з 3-га па 9-ы паверх, і яна пачала прадстаўляць пагрозу. З-за ветру сцяблы раслін стукалі ў вокны і маглі разбіць шкло. Жыхары сталі актыўна тэлефанаваць у дыспетчарскую і МНС з просьбамі хутчэй зрэзаць вінаграднік.
4.1k 1 52 215
Onlíner па-беларуску

1 Aug, 10:41

Open in Telegram Share Report
«Рэдкі выпадак». У гняздзе ў Мазыры налічылі 6 буслоў.

Журналісты Onlíner нядаўна ездзілі ў камандзіроўку ў Мазыр і на адной з гарадскіх вуліц убачылі незвычайную карціну. У вялікім гняздзе на падпілаваным дрэве стаялі пяць буслоў, яшчэ адзін прызямліўся на найбліжэйшы ліхтар.

Улетку мы звыклі бачыць у гнёздах буслоў па тры-чатыры птушкі, а тут адразу шэсць. Паказалі фатаграфіі арнітолагу Сямёну Леваму і спыталі, ці не цягне такое нашчадства на рэкорд.

Па словах эксперта, у гэтым гняздзе знаходзяцца пяць буслянят. Той, што стаіць на ліхтары, — дарослы. Маладых птушак выдаюць цёмна-бурыя дзюбы.

— Звычайна ў гняздзе буслоў можна ўбачыць па два-тры птушаняты, пяць — рэдка, шэсць — выключная з'ява.

Пладавітасць птушкі залежыць ад колькасці ежы ў канкрэтным рэгіёне. Зараз буслоў больш за ўсё ў раёне заказніка «Сярэдняя Прыпяць», — дадае спецыяліст.
4.8k 0 26 154
Onlíner па-беларуску

31 Jul, 16:39

Open in Telegram Share Report
У Беларусі выпусцілі экасумкі з адходаў вытворчасці. Што па коштах?

Сумесную калекцыю экасумак з дэніму і скуры выпусцілі беларускія брэнды Conte і Makey.

Такім чынам кампаніі імкнуцца паменшыць негатыўны ўплыў вытворчасці на экалогію. Як сказана ў прэс-рэлізе, новае жыццё атрымалі 200 квадратных метраў скуры і 50 дэніму.

Усяго выпушчана 420 экасумак. Незалежна ад мадэлі, кожная абыйдзецца ў 179 рублёў. Аксесуары ўжо можна купіць у фірмовых крамах Conte і Makey.
3.3k 0 36 153
19 last posts shown.