👌👌👌 Сёння на базе сярэдняй школы №4 г.Чэрвеня адбыўся раённы этап гульняў КВЗ юных інспектараў дарожнага руху. Удзел у ім узялі 8 каманд з устаноў агульнай сярэдняй адукацыі.

👍 Канкурсанты дэманстравалі візітоўку “КВЗ-ЮІР – планета радасці і дзяцінства!”, музычнае хатняе заданне “Жыві па правілах!”

👍 Капітаны каманд удзельнічалі ў конкурсе капітанаў “Жыццё не кіно – сучасны супергерой на дарозе!”
Па-за конкурсам ішлі кароткія відэаролікі “ТИК-ТОК – ПДД ЧУТОК!”

‼️ У выніку трэцяе месца ў гульнях КВЗ заваявала каманда сярэдняй школы №2 імя А.К.Флегантава г.Чэрвеня, другое – каманда Руднянскай сярэдняй школы, першае – каманда сярэдняй школы №2 г.п.Смілавічы.

💫💫💫 Усе ўдзельнікі атрымалі дыпломы ад упраўлення па адукацыі, спорту і турызму Чэрвеньскага райвыканкама, а пераможцы – яшчэ і салодкія прызы ад начальніка ДАІ Чэрвеньскага РАУС Аляксея Юр'евіча Красікава.