ДзеЦікава

У самым сэрцы Берасця, на скрыжаванні вуліц Гогаля і Савецкай, узвышаецца Помнік тысячагоддзя – манумент, які не толькі ўпрыгожвае горад, але і сімвалізуе яго шматвяковую гісторыю.

Усталяваны ў 2009 годзе, за дзесятак гадоў да наступлення тысячагадовага юбілею горада, гэты помнік стаў яркім прыкладам гарадскога мастацтва і грамадскай ініцыятывы.

Чытаць далей можна тут 🌟
———
✨ Дзецікава — канал пра Берасце і берасцейцаў.

Учора мы распавядалі пра пераўтварэнне гістарычнай вежы ў Мінску ў кавярню, а сёння – пра яшчэ адзін цікавы аб’ект, толькі ўжо ў Берасці.

У цэнтры горада стаіць ваданапорная вежа 1954 года, якая даўно не выкарыстоўваецца. Яшчэ ў 2014 годзе з’явіўся праект яе рэканструкцыі, а ў 2017 годзе будынак прадалі новаму ўладальніку.

Планавалася, што ў 2023 годзе нарэшце пачнецца рэканструкцыя. Згодна з новым праектам, вежа павінна была атрымаць панарамнае шкленне, падсветку і дадатковыя прыбудовы. Знутры вежа ўяўляла бы сабой офісны будынак з рэстаранам. Аднак дагэтуль вежа застаецца ў чаканні свайго новага жыцця.
———
✨ Дзецікава — канал пра Берасце і берасцейцаў.

☕️ Паглядзіце, як надаюць новае жыццё гістарычнаму будынку ў Мінску

У Мінску хутка з’явіцца ўнікальная кавярня «Вежа», і месціцца яна будзе ў сапраўднай ваданапорнай вежы!

Гэты гістарычны будынак з чырвонай цэглы стаіць побач з праспектам Жукава ўжо больш за сто гадоў. Раней ён заставаўся амаль незаўважаным, але цяпер перажывае другое нараджэнне. Тоўстыя сцены, старадаўнія элементы, мэбля з прыродных матэрыялаў – усё гэта стварае непаўторную атмасферу.

Як вам такая лакацыя для кубка кавы?
———
✨ Дзецікава — канал пра Берасце і берасцейцаў.

Часам спроба абысці складанасці абарочваецца дадатковымі праблемамі. Прыказка нагадвае, што часам лепш абраць надзейны, хоць і даўжэйшы шлях.

#Прыказкіпрымаўкі
———
✨ Дзецікава — канал пра Берасце і берасцейцаў.

Глядзіце, якія дамкі для качак зрабілі пад Пружанамі! 🦆🏡

Пад Пружанамі з’явіліся незвычайныя канструкцыі – спецыяльныя домікі для качак, усталяваныя мясцовым лясгасам. Усяго такіх гнёздаў усталявалі дзесяць.

Навошта яны патрэбныя? З-за падзелу натуральных біятопаў і дзейнасці драпежнікаў, кладкі водна-балотных птушак часта знішчаюцца. Асабліва гэта тычыцца невялікіх вадаёмаў, дзе качкі знаходзяць найлепшую кормавую базу. Каб абараніць птушак, спецыялісты зрабілі штучныя гнездавыя пляцоўкі, куды драпежнікі не могуць дабрацца.

Вось такі клопат пра дзікую прыроду! Як вам ініцыятыва?
———
✨ Дзецікава — канал пра Берасце і берасцейцаў.

📖 Першае кнігадрукаванне ў Берасці 📜

У 1553 годзе ў Берасці з’явілася першая друкарня на тэрыторыі сучаснай Беларусі. Яе заснаваў Мікалай Радзівіл Чорны — берасцейскі стараста, віленскі ваявода і канцлер ВКЛ. Берасце было выбрана невыпадкова: у XVI стагоддзі гэта быў развіты гандлёвы і культурны цэнтр, звязаны з Еўропай.

За 20 гадоў працы друкарня выпусціла больш за 40 кніг на польскай і лацінскай мовах. Найбольш вядомым выданнем стала Берасцейская (Радзівілаўская) Біблія (1563) — сапраўдны шэдэўр кнігадрукавання эпохі. Яна была багата аздоблена гравюрамі, застаўкамі і віньеткамі, мела шыкоўны пераплёт.

Сёння асобнікі Брэсцкай Бібліі з’яўляюцца рарытэтам сусветнага значэння. Адзін з іх знаходзіцца ў Брэсце, у абласной бібліятэцы імя М. Горкага.

📜 Дзякуючы першай друкарні, Берасце далучылася да сусветнай гісторыі кнігадрукавання!
———
✨ Дзецікава — канал пра Берасце і берасцейцаў.

🕰 «Луч» прадставіў гадзіннік у гонар Уладзіміра Караткевіча!

Да Дня роднай мовы з’явілася лімітаваная калекцыя гадзіннікаў «Мова», прысвечаная выбітнаму беларускаму пісьменніку. У продаж паступіць 95 асобнікаў — роўна столькі, колькі гадоў спаўняецца з дня нараджэння Караткевіча.

Гадзіннік створаны на аснове легендарнага механізму «Луч-2209» — аднаго з найтанчэйшых у савецкай гадзіннікавай прамысловасці, які праявіў сябе надзейнасцю і даўгавечнасцю. Дызайн увасабляе характар пісьменніка: нержавеючая сталь, залатое матавае пакрыццё, сапфіравае шкло, класічны скурысты рамень.

Асаблівая дэталь — цытата Караткевіча на цыферблаце: «Мова, прыгожае пісьменства, паэзія, музыка — сродак сувязі між думамі людзей, вышэйшы сродак».
———
✨ Дзецікава — канал пра Берасце і берасцейцаў.

🌿 21 лютага — Дзень роднай мовы! 🌿

Сёння ва ўсім свеце адзначаюць Дзень роднай мовы — свята, якое нагадвае пра каштоўнасць і сілу слоў, што з маленства гучаць у сэрцы. Гэтае свята было абвешчана ЮНЭСКА і штогод адзначаецца 21 лютага, каб падтрымаць моўную і культурную разнастайнасць, а таксама развіццё шматмоўя.

📖 Сёння — добрая нагода ўспомніць любімыя беларускія словы, пачытаць вершы, паслухаць песні і, вядома, загаварыць па-беларуску! Няхай мова гучыць у нашых дамах, на вуліцах, у сэрцах.
———
✨ Дзецікава — канал пра Берасце і берасцейцаў.

У Баранавічах сямейная супольнасць "Воображариум" стварыла ўнікальны алфавіт горада – ілюстраваны плакат, дзе кожная літара алфавіту звязаная з адным са знакамітых месцаў. Гэта не проста выданне для дзяцей, але і цудоўная магчымасць адчуць каларыт горада, даведацца пра яго славутасці ці атрымаць прыемны сувенір.

📜 Плакат можна атрымаць у падарунак за ахвяраванне на дабрачынны рахунак (ад 10-15 рублёў). Ён надрукаваны на шчыльнай паперы ў фармаце A2 або A3 і даступны на выбар на беларускай або рускай мове.

Такія праекты не толькі дапамагаюць адкрываць горад наноў, але і натхняюць на стварэнне сваіх ініцыятыў. Магчыма, калісьці пабачым і алфавіт Берасця? 😊
———
✨ Дзецікава — канал пра Берасце і берасцейцаў.

Няма нічога схаванага, што не стала б вядомым. Калі ў лесе можна схавацца, то на адкрытым полі ўсё навідавоку. Прыказка нагадвае, што тайнае рана ці позна раскрыецца, і нават тое, што здавалася надзейна схаваным, можа стаць вядомым іншым.

#Прыказкіпрымаўкі
———
✨ Дзецікава — канал пра Берасце і берасцейцаў.

Рэйвы мяняюцца: цяпер гэта не начныя клубы, а кавярні і бургерныя – і Берасце не засталося ўбаку!

У апошні час у Еўропе набірае папулярнасць новы фармат забаў — дзённыя рэйвы ў кавярнях і іншых грамадскіх месцах. Гэты трэнд асабліва прываблівае міленіялаў і зумераў, якія аддаюць перавагу актыўнаму адпачынку без начных тусовак. Сутнасць такіх мерапрыемстваў заключаецца ў спалучэнні энергетыкі рэйву з ранішняй або дзённай актыўнасцю. Падобныя імпрэзы ўжо сталі папулярнымі ў многіх гарадах свету, збіраючы сотні ўдзельнікаў.

Берасце таксама далучаецца да гэтага трэнду. Кафэ Union 8 вырашыла затэсціць такі фармат і запрашае ўсіх далучыцца 22 лютага з 16:00 да 20:00!

У праграме — дыджэйскі сэт і асаблівая атмасфера, якая дазволіць атрымаць асалоду ад музыкі і танцаў у дзённы час.

🔊 Гэта не проста вечарынка, гэта новы стыль адпачынку! Прыходзь і ацані сам! 🎶☕️
———
✨ Дзецікава — канал пра Берасце і берасцейцаў.