Студэнцкая думка

📚 Новая міні-падборка магчымасцей ад СД!

✨Young european ambassadors

Паспейце падацца на інцыятыву “Маладыя Еўрапейскія Амбасадары”.

Гэтая валантэрская ініцыятыва накіраваная на развіццё супрацоўніцтва паміж ЕС і краінамі Усходняга партнёрства. Таксама гэта добрая пляцоўка, каб расказваць людзям з розных краін пра сітуацыю ў Беларусі і прасоўваць нашы нацыянальныя каштоўнасці.

⏰ Дэдлайн рэгістрацыі: 8 кастрычніка 2023 23:59 CET (заўтра).

👉Рэгістрацыя

✨ Online camp digital leaders

⏰ Дэдлайн рэгістрацыі: 8 кастрычніка 2023 (заўтра).
👩‍💻Фармат: анлайн.
🗓️ Калі: 13 кастрычніка - 4 лістапада 2023, чацвер - пятніца 16:30-18:30 (па Менскім часе).
🧒 Для каго: маладыя беларус_кі.
🧑‍🤝‍🧑 Арганізатар_кі: Goethe Insitut.

Удзел у праграме - выдатная магчымасць прасунуць свае навыкі ў сферы лічбавага лідарства. Вас чакае навучанне у эксперта_к з розных сфераў, магчымасць развіцця ўласнай экспертызы ў лічбавай сферы, а таксама ментарская праграма па стварэнню ўласнага Digital Camp.

👉Падрабязнасці
👉Рэгістрацыя

🎓Прывітанне, сябры! Вясеннім суботнім ранкам спяшаемся вас парадаваць новай падборкай магчымасцей:

🔸“Школа лідэрства”

⏰ Дэдлайн рэгістрацыі: 28 сакавіка 23:59 па Менскім часе.
👩‍💻Фармат: анлайн, афлайн (Вільня, Літва).
🗓️ Калі: красавік-ліпень 2023 года.
🧒 Для каго: беларускія студэнткі ад 18 гадоў, якія жадаюць развіць у сабе лідарскія якасці і рэалізаваць свае праекты.
🧑‍🤝‍🧑 Арганізатар_кі: незалежныя эксперткі.

Незалежны адукацыйны праект, які складаецца з трох анлайн блокаў, курса па праектным мэнэджмэнце і афлайн-сэсіі ў Вільні. Асноўнымі тэмамі курса з’яўляюцца правы чалавека, гендэрная роўнасць, грамадзянскі актывізм, цімбілдынг. Удзел у праграме бясплатны, таксама плануецца аказанне візавай падтрымкі.

👉Даведацца больш.
👉Рэгістрацыя.

🔸“Песочница 2.0”

⏰ Дэдлайн рэгістрацыі: 29 сакавіка 2023 года 23:59 па Менскім часе.
👩‍💻Фармат: анлайн, неабавязкова афлайн (Эстонія)
🗓️ Калі: 17 красавіка-30 чэрвеня 2023 года.
🧒 Для каго: маладыя журналіст_кі, прадстаўні_цы НДА, лідар_кі меркаванняў.
🧑‍🤝‍🧑Арганізатар_кі: Media Academy, Press Club Belarus.

На курсе з 10 модуляў вы пазнаёміцеся з асновамі журналістыкі, атрымаеце практычныя і тэарэтычныя веды аб прафесіі і інш. Навучанне будзе праходзіць па вечарах панядзелка, вы будзеце атрымліваць практычныя заданні, на якія можна будзе па пятніцах атрымліваць зваротную сувязь ад эксперт_кі. Па выніках курса вы будзеце запрошаны на паездку ў Эстонію, каб пазнаёміцца з мясцовымі СМІ.

👉Даведацца больш.
👉Рэгістрацыя.

🔸“Распрацоўка праектаў і напісанне праектных заявак”

⏰ Дэдлайн рэгістрацыі: 23 сакавіка 2023 года 23:59 па Менскім часе.
👩‍💻Фармат: анлайн.
🗓️ Калі: 27 сакавіка-21 траўня 2023 года.
🧒 Для каго: беларускія актывіст_кі, арганізацыі грамадзянскай супольнасці.
🧑‍🤝‍🧑 Арганізатар_кі: OEEC.

На курсе вы даведаецеся пра асноўныя паняцці праект-мэнэджмэнту, а таксама пра тое, як запаўняць заявы на праекты, як апісваць праблемную сітуацыю, мэтавую групу і іншыя важныя моманты.

👉Даведацца больш.
👉Рэгістрацыя.

🔸#cultResidence 2.0

⏰ Дэдлайн рэгістрацыі: 2 красавіка 23:59 па Менскім часе.
👩‍💻Фармат: афлайн (Шчэцін, Польшча).
🗓️ Калі: красавік-жнівень 2023 года.
🧒 Для каго: беларускія маста_чкі, скульптар_кі, літаратар_кі, музыканты_кі, фатограф_іні, рэжысёр_кі.
🧑‍🤝‍🧑 Арганізатар_кі: каманда культ. цэнтра “Корпус”.

Арганізатар_кі прадастаўляюць творчым асобам з Беларусі пляцоўку для рэалізацыі іх праектаў на 3-4 тыдні для кожнага. Падчас ажыццяўляення задумкі вам будзе аказвацца падтрымка каманды #cultHEROES. Таксама ўдзельнікі атрымаюць стыпендыю ў 1000€ для работы над праектам. Свае ідэі вы будзеце ажжыцяўляць у краявідным куточку гарадскога парку ў цэнтры гораду.

👉Падрабязнасці і рэгістрацыя.

🔸Курс падтрымкі ЛГБТК+ людзей “Восстанавливаем_ся”

⏰ Дэдлайн рэгістрацыі: 23 сакавіка 2023 года 23:59 па Менскім часе.
👩‍💻Фармат: анлайн.
🗓️ Калі: 31 сакавіка - 13 траўня 2023 года
🧒 Для каго: ЛГБТК+ людзі з Беларусі.
🧑‍🤝‍🧑 Арганізатар_кі: “Новыя рэгіёны”.

Праграма падтрымкі складаецца з пяці анлайн-сустрэч у ZOOM, на якіх вы даведаецеся пра выбудову асабістых межаў, антывыгаральныя практыкі, барацьбу са стрэсам і клопат пра сябе. Падчас сутрэч вы будзеце карыстацца толькі голасам і/альбо тэкстам дзеля захавання ананімнасці.

👉Падрабязнасці і рэгістрацыя.

🔴ПВК “Родан” і адмена адтэрміновак. Чытайце апошнія навіны ў нашым дайджэсце:

🔸У Беларусі адбыліся масавыя затрыманні школьнікаў за спробу зладзіць сустрэчы так званага ПВК “Родан”. У гандлёвым цэнтры Гомеля было затрымана 200 чалавек, з якіх 183 з’яўляліся непаўнагадовымі. У Менску затрымалі 80 чалавек. У Брэсце і Оршы таксама прайшлі затрыманні. СК Беларусі ўзбудзіў крымінальную справу за спробу зладзіць незаконнае масавае мерапрыемства, падлеткаў паставілі на ўлік, а паўнагадовых прыцягнулі да адміністрацыйнай адказнасці.

Інтэрнэт-мем ПВК “Родан” з’яўляецца алюзіяй на злачынную групіроўку “Геній Родан” з анімэ Hunter x Hunter і не з’яўляецца у прамым сэнсе слова прыватным вайсковым комплексам.

🔸 У сваю чаргу на з’яўленне ПВК “Родан” адрэагавала і Міністэрства адукацыі Беларусі. Міністр Андрэй Іванец заявіў, што “моладзь можа быць падвергнута ўплыву дэструктыўных рухаў”. У якасці альтэрнатывы ён прапанаваў удзельнічаць у патрыятычных, спартыўных, культурных гуртаках розных напрамкаў.

🔸Намеснік міністра адукацыі Аляксандр Бахановіч заявіў, што адтэрміноўку для студэнтаў, якія навучаюцца за мяжой, патрэбна скасаваць, каб у краіне былі “роўныя правы і магчымасці”. Адзначаецца, што тых, хто ўжо навучаецца за мяжой, змены не закрануць. А вось тыя, хто пасля прыняцця новаўвядзенняў пажаде паехаць навучацца за мяжу, больш не змогуць атрымаць “адтэрміноўку”. Выключэнні застануцца для студэнтаў, якія былі адпраўлены на вучобу ў іншыя краіны па накіраванні дзяржаўных органаў.

🔸Міністэрства адукацыі заявіла пра новаўвядзенне ў школьную форму другога абавязковага элементу дзеля аднастайнасці навучэнцаў. Адзначаецца, што школа сама зможа абраць гэты элемент: то бок калі да гэтага ўжо была ўведзена камізэлька, то цяпер можна будзе дапоўніць вобраз нагавіцамі ці спадніцай.

🔸 Не так даўно была затрымана выкладчыца Магілёўскага дзяржаўнага ўніверсітэта імя Куляшова Наталля Мартусевіч. З выкладчыцай з’явілася “пакаяльнае відэа” на канале магілёўскага ГУБАЗіКу, дзе яна сцвярджае, што “пісала ў экстрэмісцкія чаты” і “зарэгістравалася ў плане “Перамога””. Цяпер жанчына на волі.

🔸Былой выкладчыцы МДЛУ Наталлі Дулінай прысудзілі 3,5 гады калоніі за каментар незалежнаму СМІ. Адзначаецца, што пасля вынясення выраку яна ўсміхнулася і сказала: “Прыйдзе вясна!”

🔸У шведскіх школах цяпер можна будзе вывучаць беларускую мову. Такое рашэнне дамаглася беларуская дыяспара ў Швецыі дзякуючы перамовам з мясцовым дэпартаментам адукацыі. Адзначаецца, што беларускую мову можна будзе вывучаць нават калі ёсць менш за 5 вучняў у муніцыпалітэце.

🔸Тры выкладчыцы беларускіх ВНУ паедуць у акупаваны Луганск на канферэнцыю “Ваенная журналістыка ў сучасным свеце”. У склад беларускай дэлегацыі ўвайшлі прафесарка ГрДУ Марыя Канюшкевіч, загадчыца адной з кафедр ВДУ імя П. Машэрава Ірына Зайцава і Алена Муратава, прафесарка ВДУ імя П. Машэрава.