Любы палітвязень, молімся за цябе і тваю сям'ю!
Ведай дакладна: твая ахвяра не дарэмная, але вельмі каштоўная перад Божым абліччам! І йдзе той дзень, калі ты ўбачыш прыгожыя плады гэтай ахвяры.
Пакуль жа час цемры. І ў гэтыя акаянныя дні ўсё болей пераконваюся ў тым, што нам трэба з усяе моцы ўчапіцца за Ісуса Хрыста і родную мову – толькі тады ўратуемся – і кожны з нас як асоба, і мы ўсе разам – як нацыя.
Дзеля гэтага хацеў бы даслаць табе Слова Божае на роднай мове, але дзеці Сатаны не прапускаюць. Дык дасылаю адну з улюбёнейшых сваіх псальмаў, якая і мяне часта ратавала. Калі вывучыць яе і зьвяртацца ёю, як Давід, да Творцы – гэта ўмацуе цябе вераю і радасьцю нават у вязьніцы.
Ісус Хрыстос, Які таксама быў вязьнем, кажа: што папросіце ў Мяне ў імя Маё, Я вам дам; што папросіце ў Таты ў імя Маё, Я вам дам, каб Тата быў праслаўлены ў Сыне. Калі табе будзе цяжка, прасі Яго ці Тату ў імя Хрыстовай крыві – і Той, Хто Сам быў без віны арыштаваны, без віны катаваны і без віны асуджаны – Ён зразумее цябе лепей за ўсіх на гэтым сьвеце.
Трымайся і заўжды памятай: Ісус Хрыстос аддаў за цябе Сваё жыцьцё і Ён вельмі-вельмі моцна цябе любіць!
ЖЫВЕ БОГ! – ЖЫВЕ ВЕЧНА!
9 жніўня 2021 года
Твой брат Зьміцер
Ведай дакладна: твая ахвяра не дарэмная, але вельмі каштоўная перад Божым абліччам! І йдзе той дзень, калі ты ўбачыш прыгожыя плады гэтай ахвяры.
Пакуль жа час цемры. І ў гэтыя акаянныя дні ўсё болей пераконваюся ў тым, што нам трэба з усяе моцы ўчапіцца за Ісуса Хрыста і родную мову – толькі тады ўратуемся – і кожны з нас як асоба, і мы ўсе разам – як нацыя.
Дзеля гэтага хацеў бы даслаць табе Слова Божае на роднай мове, але дзеці Сатаны не прапускаюць. Дык дасылаю адну з улюбёнейшых сваіх псальмаў, якая і мяне часта ратавала. Калі вывучыць яе і зьвяртацца ёю, як Давід, да Творцы – гэта ўмацуе цябе вераю і радасьцю нават у вязьніцы.
Ісус Хрыстос, Які таксама быў вязьнем, кажа: што папросіце ў Мяне ў імя Маё, Я вам дам; што папросіце ў Таты ў імя Маё, Я вам дам, каб Тата быў праслаўлены ў Сыне. Калі табе будзе цяжка, прасі Яго ці Тату ў імя Хрыстовай крыві – і Той, Хто Сам быў без віны арыштаваны, без віны катаваны і без віны асуджаны – Ён зразумее цябе лепей за ўсіх на гэтым сьвеце.
Трымайся і заўжды памятай: Ісус Хрыстос аддаў за цябе Сваё жыцьцё і Ён вельмі-вельмі моцна цябе любіць!
ЖЫВЕ БОГ! – ЖЫВЕ ВЕЧНА!
9 жніўня 2021 года
Твой брат Зьміцер