Zrobleny ū Miensku

Спадарства! Момант чэмпіёнства заўсёды быў доўгачаканай і вельмі радаснай падзеяй. І мы ніколі б не падумалі, што настануць часы, калі ад гэтага не будзе ніякай радасці! «Дынама» вярнула тытул і абараніла яго, але дзесяткі нашых паплечнікаў за кратамі, вайна, якая забівае нашых хлопцаў, і падмочаная рэпутацыя клуба не дазваляюць нам атрымліваць асалоду ад гэтых поспехаў.

Дэмакратычныя СМІ ніколі не ставіліся да нашага Руху і нашага клуба станоўча. Зразумела чаму — нашы погляды на свет і яго лад, як костка ў горле для ўсіх бакоў: адны хочуць як мага хутчэй легчы пад «рускі свет», другія — праводзіць больш «вясёлкавых шэсцяў». І адным, і другім вельмі страшная ідэя Беларускай Нацыі як чагосьцi моцнага!

Мы не будзем спрачацца і абвяргаць сучасныя наратывы: «кабінетны чэмпіён…», але яшчэ раз хочам звярнуць увагу на тое, што на дадзены момант «Дынама» — гэта МЫ! І сёння, далёка ад Радзімы, гісторыю клуба пішам менавіта МЫ!

Куды больш нас непакоіць, што апошнім часам ідэолагі і прыстасаванцы рэжыму выкарыстоўваюць клуб у рознага кшталту палітычных акцыях. З гэтай нагоды хочацца звярнуцца да футбалістаў, трэнераў і супрацоўнікаў «Дынама». Мы ведаем, што сярод вас застаюцца годныя людзі. Не давайце гэтым мярзотнікам запляміць сябе і імя клуба. Як у 1940-50-я дынамаўскія футбалісты гулялі не за Цанаву, так і цяпер вы гуляеце не дзеля вусатай пачвары, а за тысячы заўзятараў. Не забывайцеся на гэта!

Напрыканцы звяртаемся да нашых паплечнікаў, якія знаходзяцца ў Беларусі. Мы ведаем, што ў хвіліны поспеху хочацца быць побач з клубам, як ніколі раней. Аднак, на жаль, актыўны сапорт у краіне цяпер немагчымы. Арганізатары так званага «новага сектара» – Рэвалюцыйная 3 і Казлова 6а. Пачвары з гэтых будынкаў катуюць і забіваюць нашых хлопцаў, але хтосьці лічыць магчымым шызіць пад іхную дудку. Заклікаем не асацыяваць гэтае смецце з нашым рухам. Памятайце пра сваё сумленне!

Разам і назаўжДы! Жыве Беларусь!

Вось і надышоў той самы дзень Х, калі мы павінны выступіць адзіным механізмам і нагадаць свету, што ў Беларусі ўсё яшчэ пануе сапраўдны змрок

У нас не атрымалася здзейсніць усе свае планы па сумеснаму сектару, таму ўсіх запрашаем выказаць сваю пазіцыю са сваіх месцаў на стадыёне. Няхай увесь свет пачуе нашы галасы

Увесь фанацкі актыў, з якім была асобная сувязь, запрашаем далучыцца да нас на ўваходзе D1 і быць там у 17.45

❗️ Нагадваем яшчэ раз! Гэта не матч падтрымкі футбольнага клуба!!! Трэба быць поўным ідыётам, каб «заўзець» у такія моманты. Таму, калі нехта з вас збіраўся ісці менавіта з такімі думкамі – лепш заставайцеся дома… А ўсе годныя людзі – не забудзьце ўзяць з сабой БЧБ-сімволіку і атрыбутыку

Таксама на трыбуне будзе адно важнае правіла: ніякіх здымкаў i вiдэа! Не забывайце пра ананімнасць і канспірацыю

Сябры! А 13-ай гадзіне (па польскім часе) чакайце абнаўлення інфармацыі адносна матча. І хутка распаўсюдзьце гэтую інфармацыю сярод тых, хто плануе наведаць стадыён.

Беларусы! Шмат з вас ужо ў курсе, што 7 лістапада ў Варшаве адбудзецца футбольны матч паміж Легіяй і Дынама. Само сабою разумеецца, ні пра які футбол і гаворцы не ідзе. Не кажучы ўжо пра падтрымку рэжымнага прадпрыемства

Гэты матч – лепшая магчымасць нагадаць свету пра тое, што адбываецца з Беларуссю, у Беларусі…
У звязку з гэтым аб'яўляецца агульны збор на гульню! Усе адэкватныя і здравыя Беларусы павінны выказацца!

З мэтай бяспекі пакуль не можам расказаць усе планы і мерапрыемствы. Але адно ўжо можна сказаць дакладна: купляйце квіткі на стадыён (на кожны сектар, на кожныя месцы), бярыце як мага больш сцягоў і атрыбутыкі НАШЫХ колераў, і не забывайце пра прыватнасць (каптуры, цёмныя акуляры, маскі/шалі і г. д.)! Усе далейшыя інструкцыі вы атрымаеце напярэдадні і ў дзень матчу.

Таксама зварот да прадстаўнікоў іншых Рухаў: выходзьце на сувязь з нашымі прадстаўнікамі для таго, каб атрымаць ледзь больш канкрэтыкі і ўзгадніць далейшыя дзеянні.

Хлопцы! Калі вы пішыце ў бот і ў вас скрыты профіль - паказвайце адрас зваротнай сувязі - лінк на ваш ТГ акк! Дзякуем!