Восень разумее: час прыйшоў збірацца,
У цёплае адзенне трэба апранацца,
Рыхтавацца зноўку ў дальнюю дарогу,
І апошніх кветак захапіць нямнога.

Захапіць нямнога жоўтых лісцяў клёну
І сваё мястэчка саступіць на троне.
Захапіць нямнога гронак арабіны -
І тады для суму не шукай прычыну!

Восень разумее, што зіма ўжо блізка,
А яе чакае іншая прапіска.
Як наступіць жнівень, прыйдзе час збірацца,
Каб у краі родным зноў пакрасавацца.
#літаратурная_старонка