Такі неверагодна круты падарунак атрымаў ад Юлі Ляшкевіч на сваё 30-годзьдзе. Гэта унікальная гравюра з партрэтам адной з маіх любімых гістарычных постацяў — гетмана Канстанціна Астроскага, выбітнага вайскавода, патрыёта Літвы-Беларусі-Украіны. Менавіта дзякуючы яму ВКЛ пабіла маскавітаў у вырашальнай бітве пад Воршай, якая, магчыма, зьмяніла хаду гісторыі.

Гравюра была надрукаваная ў кнізе "La Pologne" Леанарда Ходзькі выдадзенай у 1830-х гадах. Леанард Ходзька – удзельнік таварыства філарэтаў, эміграваў у Францыю ў 1822 годзе.