Сцежкі Беларусі | Тропинки Беларуси

Гісторыка-прыгодніцкі праект «Беларусьфільма» «Авантуры Пранціша Вырвіча», зняты яшчэ ў 2019 годзе, выходзіць у пракат. Праўда, карціну можна будзе паглядзець толькі ў Пінску, Століне і Бабруйску, але не ў Менску.

Па сюжэце збяднелы шляхціц Пранціш Вырвіч вымушаны ўцякаць з Менскага езуіцкага калегіума. Выпадкова ён становіцца ўладальнікам незвычайнай «маёмасці» — доктара, алхіміка і вучонага Бутрамея Лёдніка, вымушанага пайсці ў слугаванне з-за даўгоў. Разам сябры трапляюць у вір інтрыг уплывовых магнатаў вакол трона Рэчы Паспалітай.

Па афiцыйнай версіі выпуск фільма перанеслі, каб стварыць беларускі дубляж, але якая мова будзе ў вынiку не зразумела.

🎥 @tropinki

Старая Старажоўка

Краязнаўчая мапа, на якой сабраныя страчаныя і яшчэ існуючыя месцы памяці гістарычнага раёна Менска. Пра кожнае месца - успаміны мясцовых.
Аутар: Paulina Skurko

📍 @tropinki

Гродна. Сацыялістычная № 35 – малебная школа Бенахім (па іншых крыніцах – Арах Хаім (Орах Хаім), дом Брамсана, спартыўная школа.

Год пабудовы – каля 1856, перабудавана ў к. ХІХ ст.
Вядома, што ў п.п. ХІХ ст. на гэтым месцы стаяў драўляны будынак малебнай школы. У 1855 г. па духоўнаму запавету Арона Сокала замест старой драўлянай было вырашана пабудаваць новую мураваную школу, будаўніцтва якой было завершана, можна меркаваць, у наступным годзе.

Згодна з праектным малюнкам, будынак школы з боку вуліцы меў адзін паверх, а з процілеглага – два. Пасля пажару 1885 г. школа была перабудавана. У 1895 г. уласнікам будынка з’яўляўся Брамсан.
У 1907 г. будынак меў адрас – Гарохавая № 6. У 1950 г. – абласны савет спартыўнага клуба “Спартак” і спартыўны зал.

🏛 @tropinki

Чарцяжы піўзавода, які належыў перадапошняй уладальніцы Гальшанскага замка Яўгеніі Аляксандраўне Ягмінай, жонцы стацкага саветніка М.І. Ягміна. У 1897 годзе памешчыца звяртаецца у Віленскае Губернскае праўленне з просьбай аб дазволе далейшай эксплуатацыі існуючага ўжо завода па вырабу піва, які знаходзіўся ў мястэчку Гальшаны.
(дакументы захоўваюцца ў Вільнюсе ў Літоўскім Дзяржайным Гістарычным Архіве. LVIA)

🏛 @tropinki