Take It Quizy

​Думаеце, што піва піць бездухоўна? Завод "Аліварыя" з вамі б не пагадзіўся.
Калі вы не ведаеце, то ў жыцці не адгадаеце, адкуль пайшла назва бровара. У розныя гады ён называўся "Багеміяй" і "Беларуссю", а ў 1994 годзе з'явілася такая незвычайная і прыгожая назва, як "Аліварыя". Вы здзівіцеся, але звязаная яна... з Бібліяй! Калі стомлены ад блуканняў і скітанняў па вадзе Ной, адправіў на выведку галубку, то яна вярнулася ў каўчэг з галінкай алівы, якая сімвалізавала надзею на выратаванне. І менавіта ў гонар той алівы і быў названы завод.

А цяпер вось пайшла пагалоска, што завод мяняе найменне... Але народ адгаворвае брэнд – то пабачым, як яно будзе.

#fact

​​​Калі правесці конкурс на самага адмарожанага звярка ў свеце, на п'едэстале, з вялікай імавернасцю, акажацца медаед.

❓Хто гэта такі?
Не вядзіцеся на назву: гэта не нейкі мядзведзь. Хутчэй медаед нагадвае чорна-шэрага барсука.

📏Ягоная вага – 7-13 кг, а даўжыня цела – да 70 см. Не самы вялікі звер, але адзін з самых бясстрашных.


🤪 Скура медаеда настолькі тоўстая, што яму не страшныя ўкусы ні драпежнікаў, ні змей. Мабыць, адзіная жывёліна ў свеце, якая можа ў адзіночку пайсці змагацца супраць пяці львоў. Медаед харчуецца амаль усім, што рухаецца: змеямі, яйкамі, скарпіёнамі. Ён можа нават нападаць на лісіц і кракадзілаў – бясстрашнасці няма межаў. Але асабліва медаед любіць залезці ў пчаліныя вуллі і пачаставацца там свежым мёдам. Яму абсалютна не страшныя ўкусы пчалы.

🗺Жыве гэты звярок на ладнай частцы Афрыкі і Азіі.
Не думайце, што гэта мілашка – гэта сапраўдны адмарозак жывёльнага свету.

#fact

​Самым старым у свеце дзяржаўным сцягам лічыцца дацкі.

Яго гісторыя сыходзіць каранямі ў XIII стагоддзе. У 1219 годзе войска дацкага караля Вальдэмара ІІ спрабавала захапіць новыя землі на тэрыторыі сучаснай Эстоніі. Недалёка ад сённяшняга Таліна на датчан напала войска эстаў. Напад быў такім раптоўным і нечаканым, што датчане сталі адступаць. Тады, паводле легенды, дацкія святары сталі маліцца Богу пра дапамогу. І яна нечакана прыйшла: з неба спусціўся чырвоны сцяг з белым крыжам. Натхнёныя такой падтрымкай датчане, хутка разбілі войска эстаў-паганцаў. У памяць пра тыя падзеі ў Таліне захаваўся Сад дацкага караля.
#fact

​Многія беларусы цвёрда перакананыя, што літара Ў унікальная і не мае аналагаў у іншых мовах. Неблагая нагода для гонару, але не зусім рэальная.

Графічна такая самая літара была ва ўзбекскім кірылічным алфавіце, але азначала яна гук [о].

А вось у каракалпакскай мове (яе носьбіты жывуць на тэрыторыі Узбекістана) літара Ў чытаецца так жа, як і ў беларускай.
#fact

​Мала хто ведае, што знакаміты мультсерыял пра Спанч Боба насамрэч больш інтэлектуальны, чым падаецца, і нават мае рэлігійны сэнс.

Кожны з сямі мультгерояў – ад Планктона да Губкі Боба – увасабляе адзін са смяротных грахоў чалавецтва.
#fact