Зянон Пазьняк

@pazniak Нравится 1
Это ваш канал? Подтвердите владение для дополнительных возможностей

Зянон Пазьняк – беларускі палітык, навуковец, публіцыст і паэт (год нараджэньня 1944). Кандыдат мастацтвазнаўства.
Гео и язык канала
Беларусь, Белорусский
Категория
Книги


Гео канала
Беларусь
Язык канала
Белорусский
Категория
Книги
Добавлен в индекс
05.01.2018 14:34
реклама
Беларуский Телеграм
Каналы, группы, боты и стикерпаки Беларуси.
Telegram Analytics
Подписывайся, чтобы быть в курсе новостей TGStat.
TGAlertsBot
Мониторинг упоминаний ключевых слов в каналах и чатах.
201
подписчиков
~200
охват 1 публикации
~58
дневной охват
~3
постов / нед.
99.5%
ERR %
0.09
индекс цитирования
Репосты и упоминания канала
3 упоминаний канала
0 упоминаний публикаций
2 репостов
Свае Людзi
Беларускі піонэр
Свае Людзi
Беларуский Телеграм
Беларуский Телеграм
Каналы, которые цитирует @pazniak
Последние публикации
Удалённые
С упоминаниями
Репосты
Аб рашучых дзеяньнях дзеля абароны Беларусі

Антыбеларуская злачынная група ўлады працягвае гандаль краінай, вядзе злачынныя перамовы з Крамлём аб продажы суверэнітэту Беларусі. Праз падстаўных асобаў змоўшчыкі заяўляюць аб стварэньні “союзного государства” з адзіным расейскім урадам, парлямантам, грашыма, падатковай сістэмай, чынавенствам і войскам. Стаўленік Масквы ў Беларусі заявіў, што гэта будзе новы “савецкі саюз”.

Сутнасьць гэтай змовы – дзяржаўная здрада Беларусі. Змова лукашысцкага рэжыму з Масквой, якая адбываецца ў Крамлі, ёсьць антыканстытуцыйнае, антызаконнае, антынацыянальнае дзеяньне.

Нягледзячы на папярэджаньні грамадзкасьці спыніць антызаконную змову з Масквой, яна працягваецца, зьяўляецца фактам гібрыднай акупацыі Беларусі.

У такім становішчы (калі адсутнічаюць усе законныя магчымасьці зьмены злачыннага кіраўніцтва дзяржавы) сам народ выконвае ролю дзяржаўнай улады, мае функцыю суверэна краіны. Гэтае ягонае права ёсьць правамоцнае, законнае, канстытуцыйнае і справядлівае. Дзеяньні і рашэньні здраднікаў і змоўшчыкаў з Масквой незаконныя і народам не прызнаюцца.

Асобы, якія зьдзейсьнілі злачынства дзяржаўнай здрады па ўмаленьні і ліквідацыі суверэнітэту Беларусі мусяць быць неадкладна пакараныя праз народны суд, альбо пры адсутнасьці такой магчымасьці – непасрэдна грамадзянамі Беларусі шляхам ліквідацыі злачынцаў.

Беларусы павінны ведаць свае правы і магчымасьці. Інакш група крымінальных нягоднікаў, што дарвалася да ўлады, можа прадаць увесь народ, пазбавіць шчасьця цэлыя пакаленьні людзей. Грамадзкасьць Беларусі мусіць рашуча дзейнічаць і яднацца дзеля абароны краіны.

2 сьнежань 2019 г. Зянон Пазьняк
Читать полностью
Сёньня дзень герояў, 99 угодкі Слуцкага Збройнага чыну. У 1920 годзе беларусы паказалі, што ў справе абароны Бацькаўшчыны яны могуць арганізавацца хутка, збройна і ахвярна.

Случчына апынулася на той час найменш разбураным вайной краем у параўнаньні з іншымі мясьцінамі Беларусі. Там былі моцныя сялянскія гаспадаркі. Случакі ўспрымалі БНР як сваю беларускую ўладу і не хацелі, каб расейскі бальшавік удзёрся ў іхняе жыцьцё са сваім рабаваньнем і забойствамі. На заклік Беларускай Рады Случчыны за некалькі дзён сабралася дзесяць тысяч дабраахвотнікаў ваяваць з Масквой – цэлая дывізія. Праўда нехапала зброі і ўзброілася толькі частка.

Аналягічна, калі за часы нямецкай акупацыі ў 2-й Сусветнай вайне беларускія вайскавікі аб’явілі аб стварэньні Беларускай Краёвай Абароны, то адразу зьявіліся 40 тысяч дабраахвотнікаў (што, дарэчы, упалохала немцаў, якія беларусам не давяралі).

Такім чынам тыя беларусы, якія жылі перад намі, былі хуткімі да бою і вайны не баяліся. Больш за месяц слуцкія дабраахвотнікі змагаліся з маскоўскай зграяй, б’ючы маскалёў. Урэшце бальшавікі кінулі на Слуцкі фронт велізарныя сілы, цэлыя дывізіі з артылерыяй. Толькі тады случакі ў колькасьці паўтары тысячы жаўнераў адступілі і перайшлі за раку Лань.

Слуцкі збройн чын – гэта моцная старонка беларускай змагарнай гісторыі. Случакі змагаліся за сваю зямлю і за Беларускую Народную Рэспубліку. Яны засьведчылі збройны супраціў маскоўскай акупацыі Беларусі. Змагары паказалі, што за Айчыну трэба змагацца ў любых умовах, ня гледзячы ні на якія цяжкасьці і ні на якую сілу ворага. Ворагаў ,бальшавіцкую навалу трэба было біць і зьнішчаць, як шалёных сабак.

Цяпер імпэрыялістычная Масква зноў задзірае свій лыч, пагражае Беларусі і ўсяму сьвету. Яна імкнецца прымусіць здрадніцкі рэжым Лукашэнкі падпісаць капітуляцыю і стварыць повад, каб захапіць Беларусь. Але вынікам гэтай палітычнай авантуры стане тое, што маскоўскія авантурысты будуць зьнішчаны беларускім народам разам з лукашысцкімі здраднікамі і хрыстапрадаўцамі. Настае час, калі воля становіцца галоўнай і нішто ня спыніць вольнае Беларусі.

Слава слуцкім змагарам!
Слава Айчыне!
Жыве Беларусь!


27 лістапада 2019
Зянон
Пазьняк
Читать полностью
https://telegra.ph/%D0%86NSURGENTY-M%D1%96stehryya-%D1%9E-adnoj-dze%D1%96-11-28
ІНСУРГЕНТЫ (Містэрыя ў адной дзеі)
АСОБЫ: Кастусь (Канстанцін-Вінцэнт) Каліноўскі, 26 гадоў. “Кіраўнік паўстаньня ва ўсім Літоўскім Краі”, “Апошні кароль Літвы”. Зыгмунт Серакоўскі, 36 гадоў. Цітус Далеўскі, 23 гады; найбліжэйшы памочнік Кастуся Каліноўскага. Ігнат Здановіч, 22 гады; найбліжэйшы паплечнік Кастуся Каліноўскага. Станіслаў Ішора, 25 гадоў, вікарны ксёндз. Раймунт Зямацкі, 53 гады, ксёндз-пробашч. Гэнрык Макавецкі, 27 гадоў. Якуб Чэхан, 40 гадоў. Казімер Сычук, 36 гадоў. Альбэрт Лясковіч, 23 гады. Баляслаў Колышка, 25 гадоў. Аляксандар…
Пахаваньне паўстанцаў. Сябры і непрыяцелі

22 лістапада – дзень жалобы і памяці трох народаў – перапахаваньне герояў паўстаньня 1863 года. Мэмарыяльная ўрачыстасьць адбудзецца ў Вільні. Пасьля багаслужбы ў Віленскай катэдры жалобнае шэсьце накіруецца на старажытныя могілкі Росы, дзе героі будуць пахаваныя ў гістарычнай мэмарыяльнай капліцы.
Рэжымныя антынародныя ўлады ў Беларусі настроеныя нэгатыўна да паўстаньня 1863 года і да кіраўніка паўстаньня Кастуся Каліноўскага. Беларусь на перапахаваньні будзе прадстаўляць беларуская грамадзкасьць. Беларускую грамадзкасьць у неабходных абставінах будуць прадстаўляць Дэпутаты Незалежнасьці – гістарычна легітымныя асобы беларускай нацыянальнай палітыкі.

Перапахаваньне герояў паўстаньня ў старажытнай сталіцы Вялікага Княства Літоўскага і цэнтры паўстаньня – Вільні не да спадобы непрыяцелям Беларусі. Ім хацелася ганьбы і скандалу.

У жніўні-верасьні ў Вільні апынуўся спэцпасланец гэтых спэцлюдзей, які намовіў дэпутатам Сэйму думку аб асобным пахаваньні кіраўніка паўстаньня Кастуся Каліноўскага на тэрыторыі Рэспублікі Беларусь. Неўзабаве зьявіўся сакрэтна падрыхтаваны ліст-пэтыцыя ад беларускай інтэлігэнцыі да Ураду і Сэйму Летувы аб выдачы парэштак Каліноўскага.

Скандал сапраўды пачаўся і агэнтура, якая курыравала гэты ліст, падняла лямант і непрыстойны шум. Аднак нічога з гэтай авантуры не атрымалася. Разумных людзей са здаровым сэнсам у галаве было больш. Правакацыя захлынулася.

Але на гэтым падрыўная дзейнасьць не спынілася. “Спэцлюдзі” плянуюць правакацыю ў час жалобнага шэсьця. Фантазія ў гэб’я небагатая, рыхтуюць у асноўным выкрыкі ў час жалобы, кшталту: “аддавайце Вільню”, “Аддавайце Каліноўскага” і т. п. Магчыма будуць шкодныя надпісы, неадэкватнае захаваньне і варожая сімволіка. Пра пляны правакатараў папярэджаныя адпаведныя асобы ў Летуве і беларуская грамадзкасьць. Правакатарам не зайздрошчу.

Слава героям Каліноўцам!
Слава Айчыне!
Жыве Вялікае Княства Літоўскае!
Жыве Беларусь!

19 лістапада 2019 г. Зянон Пазьняк
Читать полностью
Праграма Еўрарадыё «Ідэя Х» з удзелам Зянона Пазьняка (Варшава, 14 лістапада 2019 года).
Аб фальсіфікацыі выбараў у Палату прадстаўнікоў Нацыянальнага сходу Рэспублікі Беларусь і непрызнаньні іх за сапраўдныя

(Заява)

17 лістапада 2019 г. адбыліся афіцыйныя чарговыя выбары ў Палату прадстаўнікоў Нацыянальнага сходу Рэспублікі Беларусь.

Па зьвестках назіральнікаў на выбарчыя ўчасткі для галасаваньня 17 лістапада зьявілася ня больш за 20 адсоткаў выбаршчыкаў. Нягледзячы на тое, афіцыйная лічба прагаласаваных была пададзена Цэнтральнай Камісіяй па выбарах і рэфэрэндумах больш за 50 адсоткаў.

Фальсіфікацыя фрэквэнцыі і іншыя парушэньні, зафіксаваныя назіральнікамі ў сотнях выпадкаў і афіцыйна задакумэнтаваныя. На асобных участках лічба прагаласаваных завышана ў 10 разоў.

У выніку дакладнай фіксацыі назіральнікамі парушэньняў галасаваньня рэжымныя ўлады ,міліцыя і кіраўнікі выбарчых камісіяў пачалі масава выдаляць афіцыйных назіральнікаў з участкаў галасаваньня, пазбаўляць іх рэгістрацыі, перашкаджаць у назіраньні. Кіраўнік улады А. Лукашэнка публічна прыгразіў фізічнай расправай назіральнікам на выбарах (гэта новы аспэкт у выбарчым варварстве існуючага рэжыму).

На працягу пяці дзён перад выбарамі, як заўсёды, адбывалася так званае “папярэдняе галасаваньне”, якое па зьместу незаконнае і супярэчыць Канстытуцыі краіны. Зафіксавана, што на папярэдняе галасаваньне людзей абавязвалі ісьці пад прымусам і пагрозамі пакараньня. Назіральнікі адзначылі шматкроць завышаныя прыпіскі колькасьці прагаласаваных у час папярэдняга галасаваньня. Рэжымныя ўлады тут заўсёды фальсіфікавалі фрэквэнцыю і падавалі афіцыйную лічбу ў межах 25-30 адсоткаў прагаласаваных. Але гэтая лічба фальшывая і завышаная.

Такім чынам чарговая імітацыя галасаваньня на выбарах у Палату прадстаўнікоў Нацыянальнага сходу Рэспублікі Беларусь, якое адбылося 17 лістапада 2019 г., завершылася адназначна грубай фальсіфікацыіяй яўкі выбаршчыкаў, пагрозай расправы з назіральнікамі за галасаваньнем і аб’яўленьнем фальшывых вынікаў аб фрэквэнцыі выбаршчыкаў.

У рэальнасьці выбары ў Палату прадстаўнікоў Нацыянальнага сходу Рэспублікі Беларусь 17 лістапада 2019 г. не адбыліся. Народ праігнараваў фальшывыя выбары і тым самым выказаў недавер рэжымным уладам А. Лукашэнкі.

Вынікі гэтых выбараў ня могуць быць прызнаныя беларускім грамадзтвам і міжнароднай супольнасьцю.

18 лістапада 2019 г.
Г. Менск

Кіраўніцтва Кансэрватыўна-Хрысьціянскай Партыі – БНФ:
Зянон Пазьняк, старшыня
Юрый Беленькі, выконваючы абавязкі старшыні ў Беларусі
Сяргей Папкоў, намесьнік старшыні
Читать полностью
Дарагія землякі, паважаныя беларусы! Сёньня ізноў адбываюцца #Дзяды — нашае містычнае і сакаральнае сьвята продкаў. Яно ў цяперашнім часе набыло ў нас асаблівае значэньне, бо зьвязана з Народным Мэмарыялам Курапаты, зьяўляецца яго часткай і ягонай сутнасьцю.

Народны Мэмарыял Курапаты створаны народам у традыцыях нашай мэмарыяльнай культуры. Пачаўся ён 29-га кастрычніка 1989 года, калі людзі, ідучы шэсьцем, прынесьлі сюды на руках вялікі сямімэтровы Крыж Пакуты і паставілі яго тут пад гукі рэквіема і казаньне малітваў.

З 2000-га года кожны раз на Дзяды сюды прыходзілі тысячы людзей, якія несьлі на плячах крыжы і ўстанаўлівалі іх тут, ля магілаў расстраляных продкаў. Так ствараўся вечны Мэмарыял Памяці пра генацыд. Кожны год на Дзяды сюды прыходзяць людзі, нясуць і ўстанаўліваюць крыжы — помнікі вечнасьці. Вось чаму гэты мэмарыял зьяўляецца вечным, бо кожны год кожнае пакаленьне беларусаў прыносіць сюды і ставіць тут свае адзнакі памяці. Гэта працэс няспынны, пакуль жыве народ. Ён стаўся рытуалам, сьвятой часткай памяці пра трагічны для людзей і для гісторыі час.

Мы тут усе ёсьць удзельнікі, ушанавальнікі і стваральнікі Народнага Мэмарыялу. Ніхто, ніякая цемра, ніякая цёмная чартоўская сіла ня зьнішчыць Курапаты, пакуль мы жывем.

Няхай цемра бесіцца сабе да пары, няхай робіць сабе крыжалом. Урэшце гэты крыжалом і пахавае іх усіх, з усёй іхнай сіпатай нянавісьцю і ядавітай сьлінай.

Шануйма нашых Дзядоў! Шануйма расстрэльныя магілы продкаў, паважайма нашу гісторыю, нашых пакутнікаў і нашых герояў. Гэта вельмі важна цяпер для беларускай нацыі, каб вытрымаць навалу, перамагчы ворагаў чалавецтва і адбудаваць нашу сьветлую, вольную Беларусь.

Слава Айчыне!
Наступныя Дзяды — у вольнай Беларусі!


3 лістапада 2019 г.
Зянон ПАЗЬНЯК
Читать полностью
Аб небясьпецы для незалежнасьці Беларусі
Інтэграцыя супраць незалежнасьці Беларусі
Прафанацыя афіцыйнага перапісу ў Беларусі
Пра пахаваньне Каліноўскага
Выпадкі ў розных краінах і ў розных частках сьвету паказваюць, што дастаткова легалізаваць і вывесьці з-пад дзеяньня закону нават самую мізэрную крымінальную групу, як яна тут жа сядае на галаву ўсяго грамадзтва, пачынае пампаваць свае дазволеныя неадэкватныя правы і нішчыць асяроддзе.

У дэмакратычным сьвеце такое адбылося ў дачыненьні да некаторых адхіленьняў дэвіантаў. Канкрэтна — легалізавалі лесбаў і гомасэксуалістаў. (На чарзе педафілы, інцэст, заафілы і іншыя рэдкасныя збачэнствы.) На Захадзе невялікая гомасэксуальная група (якая адразу згуртавалася па ўсім сьвеце), як правіла, імкнецца пранікнуць у ключавыя пазыцыі структур і адтуль уплываць на паводзіны нармальных людзей, не спыняючыся (калі ўзьнікае магчымасьць) перад ціскам, прапагандай, скандаламі, паклёпам ды псіхічным тэрорам. Тады структура альбо падае, альбо ператвараецца ў асяродак дэвіанцкай дзейнасьці па далейшым развале грамадзтва.

Дэмакратыя па сваёй прыродзе спараджае такую зьяву. Аўтарытарныя і антыдэмакратычныя рэжымы дэвіанцтва не легалізуюць, не спрыяюць, але і не забараняюць (за выключэньнем некаторых мусульманскіх краінаў Афрыкі і Азіі). Антыбеларускі рэжым Лукашэнкі таксама не забараняе збачэнцаў, але выкарыстоўвае іх дзеля развалу нацыянальнай грамадзянскай супольнасьці, якая рэжыму непатрэбная.

Ілюстрацыяй да гэтага служыць нядаўні скандал у беларускай арганізацыі ПЭН-цэнтру. Літаральна пару дэвіантаў, якія туды праніклі, развалілі ўвесь так званы “цэнтр”.

Відаць, упершыню адкрыта загучэла там нянавісьць да Хрысьціянства, да Бога і да ўсяго беларускага. Прадэманстравана дакладная копія, як на Захадзе ў лявацкіх збачэнскіх асяродках.

Калісьці Васіль Быкаў уручае мне пасьведчаньне сябра ПЭН-цэнтра і чамусьці кажа: “Вось, можа, прыдзецца калі-небудзь падтрымліваць”. Цяпер ужо і падтрымліваць няма чаго. Арганізацыю лепш распусьціць як неспрыяльную культуры, свабодзе, дэмакратыі і беларускім нацыянальным інтарэсам. Зразумела, гэтага не адбудзецца. Ды-й рэжыму патрэбна, каб пазьдзекваецца з “сьвядомых”, якія там “жужжаць”, хто лепшы підэраст.

Скандал, між іншым, паказаў тым, хто яшчэ ня ведаў, што дэвіанты і збачэнцы на палавой глебе ёсьць маргінальна ненавісныя Хрысьціянству, Богу, нацыянальнай культуры, і нармальным дачыненьням нармальных людзей. Дэвіанцкая паталогія спараджае сіндром агрэсіўнай нянавісьці да сьвету, які непадобны да іхняй інваліднасьці. Вось гэта якраз тое, што насадзілі тут эмісары заходняй гнілі пад відам дэмакратыі. Але гэта пакуль тут яшчэ не разабраліся. Скора разьбяруцца.

28 кастрычніка 2019 г.
Зянон ПАЗЬНЯК
Читать полностью
Attached file
Паведамленьне

Беларускія грамадзяне Пазьняк Зянон Станіслававіч, Беленькі Юры Адамавіч,
Папкоў Сяргей Пятровіч падрыхтавалі і адаслалі ў Генэральную Пракуратуру і Следчы Камітэт заявы абвінаваўчага кшталту аб антызаконных дзеяньнях А. Р. Лукашэнкі. (гл. ніжэй).


Генеральнаму Пракурору Рэспублікі Беларусь
У Сьледчы Камітэт Рэспублікі Беларусь

Грамадзяне рэспублікі Беларусь:
(прозьвішчы, адрасы)

Аб правядзеньні сьледзтва

Просім правесьці сьледчыя дзеяньні ў сувязі з паведамленьнем прэсслужбы Адміністрацыі прэзідэнта аб пу блічным выказваньні А. Р. Лукашэнкі, у якім ён засьведчыў пра стварэньне групы кадравага рэзерву ў колькасьці 850 чалавек, якія надзелены ім пэўнымі паўнамоцтвамі абароны перад законам і валодаюць пэрсанальным імунітэтам. Без асабістага дазволу А. Р. Лукашэнкі “іх нельга затрымліваць, арыштоўваць”. “Гэта важна для таго, каб яны маглі самастойна дзейнічаць”, — патлумачыў А. Р. Лукашэнка.

Дзеяньні А.Р. Лукашэнкі груба парушаюць Канстытуцыю Рэспублікі Беларусь, у тым ліку:
- арт 7. У Рэспубліцы Беларусь устанаўліваецца прынцып вяршэнства права.
Дзяржава, усе яе органы і службовыя асобы дзейнічаюць у межах Канстытуцыі і прынятых у адпаведнасці з ёю актаў заканадаўства.
- арт.23. (абзац другі) Ніхто не можа карыстацца перавагамі і прывілеямі, якія супярэчаць закону.

Канстытуцыя Рэспублікі Беларусь (глава 3 раздзела 4) і Закон “Аб Прэзыдэнце Рэспублікі Беларусь” не надзяляюць асобу, якая займае пасаду Прэзідэнта Рэспублікі Беларусь, правам надаваць імунітэт недатыальнасьці асобным грамадзянам або групам грамадзянаў.

Стварэньне антыканстытуцыйнай групы ў мэтах фармаваньня і ўтрыманьня ўлады, незаконнае надзяленьне яе ўдзельнікаў асобымі паўнамоцтвамі, якія выводзяць іх з-пад дзеяньня закону і падпарадкоўваюць толькі асабістай волі А. Р. Лукашэнкі, ёсьць актам грубага выкарыстаньня ўлады ў асабістых інтарэсах і перавышэньня службовых паўнамоцтваў. ( арт. 426 Крымінальнага Кодэксу Рэспублікі Беларусь).

?? кастрычнік 2019 год, г. Менск

Подпісы

————————————————–

Гэты тэкст можа паслужыць прыкладам для іншых заяваў, лістоў і зваротаў у воганы пракуратуры і сьледзтва. Пішыце. Гэта трэба рабіць.

Зянон Пазьняк, 24 кастрычнік 2019 г.
Читать полностью
Так званы “перапіс” насельніцтва Беларусі як палітычна-акупацыйнае мерапрыемства рэжыму працягваецца далей, але, як зьява, ўжо цалкам правалена. Тое, што вытварае рэжым зь перапісам, ніякім перапісам не зьяўляецца. Гэта напоўкрымінальны збор інфармацыі з падтасоўкай адказаў па асноўных пытаньнях і з абдурваньнем людзей.

Назіраючы за гэтым працэсам шальмаваньня народу, можна зразумець важную тэхналягічную неабходнасьць перапісу. Перапіс насельніцтва павінен адбывацца выключна на папяровых фармулярах шляхам апытаньня і запісаў, якія кантралюе і падпісвае апытаная асоба і апытальшчык. Такім чынам застаецца архіўны дакумант і аўтаматычна зьяўляецца кантроль людзей за перапісам.

Тое, што прыдумаў рэжым, — гэта цынічны зьдзек над людзмі. Апытаньне заносіцца ”фіксавальшчыкам” у “таблет” шляхам прыцісканьня пальчыкам, ці курсорам розных кнопачак. (Бальшыня людзей нават ня бачыць, што там атрымалася). Але справа нават ня ў гэтым. Магнітную інфармацыю, занесеную ў таблет, потым можна зьмяніць як заўгодна, было б жаданьне і ўменьне. Можна таксама ліквідаваць увесь запіс і цалкам перапісаць фармуляр. Таблет у перапісе — гэта шулерства.

Дакумэнтальна мае значэньне і паддаецца кантролю толькі тое, што запісана на доўгатрывалым матэрыяле.

Дарэчы (іншая тэма), тут я закранаю аснову асноваў фіксаваньня чалавечай гісторыі. Элекрамагнітная інфармацыйная цывілізацыя можа абваліцца за адзін дзень, з усімі сваімі “гугламі”. Патопу не спатрэбіцца. Вавілонскую вежу награмазьдзілі настолькі, што яна ўжо можа абваліцца сама пад цяжкасьцю сваёй канструкцыі.

Пішыце кнігі, спадары. Друкуйце газэты. Напісанае — застанецца.

23 кастрычнік 2019 г.
Зянон ПАЗЬНЯК
Читать полностью
Attached file
Віншую дарагіх сяброў-фронтаўцаў і ўсіх беларускіх адраджэнцаў з 31-мі ўгодкамі стварэньня Беларускага Народнага Фронту “Адраджэньне”.

Гісторыя сталася тады для нас літасьцівай і дазволіла нам цуд — цуд пазбаўленьня ад камунізму і цуд здабыцьця незалежнасьці Беларусі. Дазволіла, бо мы надта хацелі, мы імкнуліся, мы змагаліся, мы гэтым жылі, не шкадуючы сілаў для нашай дарагой Бацькаўшчыны.

Слава Табе Госпадзе!
Слава Айчыне!
Шануйма нашу Беларусь і наш народ!

19 кастрычніка 2019 года
Зянон Пазьняк
Читать полностью
Чарговае публічнае прызнаньне Лукашэнкі аб ягонай антызаконнай дзейнасьці ёсьць сур’ёзным парушэньнем з гледзішча права. Гэтак жа як і ягоныя ранейшыя прызнаньні аб маніпуляцыі вынікамі выбараў і інш.

Нагадаю сутнасьць. Прэс-служба ўзурпатара паведаміла, што размаўляючы са слухачамі Акадэміі кіраваньня, Лукашэнка заявіў, што ім створана група кадравага рэзэрву намэнклятуры колькасьцю ў 850 чалавек. Пэрсанажы гэтай групы надзелены ім пэўнымі паўнамоцтвамі абароны перад законам і валодаюць пэрсанальным імунітэтам. Без асабістага дазволу Лукашэнкі “іх нельга затрымліваць, арыштоўваць”. “Гэта важна для таго, каб яны маглі самастойна дзейнічаць”, — патлумачыў сатрап.

Стварэньне антыканстытуцыйнай групы ў мэтах утрыманьня ўлады і незаконнае надзяленьне яе ўдзельнікаў асобымі паўнамоцтвамі, якія выводзяць іх з-пад дзеяньня закону і падпарадкоўваюць толькі асабістай волі ўзурпатара, ёсьць актам грубага выкарыстаньня ўлады ў асабістых інтарэсах.

Ня буду пералічваць якія артыкулы Крымінальнага Кодэксу і Канстытуцыі парушаны. Справа вымагае сьледзтва і сьледчых дзеяньняў аб дзейнасьці гэтай групы і яе арганізатара.

Зварот у Генеральную Пракуратуру і Сьледчы Камітэт можа зрабіць кожны грамадзянін Беларусі, кожная грамадзкая арганізацыя.

Падкрэсьліваю, што такія звароты абавязковыя. Яны мусяць быць згодна юрыдычнай працэдуры фіксаваньня парушэньняў закону.

18 кастрычнік 2019 г.
Зянон Пазьняк
Читать полностью
ЗАКЛІК

У каторы раз паўтараю свой заклік да беларусаў, каб рыхтаваліся да збройнага супраціву агрэсарам. Рыхтавацца трэба цяпер і вельмі сур’ёзна. Аўтаномныя групы — толькі па два чалавекі. Падрыхтоўка да партызанскіх дзеяньняў у населеных пунктах, рыштунак і ўсё неабходнае. Памятайма, што таго сьвету, які быў да 2014 года, ужо няма.

Я веру і ведаю, што ў Беларусі ёсьць шмат сапраўдных, патрыятычных і разумных мужчын, якія здольныя змагацца за нашу волю, незалежнасьць і сьветлую Беларусь. Рыхтуймася ціха, упэўнена, нясьпешна, з усьмешкай на твары. Перамога будзе.
Слава Айчыне!
Жыве Беларусь!

18 кастрычніка 2019 г. Зянон ПАЗЬНЯК
Читать полностью
Некаторыя беларусы не перастаюць зьдзіўляцца тупой (як яны думаюць) дэмагогіі прадажнікаў Беларусі, якія паўтараюць, як заведзеныя, што, маўляў, суверэнітэту не здадуць і ніякай палітычнай інтэграцыі з Расеяй ня будзе, аб’яднаюць толькі эканомікі.

Кожны ведае, што так званае “аб’яднаньне эканомікі”, гэта і ёсьць страта суверэнітэту і канец незалежнасьці меншай краіны (палітычная дэклярацыя становіцца тады толькі фармальнасьцю). Тым ня менш, змоўшчыкі ўсяроўна ўпарта паўтараюць сваю прыдумку, не спыняючыся.

На мой погляд, тут у іх нават няма разьліку на масы цёмных людзей. Тут цынічны слоган, які яны паўтараюць без канца, бо ім трэба ж нешта паўтараць, мець нейкае слоўнае прыкрыцьцё, хоць бы і самае фальшывае. Такая ёсьць іхняя тактыка.

Нядаўна спадара Макея змусілі даць інтэрв’ю. Ён выразна засьведчыў сваю рэжымную прыроду непрыняцьця вольнай беларускай нацыі і выказаўся пра стратэгічны плян здачы краіны. Сказаў амаль адкрыта. Цытую гэтае ягонае выказваньне:

“На начальном этапе, я говорил в интервью РБК, содержались предложения о создании неких наднациональных структур, что, конечно же, связано с политической составляющей более углубленной интеграции между Беларусью и Россией. Но я упомянул о том, что на встрече президентов в июле этого года в Санкт-Петербурге были обсуждены все предложения обеих сторон и однозначно была признана президентами нецелесообразность работы над этими предложениями, которые содержат определенную политическую составляющую.

Нет смысла разговаривать сейчас, например, о создании единого Центрального банка, что является венцом экономической интеграции, если мы не достигли нормального уровня экономического сотрудничества на данном этапе. Есть ряд актуальных проблем, которые решать надо сейчас, а не строить сначала крышу, а потом думать, как подвести под эту крышу фундамент. Надо сначала возвести фундамент, затем стены, а затем уже строить крышу.”

Дык, што тут яшчэ тлумачыць!

Ён жа, ужо не хаваючыся, кажа, што будуць ствараць эканамічны грунт паглынаньня краіны (базіс), каб потым тое толькі палітычна засьведчыць (дах).

Мы бачым гэтых прадажнікаў, якія ў дадатак яшчэ імкнуцца няўклюдна ашукаць грамадзтва.

Раскрыцьцё здрадніцтва мае тую асаблівасьць, што яно мусіць быць пакаранае заранёў, пакуль не нарабіла шкоды. Што станецца ў Беларусі — паглядзім. Я, аднак, адчуваю, што цяпер гэты нумар проста так прадажнікам ня пройдзе.

ВАЙНА

З усіх бакоў сталі зноў казаць пра падрыхтоўку Расеі да вайны. Яна рыхтуецца ўжо 19 гадоў, але тут маецца, перш за ўсё, напад на Украіну. Выбудоўваюць ударную лінію ад Растова да Смаленска. Расея ўдала выкарыстоўвае саўковасьць новага ўкраінскага прэзыдэнта, паляпшае сваю пазыцыю ў Эўропе і на Блізкім Усходзе. У Беларусі на Палесьсі Масква таемна будуе стратэгічную авіябазу з бэтанаванымі пэналамі і ўзьлётнай паласой у бок Украіны. На Гомельшчыне, ля ўкраінскай мяжы, таемна, са згоды сатрапскага рэжыму, расейская ваеншчына прыстасоўвае іншы плацдарм.

Подласьць маскоўскіх агрэсараў відавочная — скарыстаўшы прадажнасьць лукашысцкага рэжыму, пачаць наступ на Украіну зь беларускай тэрыторыі, і тым самым дэ факто ўцягнуць Беларусь у сваю ганебную вайну.

Нашыя назіральнікі мяркуюць, што Пуцін можа пачаць вайну ў 2021-22 гадах, пасьля таго, як будзе пабудаваная паўночная нітка газаправоду, каб мець спакойнай Эўропу і закулісную падтрымку Нямеччыны ды Францыі. За гэты час будзе завершана мадэрнізацыя і камплектацыя заходняй групы войскаў і (хутчэй за ўсё) будуць справакаваныя ўнутраныя пратэсты і канфлікты на Украіне.

Пакуль што ўсё спрыяе плянам расейскай агрэсіі. Тэарытычна спыніць іх магла б Беларусь, але для гэтага мусіць быць зьмена ўлады.
Читать полностью