Сёння вялікі юбілей у гісторыі беларускай музыкі: 50 гадоў споўнілася б Аляксандру Куллінковічу, стваральніку і лідару гурта Neuro Dubel.
Дзядзя Саша заўжды застаецца з намі. У песнях, у тэкстах, ва ўспамінах. У шчырай усмешцы і шчырых слязах. Здаецца, ягоны хітры позірк і зараз сочыць за намі, а ў галаве ўжо нараджаецца новы іранічны пост.
Узгадайце сёння дзядзю Сашу. Дадайце ў плэйліст улюбёныя песні, паглядзіце кліпы, прыгадайце першы наведаны канцэрт. А ўвечары ўздыміце чарку за легенду беларускага панку.
На відэа - першы выступ АК на тэлебачанні. 1992 год, дзядзі Сашы 20, а наперадзе доўгае і яскравае жыццё:
https://www.youtube.com/watch?v=AD5ewjuLAFE.
Запіс з архіваў гурта Neuro Dubel.
#сашатут
