Mewa Bałtycka

#мэвабеларуская

Увогуле зьбіраўся зусім пра іншае пісаць па Нэптуне: падзяліцца пэўнымі разважаньнямі пра тое, як Гданьск ад сівых часоў даваў паратунак ад перасьледу ці прывабліваў магчымасьцяй зладзіць новае жыцьцё. Багата ж цёплага можна знайсьці ў аналёгіях.

Але побач з нашым нядзельным мейсцам чынілася рэканструкцыя сутыкненьняў польскае грамады з міліцыяю ды службамі - да 43 гадавіны абвешчаньня ваеннага стану. Папросту перасмыкнула, як пабачыў.

Таму хіба на цёплыя аналёгіі на разе пачакаем.

Праўду кажучы, трасе да гэтае гадзіны: нібы тэхніка іншая, мундуры іншыя, нават самога інсцэнаваньня не разгледзеў (шчэ ж нашая акцыя трывала) - але нянавісьць выбухае тая самая, што й чатыры гады таму.

#мэваgdańska
#мэвабеларуская

А гэтыя гравюры дазволяць нам шчэ на некаторы час застацца ў XVII ст., толькі што ўжо ў другой ягонай палове.

Рысункі ілюстравалі выданьне першага ґрунтоўнага твору аб гісторыі Гданьску: напісанага Рэйнгальдам Курыке - зноўкі ж замовы мейскае Рады - Der Stadt Dantzigk historische Beschreibung (Гістарычны опіс места Гданьску, 1687).

#мэваgdańska

Добра, хіба вярнімася да нашых гданьскіх падарожжаў у часе!

Зладзім найперш вандроўку даволі далёкую: ажно да пачатку XVII ст. За дапамогаю сэрыі выяваў места, замоўленай Радаю Гданьску ў рысавальніка Эґідыюса Дыкмана.

Мастацкая вартасьць, няма мовы, аж так высокаю ня ёсьць, затое гістарычная - так, як найбольшая. З знойдзенага на разе гэта папросту першы цыкл зь відамі места. Да таго ж шырокі, выявы месьціць падрабязныя. Ды шчэ з побытавымі сцэнкамі!

#мэваgdańska

Сядзеў учора за ўпарадкаваньнем галерыі ды паглядзеў на свой апошні месяц у Менску - некалькі гадоў таму.

#мэвабеларуская